Altersunterschied

Cöre

Hoi Mamis

Ech ha mol wele froge wie vell Abstand euchi Chend so hend und wie euchi Erfahrig so send? Mini Tochter esch 10.5 Mönet alt und merke meeeeega wie ech weder parat wär för es zwöits chend - sehr vell rotes mer ab wels sträng sig aber semer ehrlich es werd i jedem Alter sträng si zwöi Chend ha😂🫣😄
Danke und LG Cöre

AnDu88

Mini chinder si knapp 4 Jahr usenand…aber ig bi ersch parat gsi fürnes zweits wo üse gross 3 Jährig isch gsi. Vorher hättis mer niemaus chönne vorstelle, will üse Bueb sehr emotional und vill nöchi brucht het, zudem au e schlächte schläfer isch gsi.

Für üs isches perfekt gsi eso. Er het vill verständnis gha wenn er mol het müesse warte, er het mer sehr vill chönne hälfe mit sinere Schwöster. Er het si vergötteret und isch so vorsichtig gsi mit ihre.

I kenne aber au vill wo 2 jahr abstand hend oder sogar nur 10mt, und für die Familiene isch das ebefalls perfekt gsi. Es git keis richtig oder falsch. Wenn dir euch parat füehlet, ihr üch es zweits wünschet…de würdi los legge. 🥰

snowangel

De erste isch jetzt 3 jahre und 3 mönet de zweite isch gli 13 mönet alt
Min erste isch au ehner en schlechte schlöfer gsi plus het er au sehr viel nöchi und ufmerksamkeit brucht.. isch hüt immerno eso.. de zweite sohn isch eigentlich nöd plant gsi aber er isch total sgegeteil vo sim brüeder😊 chan aber au mal en rechte radaubrüeder sii..

Es brucht sehr viel nerve mit zwei chlini jungs. Sie wend meinschtens mite glichi sache spiele und es git echt nonstop krieg. Sie hend beidi sglichige auto oder plüschtier aber de grosse wet meischtena beides ha oder de chline wet das usenandbaue wo de grosse zemme baut het es wird gschupft, gschreit... Abee es git au täg da sins uuuh mega lieb mitenand usert sie hend grad e müedigkeitskrisse....

Wenni jezt chönt zit zruck dreie würdis aber glich wieder eso mache 😊
Mini sis und ich hend 11 jahre unterschied und mir ghöret amigs bis 2 mönet nix voenand...
Finds ebe schön wenn sie denn spöter zemme seich machet 😁

Aber es isch für jede es anders empfinde es git Mensche die maget de strenge stress nöd mitmache.. denn gits anderi wo findet es isch nöd streng... Denn gits anderi sie wend chind so nöch voenand ha wie möglich denn gits anderi sie wends de abstand gross ha damit sie sich wükli uf es chind voll konzentriere chònd.. ha vieles ghört bis jetzt

Ich muess ehrlich sege ich bi froh hani mini zwei junga jetzt... Smami derft ja nöd vergesse werde, me muess au luege dass mer denn wieder zit für sich het... Reise.. buech lese... Warmi Mahlzeit... Es bierli in ruhe gnüsse etc etc..

Aber das isch so es never ending story thema 😊

Patricia1909

Mini send 21 Mönet usenand, de gross werd im September 2 ond die chli esch im Juni ufd Wält cho. Ech fends super so, de gross machts mega toll & liebt sie öberalles. ☺️

snowangel

Am afang isches bi eus au mega herzig de grosse het am neugeborene sogar sini spielsache bracht und het ihn welle wickle oder bædele... Denn het de neugeborene afange krabble. Det isches fertig gsi mit herzig si 🤭

simi99

Mini hend genau 12 monet unterschied… bi eus isches planet gsi und bereus kei minute. Es isch logisch sehr streng grad jetzt wo au de chliner voll mobil isch viel strit etc aber das ghört dezu. Ich kenne no meh mamis wo chinde ih somne nöche abstand hend und wenns den so 5/6 sind chents den echt mega viel mitenand afange ish ebe au cool. ich wür sege jede altersabstand het sini vor und nachteil. Muss aber au sege han zwei sehr „eifachi“ babys gha… chunt wahrschindli au ufs chind drufa. Mach das wo dis Buchgfühl seit das wird bestimmt stimme🙏🏼😘❤️

Cöre

Danke euch allne för euchi wärtvolle Tipps😍😘

Mamelo

snowangel schrieb: »

Am afang isches bi eus au mega herzig de grosse het am neugeborene sogar sini spielsache bracht und het ihn welle wickle oder bædele... Denn het de neugeborene afange krabble. Det isches fertig gsi mit herzig si 🤭

So werds be eus au cho met jedem vierfüessler meh gspüri wies i de luft chribblet 😅👍️

snowangel

Ja genau 😁 wenns laufet wird de level schwieriger!

minggi

Mier hend 20mt. Het eher meh welle aber het den im gägeteil zum erste mega schnell klappet. Aber de gross vergötteret die chli schwester. Jetz isch die chli 7mt und langsam wird er biz ihversüchtig vorallem wenns um spielzüg gaht. Sie chrabblet jetzt und chan sini sache weg neh. Es isch streng aber für üs perfekt. Für üs isch jetzt defür klar das fürnes 3 e grössere abstand muess sii, aso mind eis chind us de windle😄 ich glaub au jede abstand het sini vor und nachteil...

Groan

Mier hend 22 Mönet, die Chliner isch etz 7 Mönet. Bis etz findis echt guet! Aber chunt natürli au na mega ufe Charaktere drufa!

Miette

Wir haben 2.5 jahre unterschied. Für uns perfekt. Die kleine ist bald jährig & bis jetzt gab es kaum eifersucht oder streit. Der grosse versteht mit seinen 3.5 jahren schon sehr viel & geht sehr liebevoll und geduldig mit seiner Schwester um. Die Kleine darf auch meistens überall mit hin. Wir haben von anfang an Regeln abgemacht, die wir konsequent einhalten… z.b. Kein Hauen, Beissen, Schlagen. Wenn ihm etwas nicht passt, holt er uns & wir suchen eine Lösung zusammen. Das war uns von anfang an wichtig. Bis jetzt klappt es sehr gut. Natürlich gibt es Tage, da klappt es weniger gut & die kleine Schwester wird gehauen und geschupst. Aber die Tage kann ich bis jetzt glücklicherweise an einer Hand aufzählen.

Lejomi91

Dr gross zum mittler 4.5 jahr dr mittler zum chli 2.5 u dr chli zum bebe wo im September ufd weld chunt de 15 monet. bi woner 5 monet alt isch gsi widr schwnager worde... i bi gspannt wis de wird.

Mamelo

Spannend. Wie hesches empfunde,
4.5 vs. 2.5?
Wönsche der en gueti reschtschwangerschaft 🍀❤️

Lejomi91

beides sini vor u nachteil😅 finde beides cool. dr gross isch 8i u dr mittler brüetsch 3.5 er isch haut scho i viune sache u das muess er o ganz klar zeige dr stercher gross brüetsch..das isch mängisch chli müehsam weu dr mittler haut würkli 4.5 jahr jünger isch. dr chlinscht isch im momet gad 14 monet er cha so langsam chli meh afa mitem 3.5 jährig.
dr gross liebt aber o si chlinscht brüetsch da duet er meischtens o sehr fin und härzig mit ihm.. i gloub es git kes rictzig oder fautsch... bechume iz im September zur jungs Gruppe no es schwöschterli bi de gspannt wi das geit. 😊😊

Sandy37

Mini wärde ziemli gebau 2 Jahr ha. Bin scho sehr gspannt wie das wird.🙈🥰🫣

vanysch

Mini Ching si 15 Monet usenang. Ganz ehrlech? Ig liebe mini Tochter über Aues aber es isch würk sehr asträngend wesi so nöch si. Ohni Ungerstützig usem Umfäud geits bi üs nid.
Scho nur iz wos so warm isch. Ohni chinderlosi Begleitig chani z.Bsp. Nid id Badi, wär zgfährlech.
Klar, wes so isch, machtme zBeschte drus aber dr Spruch dass z2. Ching eifach so mitlouft isch definitiv nid realitätsnah.
Ig säge geng, dasi, we glich mini Tochter drbi würd usecho sicher würd warte bis mi Sohn 3 isch.
Aber es chunnt haut o geng druf ah, wie dChing si. Di Chlini isch sehr pflegeliecht, dr Gross e Wirbuwind u laht eim ke Sekunde „Rueh“.
Ig persönlech würd lenger warte, iz womi weiss wies duet

Mamelo

@vanysch hey cool schriebsch das so ehrlich.
I hätt mers au ned so noch chöne vorstelle. Eusi send knapp 3 johr usenand. Aber au i wörd ned allei id badi goh da esch mer z riskant. Kenne aber vell wo da uf sech näme aber da esch es anders thema.

Pheobee

I haa 3 Chind… 4,3 und 11Monet. Die Grosse sind sehr streng gsii wos no chliner gsii sind. Bi dauernd Polizist gsii wels irgendwo wieder klepft het. Jetzt wos grösser sind und chli besser losed ond scho recht guet mitenand chönd spiele isches viel besser. Di 3. isch 2 Johr jünger als di Mittler. Mer persönlich isch de Abstand jetzt im nochhinein chli z‘gross, het lieber nur 1.5 Johr kaa. Irgendwie chunt immer öpert chli z‘churz well mer entweder d‘Bedürfniss vo de Grosse oder die vo de chline cha erfülle. Biespiel Badi: Die Grosse wend is „Tüfe“ und die Chli möcht lieber im Babybädli plansche. Weni elei gang muess i immer irgendwie en Kompromiss finde. Schwirig isch halt das di Chlinsti da halt no nöd verstoht, denn gits halt ab und zue au es paar Tränli…

Cöre

Danke a alli för euchi sooooo ehrliche wort🥰🩵🩷