Wochenbett März Babys 2023 🐣

Medo

Hello Mamis, wie lauft bi eu Wuchebett eso?

Bedürfnis zum use goh? Mal zit mit Partner dusse z‘verbringe? 🤷🏻‍♀️

sara_abd

Hoi liebs, Wuchebett isch taff, min Sohn, Luay, isch vor 1 Wuch ufd Welt cho und mir sind üs no am iigwöhne mit allem. Mer sind hüt scho allei zum Arzt glofe und es het no guet tue. Min Rucke isch aber seeehr belastet worde i dere halbe Stund. 😅 Wie alt isch denn dis Baby? lG Sara, 25 us Pfäffike ZH

Medo

@sara_abd Hallo Sara🥰 Mini kleini Prinzessin isch hüt genau 1 Monat alt.

Wie ish bi dir Geburt und alles verlofe? Hesh eh gueti erfahrig gmacht?

Bi au innerhalb vo 1 wuche grad usse und alles ish guet gange. Aber sofern das stille nid guet klappet het me die angst allei usse 🥴🙈

Steffi92

@Medo Hallo
Bi grad uf di Biitrag gstosse (ou beträffs babyblues) u ha mou wöue froge wis dir sowit geit?

Ha grad chönne mitfüehle. Mini 2. Tochter isch am 5.3. uf d Wäut cho u mir ischs ide erste Wuche grad glich gange, dass immer am Obe d Stimmig mega i Chäuer gheit isch. Mittlerwile isch fang besser aber so einisch au 1 bis 2 Wuche chunnts glich no, vorauem wenn d Nacht vorhär mega schlächt isch gsi u me de eifach usbrönnt isch. Aber us erfahrig mit de 1.Tochter chani würkli bestätige, dass immer besser wird je euter si wärde (si wird ändi monet 2).