Vegetarische Beikost

Cöre

Hallo zäme

Ech be vegetarieri und ernähre mini 9mt alt tochter au vegetarisch - jetzt wet si kei Brei meh sondern Fingerfood. Heti mer öber chli Rezeptidee oder sogar gueti Chochbüecher was mer Veggifingerfood cha mache wo all nährstoffe ect denne het? Breili esch chli eifacher gseh dasi gueti Rezept ha chöne mache😂🥰

Danke und freu mi uf Tipps vo euch

melanieF

Hoi
I kenne mi z wehni us aber ei anstelle vo fleisch geit ganz guet. Für meh infos dänki bini ni die richtegi ahsprächperson.
Wasi sicher dänkä di mit nem arzt ustusche beträffend ob müesstisch b12 supplemmentiere.
Bluet la ungersuech uf vitaminmangu.

👌
Aues guete u viu freud mit fingerfood

fabe

Hoi Cöre🤗

Ich bin au kei vegetarierin aber chan dir das Rezept mega empfehle: https://www.tiktok.com/@mamalocker/video/7212687122203970822?_t=8cc8wxSAcrS&_r=1

Mini Tochter het z.B. au Rüereier sehr gern, mängisch tueni nah chli tomate würfeli drih 🙈

Und suscht chani das Rezeptbuech sehr empfehle: https://www.orellfuessli.ch/shop/home/artikeldetails/A1056960372?ProvID=10917751&gbraid=0AAAAADpVXc5cjz1glVnKNSXb4vnsK9So-&gclid=EAIaIQobChMI9ICovLzH_wIVrppoCR3WIwpvEAQYBiABEgIfoPD_BwE
Es isch zwar nöd nume vegi, aber het glaubs au vegi Rezepte dine, ich find das Buech supper! Ich choche praktisch nume die sache 😅

Eline22

Du duesch doch no stille? Chasch ihre eifach das geh wo du issisch und dezue stille. Wenn du kein Mangel hesch würi mir kei gedanke mache. Alles nötige bechunt sie über d Milch. Mini chind händ bis eis au kei fleisch gässe und sind top fit.

Cöre

@Eline22 ech due sit 2 woche nöm stille wel milch nöm glanget het - gebe jetzt aptamil pre und 1☺️

Danke euch för die rezäpt/büechertipps🥰

AnDu88

Do chasch guet alles gä wo dir au ässet. Üsi Chinder hei nie Brei welle und vo afang a mit üs mit gässe 😃 und im Schoppe hets ja au zuesätzlich no alles dinne wosi bruche. I würd mer do nid zvill gedanke mache ☺️
Mini chinder hei kocheti Broccolirösli, Kohlräbli-schnitzli, Rüebli, Bluemeköhli gliebt…allgemein fasch jedes gmües. Was si für zwüschedüre gärn gässe hei si gmüestätschli gsi, machsch e Art Pancake Teig und duesch rüebli und/oder Zucchetti fiin dri raffle, mische und das abrötle, chli früschchäs drzue 🤤 die chasch au guet ipacke und mitnäh… und ebe, süsch alles wo mir au gässe hei.

Eline22

Im Aptamil hets au alles nötige dine a vitamine und mineralstoff

Cöre

Be nor so onsicher wel mini kinderärztin bi de 9 Monetskontrolle gseit het si wör onbedengt fleisch gä wäg em Isemangel - ech wet aber minere Tochter kei fleisch gä bis si mol sälber cha entscheide öb si wet ässe😅🙉 fends emmer so schwerig was mer den sel mache😰

AnDu88

Wie du sicher weisch, gits anderi Lebensmittel wo genauso vill iise hend als Fleisch…linse, sojabohne etc.
Solang kei Mangel nachegwiese wird, s chind fit und ufmerksam isch, isch doch alles guet. Zudem isch ja im Schoppe au no iise dinne.
Mir si keini vegetarier aber mi sohn het sehr lang au kei fleisch gässe, höchstens mal bitz Bratwurst. Und er isch topfit.

Pallas

Muesch mal Bratlinge Babys google das chasch mit Gmües und Kartoffle alternativ Ei mache alles zermatsche und den chli abrate ☺️

EJC

euse arzt het au gmeint mini chli muss ab 9 mönat fleisch esse. da sie aber (immer no) nur 4 zähn kha und fleisch abglehnt het, hani folgendes gmacht; bohnesuppe, eier mit frühlingszwiebel (beides hat viel eisen), haferflocken, usw gekocht. sie ist jetzt 15 1/2 und het erst vorgester het sie s'erste mal fleisch probiert. ich glaub das het sie aber meh für zahne brucht und het nur ume kaut. aber ihre fehlt nöd. sie isch praktisch nie krank und sie wirkt jetzt nid so, als hätti sie eisenmangel. am beste luegsch was viel eisen het und kochsch mal druf los. mini het zbsp kochts ei am morge gern. und vegetarier isset ja eier. nur nid stresse loh.

lille_havfrue

Hej Cöre!
Ich find de EJC ihren Biitrag sehr guet. ha au wölle mini mittlerweile 2 Jahr alt Tochter vegi ernähre. Das het über 1, 5 Jahr klappt. Aber sie liebt Bratwurst und Wienerli so sehr.. do blüetet mis Herz, hetti i doch viel lieber, dass sie guets Rindfleisch esse würd, woni vom Demeter Hof würd hole.. Sie het bi de Tagesmama agfange. Au wenn sie für mini Tochter vegi abote het, het sie bi de andere Kind gseh, dass sie Fleisch esset und denn ischs passiert. Min Kinderarzt het au gseit unbedingt Hülsefrücht geh und (aktivierti) Haferflocken und Hirse. Das nint sie allerdings nüm so gern. Hend au blw gmacht gha. mhmmm.. mini Kollegin, streng Veganerin, het erfahre, dass s EisenDepot nur bis 6 Mönet durch s Stille no gfüllt isch. När muess man sich drum kümmere. Weil ja Würst nur Dreck sind, gibi ihre mengisch Nutrexin Eisenpower. Erst hani mit de Spritze chöne geh is Muul, mittlerweile gohts au als Shot. Das isch fermentiert und demzufolge bioverfügbar, het au B12 und Folsäure drin. Nächst Wuche hemer wieder EisenUntersuch, bi gspannt uf d Wert. Das ewige Messete isch mir aber aue Dorn im Aug.