Strandurlaub mit Baby 10 Monate

lina98

Mir möchtet endi Juni mit eusem chline 10 Monet nach Antalya All inklusiv badeferie.
irgendwie hani angsr vorem flüge mit ihm.und wie ischs mit e hitz? het öpper vo eurfahrige?

Eline22

Ich wür de flug so bueche das de mittagschlaf grad i dere zit lit. Oder i de nacht. So hend mir immer entspannti flüg ga. Wür mittagsunne mide sprich zwüsche 11-15uhr. UV kleider und sunnecrem uf jede fall mit neh für de chli. So e UV strandmuschle findi au sehr praktisch. Chamer guet in koffer ipacke. Am wasser macht au e sunnebrüle für de chli sinn.

Eline22

Bim lande und starte de stille, shoppe oder schnuller geh für de druckusglich wär no en tipp

AnDu88

Mir si wo üse Bueb 10mt alt isch gsi au s erste mol gfloge. Bi mega nervös gsi 🙈 Mir hend denne eifach gnueg knabbersache für ihn mitgno für währendem Flug, 1-2 neui spielzüg woner nid kennt het…ha ihn denne jewils bim Starte und Lande gstillt.
Grundsätzlich isch tip top gange, wenner unruhig isch worde, isch mi maa mit ihm düre Gang spaziert. Bim Hiflug isch nur bir Landig, woner het müesse agschnallt bi mir ufem Schoss sitzeblibe, chli schwirig gsi und er het brüelet… ha aber sone tolli Frau ufem Sitz vor mir gha, si het denne eifach mit ihm afo „gugus“ spiele, so daser abglenkt isch gsi ❤️
De Rückflug hetter komplett verpennt 😂

S astrengendste hani gfunde bide Passkontrolle ide Türkei, me het soooo lang müesse astoh und dr chli isch scho rächt unruhig worde, het nümme welle im Wägeli sitze etc.

Und süscht d Tipps vor Eline chani au nur so bestätige 👍🏼

AnDu88

Ah und übere Mittag nachem Esse heimer alli chli Siesta gmacht im Zimmer und si chli go schlofe 👍🏼
Do düre vermissis dass mini Chinder scho grösser si und kei Mittagsschlof me mache 😂