Baby zahnt sehr schlimm

alina92

Hoi zemne
Was hend ihr eune chline so geh?
Mini nimts mega fest mit:-( sie brüellt fast de ganzi Tag. Osa gel hani probiert will sie aber nöd sie kotzt nach dem. Au d'Chügeli will
sie nöd, macht gad smuul zue. Vibrucol nützt nüt , hani au scho probiert. Stuet eim so weh skind so lide zgseh. aber irgendwie hilft eifach nüt. Was sind eui erfahrige?

AnDu88

Wenn mini Chind so schmerze hei gha bim Zahne hani ihne immer es dafalgan zäpfli geh. Für settigi fäll gits Schmerzmedis, bringt ja nüt se liide loh.

Hoffe heits bald düre mit de zähn ❤️

Sonnenblümchen

Bi euis hät Camilia amigs fast chli besser ghulfe als Osa. Und ja wänns so fest weh händ han ich amigs au Dafalgan gäh.

aenderli

Zahöl vo Stadelmann vo usse ufd Bagge ufgstriche hett bi eus nebet em Camilia amigs fascht am beschte ghulfe👍

AmBir

Ich han de fruchtsuger vo de haakaa mit muettermilch ihgfrore und ihre dänn als glace geh. das het immer sofort ghulfe.

Mamelo

AnDu88 schrieb: »

Wenn mini Chind so schmerze hei gha bim Zahne hani ihne immer es dafalgan zäpfli geh. Für settigi fäll gits Schmerzmedis, bringt ja nüt se liide loh.

Hoffe heits bald düre mit de zähn ❤️

I ha mi au lang degege gwert gha, aber i fende da esch die rechtig istellig, grad wenn no mehreri metenand chöme

Swissmom

Vellicht isch das no en Tipp?
Has sälber nonie versuecht

Mamelo

Swissmom schrieb: »

Vellicht isch das no en Tipp?
Has sälber nonie versuecht

D nuggus chamer au met wasser vollsuuge loh ond de igfrühre de het mer au d gfohr vo de stöckli ned.
Aber i wörd devoh abrote. I weiss das mer babys huut met lauwarmem wasser chüele dörf bispelswiis be verbrönnige well d chance uf en onderchüelig met chaltem wasser oder gar iis zgross esch. Also wördi mim baby au nie en iiszapfe is mul stecke.
Aber glöcklecherwiis dörf da au jedes mami ganz nachem eigene empfinde mache