Trotzphase mit 1 Jahr - wie reagieren

Cöre

Hallo zäme

Bruche chli Rot vo Mamis…🫣

Mini Tochter esch 1 Johr alt und fangt ah rechtig töibele - wens ehre ned passt oder mer si wägnemmt z.b vom Spielplatz oder so het si neu agfange sech dörestrecke, göise und egal wo si grat esch sech nach hendere lo gheie - het dör das scho paar mol de Chopf agschlage…😅 wie reagiert mer do am beste? Hend ehr mer Tipps wie ehrs bi euchne Chend möchet oder gmacht hend? Ech probiere si den ame beruhige und met ehre rede und erkläre (weiss si esch erst 1 aber hoffe den emmer si verstoht mech glich😂) und wens mer werkli z‘vell werd wel si de ganz tag emmer weder so phase het fang ech si avo ignoriere😅 weiss ned wie mer rechtig sell reagiere - be meingisch so rotlos und frog mech emmer wies den no werd wen si älter esch😂🙉 danke för Tipps und Tricks☺️😘

LG Corina

Pallas

Find eigentlich alles guet wies du machsch, es sind halt die erste Schritt id sälbständigkeit .
Und das ihri Emotione ghört werdet isch au öbbis neus für die chline…mengisch halt mit Erfolg🤣was ich amigs no versuech isch Alternative azbüte. Z.B bim Spielplatz chum mir gönd mal det go luege bim Kinderwage obs es Büechli het zum aluege oder bi de Fernbedienig wenni sie weg nim chum mer lueget ob mer öbbis zum spiele für dich findet wot chasch drucke. Aber gwüssi sache muess sie lerne wie Hand ge i de Garage und wenn sies nöd will denn muess sie in Wage ob sie will oder nöd🙈brucht starki nerve aber sie müends halt lerne. Ich verseuch denn ruhig und verständnissvoll sie zberuhige oder seg eifach nüt für es momentli🤣

melanieF

Hoi
Mir hei es ändlech mit üsem sohn. Si chöme mit däm alter i die autonomiephase. Evt chasch öppis drüber läsä oder lose.

Für üs isch das ganz normal.
Si leret izi dasi ou verschideni gfüel hei, glück, hässig,ect.
Mir rede immer mit em ihm u mache ziel us. No 3 mau düemer mer zämä (us bispil) zeue när bi jedem mau abe u sägä när so iz heimer das beändet.
Mir wei dassech t chind i gwüssä situatione konsentriere u üs zuelose und aber im gliche momänt risse mer se us ihrem spiel weu mer iz müessä is auto ga. Z. B

Plan der meh zit ih das der gnue zit heit zum erklärä und evt e auternatve abiete und z chind ni eifach wägeisset vom spiel.


So maches mir.

Aber dir müesst us fämeli öiä wäg finde.