Asträngendi Sächs Jährigi Ching

Crystal

I bi langsam aber sicher mit mine Närvä u mire Geduud am Ändi. Mi Sohn wo jtz de grad sächsi wird isch soooo asträngänd. Är fougät nüt, macht nume Seich, plaget si chliner Brüedsch, lost nid we i öpis sägä, äs macht mi fertig im Momänt. U i weiss ächt nüm was i chönnt mache dases besseret. Är isch scho so lang ä so u si chliner Brüedsch isch so ä pflegeliechte, i vürstahs eifach nid. Wäm geits o so? Wär cha mir Tipps gä?

_Flor

Was heisst "lang"?
Hesch e Idee was es usglöst het, dass er nid fouget?
Isches schlichend cho oder plörzlech.

Wo wohnsch?
Es gitt sicher Aloufstelle i dire Nächi. 😊
Mütter-Väter-Beratig, Erzigsberatig, usw.

Fouget er "nume" bi dir nid oder o bim Vater/Muetter nid?

Crystal

Öpe sit är drü isch🤷🏻‍♀️ aber äs wird umso eutär är wird haut o wi schlimmer, schlichend, i gseh ke Schnitt vom eintä Tag a, är isch so angers aus si chli Brüedsch🤷🏻‍♀️Kanton Bärn, Nöchi Thun wohne mir
Nei är fouget o bim Papi nid ( dert no weniger) u o bi dä Grosseutärä wo mir flissig si nid. Im KiGa göngs super u o we är z.b. bim Gotti isch geits guet. Eifach bi üs nache Bezugspersone überhoupt nid

_Flor

Ou.. ja, 3 Jahr si relativ lang. Da si igspilti Muster sehr schwierig z verändere.
Aber schön z ghöre, dass es "nume" bi dä änge Bezugspersone isch. De isches i sim gschützte Ruum, woner sech nid benimmt. Villecht bruchts ihm abartig sech süsch überau zbenäh u weiss, dass er bi euch cha uselah, wöu er süsch e mega Spannig het in sich...

I würd euch rate, mau bire Beratigssteu azlütte. Für das si die Experte da. 😊
https://www.mvb-be.ch/de/beratung/beratungsstellen/oberland/thun

Wünsche euch viu Geduld und dass dirs i Griff bechömet. 😊💪

Crystal

Danke viu mau für dini liebe Wort, mis Mami vürglichts aubä mitämä Dampfchochtopf, dr ganz morge im KiGa wird igheizt u am Mittag Dahei vürjagts nä🤷🏻‍♀️