Mit welchem Alter in die Kita?

Cappuccino92

Hallo Zäme,
Ich han mal welle nahfrage mit welem alter ihr euchi chind it Kita/Tagesmuetter bracht hend. Ich muess im Mai wieder go schaffe und min chline isch ez scho fast 5 mönet. Er fangt morn mit de Igwöhnig ah!! Ich mach mir so viel gedanke und han mega sorge 😥
Wie ischs euch debi so gange ?

Joyce

Hoi Cappuccino
Ich ha mini Tochter mit 6/7 Mönet zur igwöhnig bracht und s isch guet gange. Mer hend aber au 4 wuche igwöhnig gmacht und sie het e super bezugsperson. Däfsch gern fräge, wennd no was wetsch wüsse zum esse, schlafe oder so

Cappuccino92

Ahh was 4 Wuche? Mir hend nur 3 täg, falls es schlecht würd laufe würets es verlängere. Ich mach mir mega sorge das ned guet uf ihn gluegt wird oder dass sie ihn eifach brüele lönd😅🙈🙈. Han bi de Besichtigung zwar es guets gfühl ka aber plötzlich hani all die ängst🙈 Het dini Tochter mühe ka ? Min Sohn isch au scho fremdbetreut worde im Familie/Fründes chreis und er het bis ez nie mühe ka.

Sti

Ha mi Sohn ou mit 6 Monat i Kita gäh. Är het 1 Wuchä igwöhnig kha. Si hei immer guet gluegt. Gloub mä het immer chli äs komisches Gfüuh. Är isch iz drü u geit immer no i Kita. U zwar sehr gärn 😁

Joyce

Aso es hets scho brucht gha, zum sie nöd z überfordert. Jedes chind isch au anders aber ganz ehrlich, ich find persönlich (ohni öper wele ahzgriefe, das isch gar nöd mini art- cool moms don't judge), es brucht minimum zwei wuche mitere langsame steigerig vode trennigsziet und de erst tag sicher wo ein eltereteil no ganz debie isch. Wenn d kita das nöd macht, denn isch sie nöd bedürfnisorientiert und wär für mich en grund zum wechsle. I welere stadt/chreis sinder denn?

Cappuccino92

@Joyce Aso ich han hüt morge mit de Kita gred und sie hend gfunde sie akzeptierez dass mer e längeri igwöhnig machet.👍🏽 De chlii hets mega spannend gfunde und isch z friede xi. Mal luege ob das au so blibt😅

Joyce

Oh so guet! Denn wünsch ich eu e gueti igwöhnig😊