Baby dreht sich nachts auf dem Bauch

nena1991

Hallo Zemme
Hüt nacht hani en mega schock gha woni verwachet bib. isch sie plötzlich uf de Buch glege und kopf uf de site. Han sie nachem stille wieder uf de Rucke gleit. 3 stund spöter wo sie het welle trinke sgliche gsi. Wieder uf de buch. Tagsdure macht sies scho länger aber zruckdreieh schafft sie no ned. Gits öppis wo mer degege mache chan? oder hendrs amel eifach so glah? han scho angst das sie irgendwann mitem Kopf geg abe witerschlaf.

nena1991

ahja sie isch 6.5 Monat

SHAYENNE

Das wirsch nöd verhindere chöne. Ich ha mini eifach so schlafe la. Am Chind chli vertraue. Wenn sie sich eleige drehed, den chönds au de Chopf hebe und drehe.

Miette

Oh kenni au so guet. Mini chli het mit 3 mönet agfange & denn immer zgsicht gegs matratze dräht. Han sie paar mal zrugdrähjt, aber innert paar minute het sie wieder ufem buch glege. Sie macht das au immer ihr tragi. Zgsichtli isch gegs mich drück. Würd eifach luege, dass nüt loses im bett isch, so dass sie sich problemlos chan zrugg drähje😉.

selibee112

Ich kenns au. Bi mir isch es aber das er eifach nöd uf em rugge schlafe wott sonder uf em buch . Han wück alles probiert. Da de chopf uf de site isch chönds ja zum glück schnuffe . Bi mim sohn isch de chopf nie geg matratze abe und wenn merkt ers selber und dreht de chopf zur site.

snowangel

Hey mini zwei buebe hend sich au immer uf de buch dreiht im schlaf.. ich has mal mitem Kinderarzt besproche ka bim erste sohn und er het au gmeint sini chindee hend all ufm buch gschlafe.. 🤷‍♀️ wenn sie immer gasch go dreie störsch nur de schlaf und dass ich au söll luege dass er ehner im schlafsack schlaft statt mit deckene und sbett au möglich leer ha so wie SHAYENNE und Miette schriebet.

Ich han mal wegem Milch Stau müesse is spital für 3 täg und dete hani de chlinste müesse mitneh. Sie hend dete nur schline bettli ka und dete her er sich immer uf de buch dreiht..
Die ärzt hend nöd so toll gfunde und hend mich ständig zemmegschisse dass das nöd guet isch er derft nöd eso schlafe.. nachem 5te zemmeschiss hani gseit guet denn dreiet sie ihn wieder zruck und bliebet sie grad dete stah und tüend sie mal luege. Er het sich nach paar minute grad wieder kehrt...

Isch wükli müehsam dass es überall so verschiede gmacht wird. Du kennsch dini chli am beschte und weisch was sie scho chan. 🤍

AnDu88

Hmm mit 6,5 mönet und sich selber so dräit unds ihre so wohl isch, nüt anders im Bettli liet wo übere Chopf cha cho, würdi si so lo schlofe. Mini hend sich au abeme Zitli selber ufe Buch dräit und so witer gschlofe. Am Afang isches scho es komischs Gfühl und me goht halt öfters go kontrolliere, au ide Nacht bini automatisch öfters verwachet zum luege (si hei beidi bi üs im Bett gschlofe) aber mit de Zit gwöhnt me sich dra.

katarina

Also mit 6.5 mönet muesch dir nöd gross gedanke mache wenn sie de chopf au guet hebe cha wird sie ihn au drülle ide nacht.
Min chline isch vo ahfang ah en buchschlöfer gsi nachts isch da so schlimm gsi han en nöd chöne uf de rucke tue oder site do het er kei 5 min gschlofe. Sit er 1 monet alt isch schloft er au nachts ufm buch und het immer guet de chopf dreiht, natürli bin ich aber gar nöd guet am schlofe gis han immer möse luege.. jetzt isch er au 6.5 mönet alt und uf alli mögliche arte voralem tuet er au scho krabble und im schlof den au mängisch.

Groan

Eusi Chlini schlaft sit Afang ufem Buch! Het au nie funktioniert ufem Rugge. Sie het ihre Chopf guet chöne bewege, sind au unruhig gsi, aber schnufe het sie immer guet chöne!

Pallas

Mini macht das sit churzem au isch 10 Mönet alt, ich fühl mi aber gar nöd wohl dabi, aber i de Nacht chanis nöd kontrolliere😥

lina97

mini macht das au sit paar wuche. am
afang hani tagelang nöd gschlafe🤣aber jetzt hanis akzeptiert. han imme dütsche forum glese das es schlafsäck zum abinde gitt. find daa aber anormal eifach si lah

sxaina

Min chline het sich au mit 6m ahfange dreihe ih de nacht und han den au chli panik gha und ihn immer wieder dreiht. Aber ez schlaft er uh gern ufem buch und uch lahnen au (9m ez) ☺️