Schilddrüsenüberfunktion nach der Schwangerschaft

fabe

Halle zame😊

Ich han letzt Jahr im September mini Tochter uf t‘welt bracht. Vor ca. 1 Monet het mer bi mir e Schilddrüseüberfunktion gfunde. Mini Husärztin meint, es chönt nach e Schwangerschaft e überfunktion geh, aber die gaht meistens vo eleige wieder. Mir hend jetzt namal kontrolliert und de Wert isch nöd besser gworde. Sie het mir ehrlichgseit chli angst gmacht will sie vo starke Medikamment gredet het woni müest neh wens nöd besser wird und das ich so uf kein fall dörf wieder schwanger werde obwohl mirs eigentlich jetzt den wieder hend wele probiere…🥴

Kennt das öpper? Het au öpper e Schilddrüseüberfunktion kah nach de Schwangerschaft? Isches den uf einmal weg oder hender müese Medis neh? Und wie isch das gsi wonner wieder hend wele Schwanger werde?🙈

Danke im Vorus🤗

Gröipschi

jo i ha das gha nach dr erschte schwangerschaft. mi erscht tipp: lo di unbedingt zumne endokrinolog lo überwise! das si d fachärzt u chli di richtig ischteue u wüsse när o bscheid bezüglech wider schwanger wärde. dr husarzt kennt sech zweni dermit us.
i ha medis müesse nä, wasi eigetlech o logisch finge. das muess mä jo reguliere u i hätt di symptom nüm wöue, isch jo nid gsung.
nach ca. 6 mönet hani d medis chönne absetze, d wärte si wider normau gsi. bir nöchschte schwangerschaft hani när ä liechti ungerfunktion gha u ha während dr schwangerschaft eifach bi jedere schwangerschaftskontroue o d schiuddrüese müesse kontrolliere. nach dere schwangerschaft isch aues i.o. gsi.
unbedingt zumne endokrinolog! aues guete!