Schweiz nicht kinderfreundlich

adisa93

Muess mi grad chli uskotze und nimt mi Wunder, ob ihr au öfters so negativi Erlebnis hend.
Bin sit 2 Jahr mami und mir isch ufgfalle das vorallem älteri Lüt eim schräg alueget wenn s Kind bizli quengeerlig isch. Es folget oft Kommentär oder es Kopfschütlw. Debi isch das doch normal es isch es Kind. es derf lache, brüelle oder was au immer🤣hüt bini mite Kollegin im Migro Resti gsi und döt hets en grosse Spielplatz.Und beidi hend nüm zruck in Wage welle und hend demensprechend chli umebrüllt.Seit er ältere Herr eifach ,,Gopferdami chamer nöd mal en Kaffii in rueh trinke lueget das die Kind mal ruhig sind🤣🤣,,
Han denn gseit wenn sie in rueh wennd en Kaffii trinke denn bliebet Sie dehei. was sölli en Klebstreife ufem Muul vom Kind klebe?🤣sorry mich regts eifach so uf. wieso sind Kind ide Schwiz eifach nöd so akzeptiert wie i andere Länder?

Jessness

Jaa isch bi eus au so 🙈 min sohn het mal en täubeli ahfahl gha denn het au en ältere herr gmeint er müess en kommentar und chopf schüttle dure geh. 🙄Sorry aber mängisch suecheds das au glaub wel sie hocket au no meistens id nöchi wos chind het obwohls platz hetti viel wiiter weg, aber die hend eifach ger e „dummi schnurre“ 🤣

KeBe

häsch ihm genau richtig gantwortet😂👏🏼. dummi blick hani au scho erlebt, aber ironischerwiis nur vo lüt wo selber chind händ. bis jetzt sind älteri lüüt immer die herzlichste gsi zu eusne chind und sind au immer die wo gspröch mit mir afanged. aber grundsätzlich isch d schwiiz scho nöd so chinderfründlich wie anderi, vorallem südlichi länder!

Juno

Mir händ de chinderwage nebed de Tisch gstellt und sind go esse hole
Am gliiche Tisch isch denn en mah und e frau dezue ghockt, händ ja wegem wage eigentlich gwüsst dass es baby ume isch

Min Sohn het friedlich gesse und vor freud gjuchzet und vor sich here blabberlet

Zerst het sich de mah t ohre zueghebt, nachher ischer zmitzt bim esse devo und het gmeint er haltis nümme us... bin recht baff gxi... Aber tänke ihm is ned so guet gange...

Ich finde es git doch au mega herzigi begegnige mit andere Lüt, aber meistens sinds im öv eher gliichgültig am is Handy starre oder ebe chopfschüttle...

Pallas

Ich glaub das isch nöd nur mit chind so.. Lüüt sind alg. greizt gstresst und gnervt vo Lüüt wo anderst sind obs Hund Chind oder eifach es anders usgseh isch… Mer cha nur lerne deübert zstah.

enelaa94

Han au scho einiges gseh und erlebt🤣Das isch glaub normal. Han au scho es Mami gha wo mir gseit het ui nei Barfuess het sie nöd kalt? Obwohls dusse 26 Grad gsi isch.