Weitere Kinder oder nicht?

Waschbär1993

Hallo zäme mir sind im März das Johr Mami und Papi vonere wundervolle Tochter worde.
Jetzt denki mengmol hmmmm e zweits Kind wär doch au no schö wenn sie denn so 2 Jöhrig isch oder 3 Jöhrig isch….
Aber denn denki wieder 1 Kind langet….i denk immer so zwigspalte….well i weiss nöd ob mir denn das mol bereued wenn me keis zweits hend und nur bi eim blibed….

Ez nimmts mi mol wunder wie das bi eu so isch? Gitz do mehreri Mamis wo au so denked? Freu mi ufn ustusch😊

nic10

Hallo👋🏻Auso mi Maa dä het nie Chind wöuä u i hät so gärn ka😊 Nach paar Jahr het är sich o eis chönne vorsteue u het gseit är wöu nume eis. Mir si du im 2020 Eutere worde vomene tolle Bueb🥰 I ha när dänkt so äs zwöits wär glich mega schön de muess är nid allei ufwachse u het no äs Gspändli. Mi Maa het när so im 2022 gseit är chönnt sich glich no äs zwöits vorsteue😜 Sit letscht Dezember hei mir no ä zwöite Bueb u die zwe si ein Herz und eine Sehle🫶🏻 Äs isch mängisch sehr sträng u stressig🤪 Aber o die zyte gö verbi😊 Mir beröies uf jede fau nid hei mir no äs zweits u äs isch soo schön ds gseh die zwöi zämä ufdswachse🫶🏻🥰

Joli

Hallo, mier sind im 2022 s erschte Mal Eltere vomene tolle Bueb worde. Und mier gads genau gliich wie dier.. Mängisch hätti sehr gärn es zweits und finde üse Sohn sett nid elei ufwachse und mängisch findi aber au es länged doch soo und mer hend ja alles womer bruchid.. ha au chli Angscht, obi denn beidne cha gerecht werde.. Bi aso au sehr zwiegspalte und fad mer gliich wie dier 😉

Waschbär1993

@Joli Jo bi üs isch ez no chli früeh aber mach mer glich scho so gedanke😅hmm i frog mi halt afoch au gohts denn finanziell nocho no uf oder suss und hani überhaupt die nerve für 2 kiddis..und und und…..🙈🙈🙈🙈

Nalan83

gschwüschterti zha isch eifach gold wert findi es isch sooo öpis schöns..! klar stress astrengend aber es lohnt sich☺️..! i ha en schwöschter bi gott froh dasi eini ha.
i ha jetzt au zwei kinder 1j und 3,5j sehr astrengend aber si liebe sich😅☺️, und spöter wenn er bez älter isch chöne si immer meh besser zäme spele den.
für mi isch einzel kind keis thema gsi. aber ebe jede muess das für sich selber entscheide 👀.
i ha in de betreuuig gschaffet und fascht alli einzel kinder hend en gschwüschterti wele si zum teil trurig gsi das si einzelkind sind.
das isch jetzt mini erfahrig,natürli gits au s‘gegeteil ☺️..! sisch beides schön einzel oder net…! es git so oder so meinige…

Waschbär1993

@Nalan83Jo i bi au es einzelkind und ha 2 Halbbrüedere mit altersabstand vo 16 und 12 johr. Drum kennnis wie au nöd so wenn me es gschwüsterti het…

Mimi89

Mir hänn 1 bueb wo 4 isch und hänn uns entschiede,dass es bi eim bliebt. Es het bis jetz nüm ihgschlage mitere 2 schwangerschaft. Er kunnt nägscht joor in kindsgi und ich möcht nid wieder vo vorne afo mit allem. Finde gwüssi vilicht egoistisch im kind gegeüber,aber für uns stimmts jetz so und er isch sozial sehr vernetzt mit glichaltrihge cousine und spielgruppe gspänli

minggi

Mier hend sehr lang ufs erste chind gwartet. Hend drum nachem erste glii nimä verhüetet, hend nid gwisst obs nomal klappet. Mittlerwile hemer zwei und die bede liebet sich. Isch sträng klar aber au wunderschön. Han immer angst gha dasi z zweite nid ai so cha liebe, aber es gaht genauso. Würs immer wieder mache. Ez chunt mängmal sogar de gedanke anes dritts uf...

Mamelo

I h denke das grösste geschenk für ein kind ist ein geschwister.

Das aber nur aus kindersicht, die eltern haben da natürlich selbst zu entscheiden und jede entscheidung ist richtig.

Ich finde ws kommt auch sehr sehr fest auf dne chrakter des kindes an. Nach demmersten kind habe ich mir laaaaaang laaang kein weiteres vorstellen können. Nun mit etwas abstand haben wor ein 2. sehr pflegeleichtes kind. Glücklicherweise weis man dies vorher nicht.

Ich denke einfach auf dem weg zum erwachsenwerden gibt es immer wieder andere strenge oder weniger strenge phasen. Ich fand ja das erste jahr sehr anstrengend. Jetzt mit einem 4 jährigem kind lache ich darüber 😉

LillyFee

Also ganz ehrlich für mich hätti eis chind glängt aber für min bueb habi eifach z gfühl wörs schön es gschwüsterts z ha☺️

jetzt bini bim zweite schwanger.
ha zwar nie angst kah dasis nit gwuppt schaffe oder z stressig wird aber ja cha di verstah
aber hei din chli isch ja nu sooo chli, wenns passt merksches denn scho hesch ja nu zit 🫶