Autofahrt

lunafa

Hooi
I suacha Tips für Autofahrta mit schreiendem Baby im MaxiCosi 🤯
Het öper a Lösig gfunda??

LillyFee

hmm git verschiedeni möglichekite:
- babyschale wächsle also marke
- osteopath
di sind vor allem wenn z baby eifach schmerze het oder eso
und susch äpis spielzüg dra hänke 🤷🏼‍♀️

Mamelo

Oder je nach dem au scho uf es anders sitzli wechsle.

AmBir

mir hend es dachfenster, das nume in schlitz öffne und sit dem hemer ruhe.. erzügt sone art wiises rusche

Mayla

Cha so vieles sii.. heiss, unbequem, durst, angst, schlecht, kaka.. bi de einte sache chamer öpis mache und sus is schwierig, teilwies wirds erst besser wens ime andere sitz noch vorne fahret. Wen s kind bim fahre nöf ischloft, evtl versueche dases vorher im maxicosi ischloft mit wiegele oder so..

KeBe

jetzt wos so heiss isch, am baby so wenig wie möglich alegge, zb. nur en churzarm body. luege ob de sitz vilicht unbequem isch. es spielzüg drahänke. und wenns gaht, d autofahrte so plane, dass s baby denn scho müed isch damits eifacher chan ischlafe

SHAYENNE

https://www.instagram.com/reel/CfWy59oOgfG/?igshid=NTc4MTIwNjQ2YQ==

enelaa94

Mir hend alles probiert. Ostheopat, Craniosal füre tah denn wieder hindere. aber sie hets eifach nöd gern will sie nüt gseht. und mit 10'mont gfallts ihre immer no nöd

Pallas

Eusi chlii het am afang au müeh gha, isch denn immer öbbert bi ihre hine gsesse und het sie unterhalte, ufeimal het sis denn gern übercho und es het klappt. Jetzt mit Jährig duet sie amigs wenns zlang gaht au chlii mötzzle aber mer cha sie denn mit chli Musik guet unterhalte

AnDu88

I würd mol e andere Sitz probiere. Mi Sohn het Autofahre au ghasst… sobald er im maxicosi isch gsi im Auto, ischs gschrei los gange. I ha ihm denne i dere Zit de schoppe gä, woni bi ihm hinde bi ghocket oder süscht irgendwie probiert abzlänke, das het aber au nur bedinct gholfe. Bi allei mit ihm nur churzi streckine gfahre süsch immer in Begleitig. Woni de ufe Reboarder gwächslet ha mit 10mt isches plötzlich super gange. Hätti das gschider vo afang a grad gmacht 😅

lunafa

AnDu88 isch är bim Folgesitz aber au no retour gfahra und glich isch besser gsi??

snowangel

Min sohn hets au immee meega ghasst mir hend ihn denn gege führe dreit denn isches churz guet gange denn wieder nüme, denn hämmer ihn woner 2 worde isch vorne bim.bifahrer platz here tah und dete klappts meischtens guet... Aber es git täg woners überhaupt nöd gern het.. er seit er wet kei gurt ha und dass es ihm mega nervt..dies und jenes...
Denn hämmer ahgfange mit Zeichentrickfilmli zeige während de fahrt.. da bliebt er au oft entspannt aber nöd lang...
Mir sind vor zwei wuche 8 stunde id ferie mitem auto gfahre,.mir sind extra i de nacht am 2 loa gfahre damit er schlaft aber de Rückfahrt ab de 10 amorge isch de reinste horror gsii.. nur motzee, vieel vieel pause... Also er hets mit 3 immernonig gern. Er isch letscht mal als spass im Auto vo mini eltere dine ghockt will er mit ihne het welle heigah und denn sinds ohni autositz im auto ghockt, ich ha wükli bis zu halbstund brucht damit er usm auto chunt. Also er het autokindersitz nöd gern, er fühlt sich so ihgsperrt und das het er mit einigi Autositz... jezt het er osann..

De zweite sohn het am afang bim maxicosi nuur brüellet vom afang bis zum schluss nur brüellet.. woner endlich 9 kilo gsi isch hemmer denn zu osann gwechslet und er liebts brutal....
Er het die hi und retour fahrt vo se ferie nur gschlafe und woner wach gsi isch meeega entspannt bliebe er isch jetzt 1 jährig.. sobald sauto los fahrt Schlaft er grad ih.

Also ich wür au empfehle autositz wechsle..

snowangel

Wassi no ghört han isch dass es vielne babys schlecht wird bim autofahre und das tüends au viel brüelle
. Aber ich ha damit kei erfahrig ich ha nur mal davo ghört...

Wasi mitem zweite sohn no gmacht han (willis irgendwo gläse ha) isch de autositz dihei ha falls nöd grad fahrsch und de chline ab und zue inelege damit er sich dragwöhnt und es kennt... Bi mir hets aber nöd klappt.. aber vlt chönt dir das helfe?

AnDu88

Ja er isch denne au no es zitli retour gfahre bis ca 2 Jöhrig und denne heimerne gäge füre dreit. De reboarder womer kauft hei isch eine ab Geburt bis 4 Jöhrig. Womerne bide Zwergperten si go hole ischer grad igschlofe bim retour fahre 😅

Bide zwergperten chasch d Sitze au grad teste, dueschne ibaue, teste und denne entscheidisch obs passt für euch.

minggi

Min sohn hets au ghasst. Mier hend den mit 4mt ufec

minggi

Ups z schnell weg🙈 aso mier hend mit 4mt en reboarder kauft, und den isch viel besser gange. Er isch wiiterhin rückwerts gfahre, het den aber viel meh usem Fenster gseh...