3 Jähriges Kind komplett ausser sich

vilo

Hallo zusammen,
Ich wollte mal hier nachfragen, ob jemand ähnliche Situationen erlebt hat und woe ihr damit umgegangen seid.
Mein 3J Kind tickt häufig aus, wenn etwas zerbricht, das man nicht reparieren kann (bsp. Kreide oder ein Salzstängeli). Sie möchte es wieder am Stück haben und jede Erklärung in dieser Situation bringt nichts. Sie steigert sich dann häufig rein, schreit bis zur Erschöpfung. Meistens passiert das in den Abendstunden, wenn sie schon langsam müde ist aber nicht nur. Wir versuchen sie dann zu trösten, sie zu begleiten und bei ihr zu sein. Wenn sie sich beruhigt hat oder am nächsten Tag sprechen wir über die Situation und erklären ihr nochmal, dass man gewisse Dinge nicht reparieren kann. In diesem Moment scheint sie es zu verstehen aber es kommt dann trotzdem immer wieder vor.
Dasselbe passiert auch, wenn sie etwas nicht essen will und wir es dann essen. Dann überlegt sie es sich anders, obwohl wir es schon runtergeschluckt haben. In diesen Fällen will sie, dass wir es wieder aus dem Magen hochbringen. Gleiches Szenario… reinsteigern bis zur kompletten Erschöpfung.

Habt ihr ähnliche Erfahrungen gemacht? Wie seid ihr damit umgegangen?

AnDu88

I glaube das kennt jedes Mami nur zu guet, die einte Chinder beruhiget sich eher schnell wieder und anderi steigere sich so extrem ines züg ine, wahnsinn. Aber gross öbbis degäge mache chame nid… eifach do si, begleite, probiere verständnis zeige… es wird besser wärde, brucht aber au sehr vill Geduld ❤️

Wasi der sehr cha empfähle isch s Buech „das gewünschteste Wunschkind treibt mich in den Wahnsinn“ si göi dört genau au uf sörigi Situatione i (und au vili anderi).

AnDu88

https://www.gewuenschtestes-wunschkind.de/2017/02/wutanfaelle-wegen-natuerlicher-grenzen-wenn-kinder-uns-herumkommandieren.html?m=1

snowangel

Euse isch im mai 3 worde und er bechunt nachem znacht als desser so en chlises schokiriegel. De backig het all schokiriegel kaputt kah und ich het chöne hülle, er isch au immee komplett duredreit han versuecht mit ihn de Schoki wieder ganzmache das isch es euch halbi operation gsi i de chuchi.. erkläre het nix bracht ich han die packig überlebt i dem ich gseit han du bisch jezt de Dino Joshua und du issisch jezt de schocki mitem gaaaaanz grosses mulll und lut gschtönt so wuaaaa... 🦖🦖🦖
Han gspielt daaa die schokis wegrenet aber de grosse dino joshua isch soo en schnelle und hungrige uns het die 2 stücklis schoki gesse.. het er mega luschtig gfunde und das klappt immer wieder ( mit esse)

Das problem isch mite legos, er baut immer flugzüg mit autos und die langi legoa und fliegt dur dwohnig aber es keit immer usenand und da flippt er au völlig us.. wie Andu88 seit dagege chasch wükli nix mache und mine steigeret sich nome ine wenn ich mich drimische und nome wenn ich ihn mache lahn. Ich weiss selber nös so recht wie ich ihn amiga söll helfe.. 😭 es paar mal hani denn eifach gseit blödi legos, tüend eifach nid zemmehebe, wer het die blödi legos kauft? Und er luegt mer zue und ich ha agfühlab und zue fühlt er sich eso wie verstande vo mir willi die legos au zemmeschiesse.. denn redet er mit mir und seit ja blödi legos.. denn merki ok jezt chani ihn helfe das ding wieder zemme baue...
Aber bevor ichs zemme baue segi immer ich probiers emal und wenn legos wiedee usenand keiet tüemer sie versorge denn derfet legos hüt nüme Spiele. Und er findet das so guet ( nöd i dem sinn böss gmeint) sundern hey mami isch es team. Da bini amigs so stolz dassi so seich Schauspielere wills mer denn doch glingt hahah...

Ach ich weiss echt nöd ob dass die richtig art isch ihm öpis bi zbringe aber ich chan der nur sege ich verstah dich soo guet, die chline machet eim amigs waahnshinnig und mir müend sooo viel geduld usehole wo mir selber gar nid gwüsst hend das mir no hend..

Probiersch mal sache us... Denn wirsch vlt uns hoffentlich au en trick usefinde wie mit dem au chasch umgah.. 🍀💚 drucke diir ganz fescht dume und e packig geduld 😭👏🤣

vilo

Danke @AnDu88 fürd Buech-Empfehlig 👍.
Und danke au dir @snowangel für de Tipp und die ermuetigende Wort.
Es isch eifach so zermürbend, wenn me sis chind nid wieder erkennt und me eifach nüd cha mache usser do si und warte bis de Sturm dure isch.
In mim Umfeld händ Eltere schinbar nid settigi Erfahrige mit ihrne Chind ka… Aber das schint jo scho nid ganz eso selte z si.

snowangel

Vlt wends au nöd so offe drüberd rede.. 🥴

Aber ich ha das ehrlichgseit scho sehr oft ghört und selber au gseh.. aber wbe es cha ja sie, es git wükli au echli liechtpflegi kids ..

AnDu88

Ig ha beides gha, mi Sohn isch au immer sehr fest usgrastet…dr Sturm het relativ lang duuret. Hanem mol d Banane vode falsche Site här ufgmacht… uuu läck, d Welt isch grad untergange🙈 er het sich i schlof toobet… mir si grad mitem Auto unterwägs gsi. Und immer wenn me probiert het z erkläre isches schlimmer worde… i ha eifach nüt me gseit ihn lo wüete und de ischer de ipfuset.

Bi mire Tochter grad s gägeteil, si mötzlet schnell e rundi, brüelet und de isch wieder guet. 😅 es git alles… die Phase macht JEDES Chind dure…aber ebe die eine intensiver als die andere 🤪

Vill chraft und närve 💪🏼❤️

snowangel

Hoffentlich isch min zweite sohn au bitz entspannter wie bi dir @AnDu88 👏👏👏🥴🥴 suscht wüetemer alli glichzitig dihei