Baby 9 Monate will nicht mehr im Kinderwagen sitzen

Cöre

Hallo zäme
Mini tochter esch jetzt den 9 Mönet alt und het en Phase wo si eifach nöm lang im Chenderwage wet setze (vllt so 10Min höchstens) mer hend nie das Problem gha - sie esch emmer gärn im chenderwage gseh und esch au igschlofe aber jetzt goht das nöm…sie schreit den wie am spiess…ha de Sportsetz au scho gäge vöre grechtet, ehre Spelzüg id händ gä oder vell verzelt aber das alles nötz leider nüt🥹
Het öber en Tipp oder das au erläbt?

Danke und LG Cöre

Patricia1909

Hoi Cöre, also üse Sohn hed nie welle i Chenderwage, vellecht die erste paar Mönet & nochhär nömme. Ha ehn sehr vell ide Tragi gha oder ha de met de Ziit eifach sones Laufvelo gno woni ehn ha chönne stosse, aber au das esch ned so de hit. Ez escher 20 Mönet alt ond mer hend de Chenderwage scho laaang nöm brucht. Also ech kenne dini Situation sehr guet. Schlofe im Chenderwage esch au nie gange 😅 Id Tragi esch för dech kei Option? Lg

Cöre

Hoi Patricia

Oh schön z‘ghöre eusi Chli esch ned die einzig wo de chenderwage nöm gärn het😂 ha sie au sehr vell i de Tragi well sie die nöchi extrem brucht - au zum ischlofe etc…bi längere Spaziergäng und au jetzt wens heisser werd wär de Wage äbe scho cooler😂🙉 aber jo vllt wet sie eifach werkli nieme im Wage inne hocke🥹😂 LG

Joli

Hallo Cöre, bi mim sohn hani etz s genau gliiche.. Er isch etz 11 mönet alt. Er isch immer gärn im wage gsi und etz sitmene ziitli schreit er nach ca. 10 min und brüelet wie am spiess… ha ne etz au viel ide tragi, aber wie du seisch, de wage wär amig einiges eifacher 😅 aber ich glaub da müemmer etz dure und chönd nüd degege mache 😉 Lg

Cöre

@Joli haha stemmt do mömer jetzt eifach döre😂 vllt änderets jo plötzlich weder🙉

Behappy22

hallo cöre

unser Sohn hatte das auch eine gewisse zeit lang,ds trug ich ihn im tragetuch ca 3wochen lang,kein kinderwagen mehr-danach habe ich es wieder versucht und seid dann findet er den Kinderwagen wieder cool😊