Baby Flecken auf den Zähnen

enelaa94

Hallo ihr liebe🥰Minere chli sind vor 3 Monet obe die 2 Schnidezäh ussecho und scho wos noned ganz dusse gsi sind , hani festgstellt, dass es Flecke druf het. Ez wos ganz dusse sind,gseht mers sehr guet wenn sie lacht. Sie het nie süesses gha nie nuggi oder ussere Fläsche trunke. Het das öpper au scho mal gha? Sind nur Milchzäh aber sie tuet mer mega leid😞vorallem wenn sie in Chindsgi chunt und jede sgfühl het sie heg nie zäh putzt oder nur ungsunds trunke und gesse .

AnDu88

Was für flecke? Mi Bueb het au ufem eckzahn e wisse fleck. Da chame leider nüt mache, mir si bim zahnarzt gsi und er het nur gseit das chönnis gäh aber me chönn da nüt mache 😅

enelaa94

Ja so hellbrun würi säge

Pheobee

Di chline zwei vo mer hend das au. Bi de Grössere (3J.) sinds jetzt ganz weg und sie het ganz normali wiisi Zäh.
Mit de Chline hani weg me Zahunfall mösse zom Zahni und er het gseit das sig e Zahschmelzstörig. Mer mössi guet Zäh putze well bi dene Flecke de Zahschmelz nöd so guet isch.

snowangel

Min chline het das leider au, das tuet mir au so weh..
Wo zähnli grad usecho sind het er flecke druff ka und ich has au bim arzt und zahnart zeigt, zerscht hets gheisse es isch nüt das gaht wieder weg, aber es isch nur schlimmer worde. Mir hend ihm am afang ohne fluorid zähnli putzt und ee het bis zu sim 18 mönet milch i de nacht trunke, dass isch für ihn nöd guet gsi. Ich ha gwüsst öpis stimmt da nöd und bi nomal zum zahni, denn hends gseit zim zahschmelz isch sehr sehr schwach, wegem zähnli putze ohni fluorid plus die milch i de nacht hets sini zähnli recht agriffe 😔 mir putzet ihn 3 mal täglich mitmene elektrischi zahbürste und zahpasta mit fluorid. Es isch zum Glück nüme schlimmer am werde aber sie hend leider karies becho.
Er seit scho selber er wet sini zähnli flicke (jetzt isch er 3 und 5 mönet).
De zahnarzt wird ihn denn vorem kindsgi itritt die zähnli flicke.

Es tuet mega weh das zgseh vorallem will du weisch wie guet me sini zähnli putzt und ich ha echt schiss dass weg dem er mobbing chönt erlebe.

Aber ich hoffe gaaanz fescht dass es bi dir wieder weg gaht.

Ich ha no mal gläse wenn mer mite nägel druff gaht und es weg gaht denn isch es nur en belag uf de zah, luegsch mal obs das isch und wenn nöd gasch es am beschte bim zahni go zeige.. 🍀🍀

Mamelo

snowangel schrieb: »

Min chline het das leider au, das tuet mir au so weh..
Wo zähnli grad usecho sind het er flecke druff ka und ich has au bim arzt und zahnart zeigt, zerscht hets gheisse es isch nüt das gaht wieder weg, aber es isch nur schlimmer worde. Mir hend ihm am afang ohne fluorid zähnli putzt und ee het bis zu sim 18 mönet milch i de nacht trunke, dass isch für ihn nöd guet gsi. Ich ha gwüsst öpis stimmt da nöd und bi nomal zum zahni, denn hends gseit zim zahschmelz isch sehr sehr schwach, wegem zähnli putze ohni fluorid plus die milch i de nacht hets sini zähnli recht agriffe 😔 mir putzet ihn 3 mal täglich mitmene elektrischi zahbürste und zahpasta mit fluorid. Es isch zum Glück nüme schlimmer am werde aber sie hend leider karies becho.
Er seit scho selber er wet sini zähnli flicke (jetzt isch er 3 und 5 mönet).
De zahnarzt wird ihn denn vorem kindsgi itritt die zähnli flicke.

Es tuet mega weh das zgseh vorallem will du weisch wie guet me sini zähnli putzt und ich ha echt schiss dass weg dem er mobbing chönt erlebe.

Aber ich hoffe gaaanz fescht dass es bi dir wieder weg gaht.

Ich ha no mal gläse wenn mer mite nägel druff gaht und es weg gaht denn isch es nur en belag uf de zah, luegsch mal obs das isch und wenn nöd gasch es am beschte bim zahni go zeige.. 🍀🍀

Het er de mega früeh zähn becho? Denksch ned es esch au no bez erblich bedingt? Gib der do kei schuld, es trinke jo sehr vell chend no sehr lang i de nacht milch!

enelaa94

@snowangel oh man tuet mer mega leid wegem chline.. chans absolut nahvollzieh.
Danke eu allne das er eui erfahrige teilt hend. ich bin gspannt was de Kinderarzt bide Kontrolle meint.

snowangel

Chan scho sie dass en zahschmelz defekt erblich chan geh, wüsst eifach nöd vo wem ers gerbt het... de Zahnarzt meint es git viel babys vo das anschienend bi de milchzäh hend, aber es muess nöd heisse dass sie das bi de bliebendi zäh au werded ha.
Er het mit 6 mönet ahgfange zahne.
Ja ich has eig au für normal gfunde dass chinder no lang milch i de nacht trinke, aber de Zahnarzt het denn gseit es wird empfohle ab 1 die milch zverdünne und mit 18 söttets mit de milch ufhöre.. aber das hani eifach mega fiess gfunde am chline sini milch scho so früeh weg zneh..

Mamelo

Denn dröcki uf all fäll allne fest dume das die bliebende ned betroffe send 🤞

Cheibe züg met dene zähn...

snowangel

Danke, hoffe au ganz fescht dass die bliebensi zäh verschont bliebet