Beschäftigung Kleinkind bei Einschlafstillen Baby

vilo

Hallo zusammen,
Mich würde interessieren, wie ihr ein Baby mit einem lebendigen Kleinkind ins Bett bringt?
Ich stille mein Baby (8 Monate) meistens zum Einschlafen. Mein Kleinkind (3 Jahre) schläft tagsüber nicht mehr. Oft findet das Baby keine Ruhe beim Einschlafen, da der grosse Bruder es ständig stört (laute Spiele oder weil er natürlich auch in diesem Moment die Nähe will). Wie beschäftigt ihr die grösseren Kinder beim Einschlafstillen?
Dank für eure Tipps!

AnDu88

Ich bin ehrlich, mein Grosser durfte zu dieser Zeit etwas Fernsehen, wenn ich die Kleine am Mittag ins Bett brachte und einschlafgestillt habe. Dazu gibt es geteilte Meinungen… ob man das gut oder schlecht findet, entscheidet jede Familie für sich.

Ich habe auch schon gehört, dass Familien eine Box für das grössere Geschwisterkind hatten, die nur in diesen Situationen zum Zug kamen. Hat bei uns leider nicht funktioniert. Eine Freundin hat über die Mittagszeit eine „Zimmerstunde“ eingeführt, da muss das grössere Kind im Zimmer bleiben und sich selber beschäftigen. Klappte bei uns nie 😂

Abends konnte ich die beiden zum Glück immer gleichzeitig ins Bett bringen 😄

KeBe

Min grosse macht zwar no en mittagsschlaf aber er isch au en wilde, drum wür ich ihm i sonere situation öppis im tv laufe lah oder ihm sini toniebox geh mit chopfhörer, det lost er amigs no gern sini musig oder gschichtli. und dezue vilicht no es interessants büechli zum aluege. aber ich plans meistens so, dass mis baby chan unterwegs im babywage schlafe, so chan sich min grosse i dere ziit ufem spielplatz ustobe, will dihei isch es bi eus au zluut

Adorable

Be üs glich wie bi d AnDu88.
Das hed eifach am beschte klapped ohni Störig am Mettag und i ha gwösst jetzt hani schnell ziit för di chli.
Und am Obe beni emmer med beidne zäme is Bett gläge. D grösser neb mer und di chli i mine arme, hed tip top klapped.

vilo

Danke euch fürd Antworte 😊. Ja, TV würd bi uns sicher au funktioniere, aber das wotti quasi als allerletzti Option ifüehre.
Das mit de Box mit Sache, wos nur denn git isch e super Idee… das probier ich mol zerst mol us 👍.

minggi

Hallo. Bi üs au immer chli es problem. Die chli schlaft drum am tag viel i de tragi oder im wage. Am abig weni ellei bin mitne, luegt er büechli ah, mier holet regelmässig ide bibliothek anderi, oder wenns gar nid gaht darf er chli peppa wutz luege. Versueche drum den au viel beid zäme is bett z tue. Ligge den im familiebett zu ihne ane, funktioniert au recht guet. Hoffe findsch e gueti lösig.

Mamelo

Mer send au Team Zemmerstond au em Hinblick, das so au i mol en chli i Pause ha wott - wenn au natürli de kei ganzi Stund meh, aber als Mami zählt doch jedi Minute 😉

Mayla

Tagsüber schläft unser in der Trage auf dem Rücken oder im Wagen.. an mir schläft er am längsten, sonst wacht er schnell auf.

Füxli

Tonibox mit neue gschichtli und ganz wichtig dKopfhörer dezue. het ab und zue guet klapt. abr jetzt törfer amel in dere zit was luege den chani di kli wo jetzt au nüme so kli isch guet is bett tue. sie beucht jetzt doch au kli länger zum ischlofe. abr tragi isch au eh super wunderwaffe