Schoppe + Stille im 1. Monat?

lalamama

Hallo mitenand!
Minnchlii isch knapp erst en monet alt und ich wür gern abpumpe und de Schoppe geh, aber au no stille, also beides kombiniert, zum ab und zue wieder unabhängiger z sii bzw. damit min mah au paar stund eleige mitem chliine cha sii. Was hend ihr für erfahrige demit (bzgl. Suugverwirrig, Verweigerig vo de brust…)?
Danke im voruus!

LillyFee

Heyhey lalamama

Ich han sehr früeh mitem Schoppe ahgfange sicher so nach 6-7 wuche.
han aber su immer en nuggi geh und z stille isch bi mier vom erste tag ah super gange.
ich han so früeh ahgfange wills suschd oft dr schoppe später nüm akzeptiere. mit heint nie en sugverwirrig kah☺️

aber lueg das doch nit diner hebamme oooder du hesch voner kk en stillberatig zahlt luegsches mit dera ah ☺️

minggi

Hallo, ich han minere chli s erst mal en schoppe gäh da isch sie 3 wuche alt gsi. Fu den ah sicher 1x ide wuche. Mier hend nie problem gha, stille het wiiterhin problemlos klappet....

AmBir

ich wür au früeh demit ahfange. han im 2. ahgfange schoppe geh und sie het en nie welle (mehreri marke etc.) und isch bald jährig

snowangel

Hello... Ich ha au sehr früeh ahgfange genau us dem grund wie du und will de maa mit dem chli het welle e Verbindig ufbaue, es het 4 mönet lang sehr guet klappt denn het er leider e sugverwirrig ka 🥺 es isch en rise kampf gsi für mich ha denn soo viel müesse abpumpe will er nüme us de brust het welle trinke, de stress isch für mich zu gross gsi ha den immer weniger Milch ka und irgendwenn isch gar nüt me cho ich bi echt mega trurig gsi. Han wùkli alles probiert ka au mite stillberaterin aber de chline het brust nur no ahgschroue und chratzt...

Bim zweite sohn hani nur no gstillt ohni schoppe, die angst isch so gross gsi, nuggi hani ihn au erst mit 3 mönet geh willi angst ka han uf e sugverwirrig. Han denn bis 8 mònet chöne stille denn het er sich vo alleige abgstillt..

Han ihn denn aber glich no milch kauft und denn mitem shoppe geh, das het er guet ahgno aber i de nacht trinkt er nur wenn er grad schubt.
Ich ha mer gseit ich tue nieme im lebe abpumpe, ich wer nix über die maschinene ghöre 🤣 das het mich fix und fertig gmacht au psychisch.

Aber ich kenne es paar mami wo milch abpumpet für wenn sie gönd go schaffe und am abig tüend sie denn stille... Ich glaub jedes chind isch da sehr anderscht was das trinke anbelangt..

Wet dir vo herze sege machs.wie du denksch es isch richtig für dini chli und ebefalls aber au für dich. Unbedingt!
Und rechne damit dass es aber au anderscht chan so wirsch nöd entüscht und fühle dich denn au nöd schlecht du machsch es scho richtig für eu zwei 💚 das isch en grosse fehler gsi vo mir, alles viel zfescht im kopf plant wies muess laufe.

Groan

Ich han bi beidne zspat agfange mit Schoppe, beidi hends ned/nanig gnoh! Die jünger isch etz 7 Mönet und mer versuecheds eifach immer wieder…

AnDu88

Ig ha mit ca. 8 wuche agfange mit zueschöppele, will er nid zuegno het. Das isch tip top gange dr wechsel Brust/Schoppe. Aber nacheme zitli hani gmerkt, dass d Tendenz eher zum Schoppe goht… goht halt eifacher als bide Brust zum trinke 😅

Bi minere Tochter heimer au zwüschine e Mumi-Schoppe gä, si het au früeh e Nuggi gha, aber si het mit öbbe 6 mönet vo beidem nüt me welle wüsse…kei Schoppe und kei Nuggi me 🙈🤷🏼‍♀️

Jedes Chind isch andersch, do gits keis richtig oder falsch. Lueg dases dir guet goht debi

Eline22

Min kline het erst mit 10/11 Mönet de ersti schoppe becho. Isch überhaupt keis problem xi. Muess nüt heisse das sis nöd nehmed wenn mer ned früh afangt.

landmäädchen

Ii ha minere Tochter bereits am 2. tag womer vom spitol hei cho sind 'gezungenermase' de shoppe mit abpumpte milch gäh.. mini brustwarze sind so bluetig/verkrustet gsii, so hani es paar täg abpumpet, bis wider heil gsii sind. Di chli hät zum glück nacher brust au widr super gnoh & vorallem meh energie gha zum ade brust trinke. Hans in begleitig vode hebamme gmacht..

lalamama

Das isch super, danke euch allne fürs Schildere vo euchne erfahrige! 😊♥️Mir hend jetzt erfolgriich abpumpt und gschöppelet, und de chli (1m) nimmt brust und d fläsche beides sehr gern 😊Jetz hani grad no en frag:
Muess ich, wenn de chli vo mim mah gschöppelet wird, sälber au immer wiiterhin im rhythmus abpumpe, oder chani au mal 6 stund schlafe? 😂 ha gnueg milch, aber ha glich angst dass es schnäll gaht und de körper meint er müssi weniger produziere

michal

I minere Erfahrig hani guet chöne mal e Nacht oder zwei 6 Stund am Stuck nid abpumpe - ich würd‘s nid z‘viel Nächt anenand mache, wenn‘d nonig ready bisch zum abstille 😊 ich han denn au amel nach dene 6 Stund dBrust ganz leer pumped zum am Körper signalisiere, dass dMengi vo Milch nid reduziert werde sött. Das het recht guet klappt ☺️

Juno

Gratuliere zur Geburt!
Mini Hebamme het mir gxeit, mer sött wiiter Pumpe woni sie gfrögt han ob da mit em fläschli möglich isch, ebe au zum mal schlafe chönne ide Nacht, drum hanis ned gmacht woner so chli gxi isch
Ich würd glaubs ä stillberatig mache zum sicher sie, hesch ja vode kk 3 z guet, oder wenn dini hebamme stillberaterin isch die zfröge

LillyFee

Wenn dier das vone Brüst gaht 6h nit apumpe isches zeiche dases keis problem sellti sii.
min chli het ab 1.5 monat iner nacht immer en pause vo 10-12h kah und eifach em morge vil meh trunke und denn hets denn mal en phase kah voner nach 7h isch cho und denn isches automatisch denn wieder meh cho. han aber immer super milch kah und nie en milchstau/entzündlg etc.
aber frag doch em beste en stillberateri