Asthmaabklärung beim Kind

AnDu88

Het öbber scho e Asthmaabklärig lo mache bimene Kind mit 6i?
Ig ha sgfühl mi Sohn het Asthma…eher e schwachi Form wo nid dür asträngig usglöst wird sondern eher allergisch bedingt würdi säge. Aber mini Ärztin het vor 2 Johr gseit dasme das bi so junge chinder nid macht wöus schwirig isch e diagnose z stelle 🤷🏼‍♀️

AnDu88

Aber er huestet so vill, praktisch s ganz johr düre… het sehr oft bronchitis gha…aber sit mer profilaktisch (sobald er foht afo pfiffe/chüüche) mit ventolin inhaliere hetters niemeh gha.

Sti

Bi mit mirä Tochter sit so 5fi isch ir Abklärig. Was wetsch wüssä? Darfsch mir gärn schribä.
Lg

AnDu88

@Sti Was het de dini Tochter für symptome, dass si scho so früeh hei afo abkläre?

I has mehrmols scho agsproche und d antwort isch immer gsi, dases sehr unwahrschinlech isch, dass er das het. Aber er huestet praktisch s ganze johr düre, isch immer verschliimet im Rache hinde. Je nach Tag gitses öfters daser am Obe vorallem so chüchend schnuft. Atemnot hetter aber nid.
Es het gheisse e Pollealergie und im Winter isches e Infekt 🤷🏼‍♀️ under belastig hetter nüt, aso er reagiert nid druf, isch au nid müed oder so…

Sti

Mini Tochter het sit si 1.5 Jahr aut isch immer wider schwäri Bronchitidä mit Atemnot. Mir si pro Winter öpä 3-4 Mau im Notfall gsi und ständig bim Chinderarzt. Wo si 4.5 isch gsi si mir sogar stationär ir Insel gsi wüu si so schlimmi Atemnot het kha.
Ig ha när bim Chinderarzt druf bestandä, dass är üs id Lungä- und Allergiesprächstund ir Insel überwist. Är het üs da zum Glück ungerstützt. Letscht Summer hei mir de di erschti Lungäfunktionsanklärig kha. Resultat si aber nid eidütig, wüus i däm Alter schwirig isch (langsam usschnufä, schnäu usschnufä, Luft ahaltä usw.)
Si hei ou no Allergieabklärig gmacht. Si het ä Chatzä und Rosshaarallergie, zudäm isch si Allergisch uf Pollä, Gräser und Husstoubmilbä. Dür all das het si ständig greizti und liecht entzündeti Lungä. Mir hei iz letscht Winter ä Therapie mit Axotide gmacht u si dür das nur no 1x im Notfall gsi. Im Ouguscht das Jahr wärdä di Ungersuechigä widerholt. Mau luegä was das Mau uschunnt.

Lyaa

Saisch wetsch id pneumologie is kispi, sie chönd das scho früehner teste und zumindest ä tendenz erkenne und entsprechndi massnahme ergriffe

AnDu88

Mir hei gester grad e Arzttermin gha und e Lungefunktionstest gmacht wo zwar nid grad super toll aber au nid grad schlecht isch gsi.
Er chüchet/pfifft jede Obe im Bett bim schnuufe… si het ihn gester abglost und es isch würklech öbbis.
Jetz heimer bim Allergietest usegfunde daser uf vili Bäum/Gräser (meh alls vor Johre testet) etc. allergisch isch. Das heisst vo Afang Früehlig bis Endi Summer isch sini Lunge durchgehend greizt 😩
Jetz müesse mer 2 mönet lang e Kur mit Axotide mache und de luege mer nomol.