Abstillen und Milchproduktion stoppen

liyakata

Hoi zäme
Würd gern ufhöre stille, mini Tochter chunt jetzt Aptamil 2 über... ich han aber trotzdem no recht viel milch und d‘brüst spanned sehr... chan mir öpert vlt helfe und sege wie ich dmilchproduktion chan stoppe (oder das halt eifach weniger chunt)
Oder wie ich am beste vorgoh chan?

Danke 😘😊

nic10

Hallo
Due viu Salbeitee trinke das hiuft drgägä. U schüsch chasch bim FA ga ä Tablette hole wos gad sofort stoppt😊

AnDu88

Wenns spannt Brust zersch chli wärme, denne d Milch eifach usstriche oder liecht abpumpe bis de druck weg isch, de wirds de automatisch immer weniger. Nachem usstriche/pumpe chüehle. Es geit je nach dem wie alt s chind isch es momentli bis d Milch sich zrugg bildet het.
Salbeitee trinke isch au guet. Lueg eifach dass kei Brustentzündig bechunnsch. D Brust sött immer weich si, das isch wichtig!

Die Tablette nützt eigentlech nur öbbis wenn gar nie hesch afo stille, sprich im Sptial direkt nach de Geburt.. wenn scho längeri Zit gstillt hesch, hört d Produktion dur die Tablette nid eifach vo 100 uf 0 uf.

Aber am Beste lütisch anere Stillberoterin a vo de LaLecheLiga die schaffe ehreamtlich, oder imene Stillambulatorium vom Spital, die chönne der am Beste uskunft gä.

nic10

Aber öbis muessi no zur Tablette sägä die isch nid ganz ohne u het mir rächt uf d Psyche gschlage🙈

Mamelo

I ha wenn si mega volle gsi send s chend bez trinke loh aber ned ganz loh leere. Ond zobe onder de dusche hani emmer bez usgstriche aber au ned alles nor bes die soannug bez weg gsi esch. So esch mini milch zemmli schnell weg gsi

Crystal

I ha o mit Salbeitee u Pfefferminztee u chüele, u wes gar nüm isch gange ä chli usstriche, aber nume weni süsch regsch wider d Miuchbiudig a…brucht äs Momäntli bis d Miuchproduktion zrügg geit

simi99

Chan dir mega empfehle brüscht chüele es isch mega unagnehm aber ich han de ganz tag immer wieder en ischalte chüelbütel mireme tüechli umwicklet im bh gsteckt gha und jede tag 1.5 liter pfeffermünz tee trunke hannen chalt gmacht hanen besser abebracht so ishes bi mir nachere wuche weg gsi und zwüshed dure ganz fin usstriche aber ned z fesht nur selte

liyakata

@simi99 Oke super danke fürd info...

Aber mini brüst sind jetzt recht prall und volle söll ichs idemfall nöd usstrieche bis weich sind?? Sry fals ich komischi frog stell😂 aber will milchproduktion nöd no meh arege... aber sie sind recht prall

AnDu88

@liyakataNei, unbedingt usstriche, aber nur wenig, bis de druck weg isch unds nümme spannt. De druck muess jo weg süsch chas e schlimmi Brustentzündig gäh.

liyakata

Oke super danke viel mol @AnDu88

dixi90

Mou, wenn sie prall sind lieber es bitzli usstriiche. Aber nur sovil, dass es weder agnähm isch.

liyakata

Danke für euri Hilf ❤️

Niggeli

Ich han das au gha bim abstille. Mir het d Stillberatig gseit erst usstriche wenns nüm ushaltisch. Die erste 2 Täg hani glaub mo und ab. Was au guet isch, isch under de Duschi wells den amigs eifach lauft. Well au s usstriche chan wieder arege. Han au Salbeitee trunke (nid me wie 3 am Tag) und na sonen Spagyrikpray ufd Bruscht und is Muul ta. Ich han s Gfühlt gha als hetti wieder de Milchischuss. Nachöpe 6-7 Täg sinds den „leer“ gsi.

Mamelo

Du chaschs der so vorstelle, dass wenn emmer nor wenig weggoht, duets der guet ond du zeigsch de brust das wenig (er) brucht werd, ond de werd au weniger "produziert"

Mayla

@liyakata ha gmeint me het doch 3 stillberotige zguet, da chasch au benutze fürs abstille

liyakata

@Mayla Weis nöd mini Tochter isch scho 9 mönet alt... weis nöd ob i da no zguet ha oder ob das nur am afang isch?

Mimi89

E kollegin vo mir het nach 1 monet nüm welle stille und het denn dr ganz tag pfefferminztee trunke und d brust unter dr duschi usgstriche,bis sie nüm so gspannt het

Mayla

sött während de ganze stillzit möglich si, gsehsch au obe dthemene das fürs abstille chasch kontaktiere

liyakata

@Mayla Danke dir ♥️🤗

LillyFee

Quarkwickel zum chüäle si praktisch ☺️