Baby liegt nicht gerne auf dem Bauch

lalamama

Hoi zäme!
Min chliine (4.5 mönet ) liid immernoni gern ufem buuch. Wenns guet chund, haltet ers 1 minute dure, denach brüellt er.
Mir hend scho probiert, sis lieblingsspielzüüg vore here z lege, es chüssi under sini brust z tue damit er ned ganz flach liid, sälber neb oder vor ihm z ligge und mit ihm z schwätze aber alles hilft nüt… d chinderärztin hed hüt gseit, er sig echli hinedri und nur dur mehrmaliges frage hed sie denn de tipp geh, ich söllem eifach ab und zu s bei überchrüüze damit er merkt, wie er sich dreie chönd.

Hend vielleicht einigi vo euch tipps und tricks, wie ich ihn unterstütze chan?

Danke herzlich!

SHAYENNE

Bitte la dich ned stresse und verunsichere. Jedes kind het sis eigete tempo und mit 4,5 Mönet wür ich also nonig säge isch es kind hine drii. Mini tochter isch au spat dra xi defür het sie den alles grad hinderenand gmacht.

Din sohn isch viellicht anderst witer. D Kind chönd nöd alles mitenand erlerne. Gib ihm die zit wo er brucht 💙

Wenn aber würkli s gühl hesch er brucht hilf. Wür ich mal osteopathie empfehle.

Adorable

Das cha i nur bestätige. Mini Tochter esch au e recht spoti gse bim dreihe, sie heds au ned gern gmacht. Bf au chli verunsichered gse, well d gross das alles soo früeh und gued gmacht hed.
Mer hends eifach emmer weder chli probiert mit dine Sache wo du au scho probiert hesch. Und zum Osteopath semmer au, er hed aber nüd gfunde.
Plötzli esches d gange und gued esch gse. Aber mi KiA hed nie öppis gseid gah, weil ebe jedes Chend esch doch unterschedlech schnell.

AmBir

Mkni isch mit 5 mönet vorwärts grobbt und etzt mit 15 mönet lauft sie defür immer nonig.. alles zu sinere ziit

lalamama

Ihr hend ja rächt 🙈🥰 mengisch machi mir nur sorge, ob ich ächt öpis andersch müsst mache. Ich mache demfall witer eso und freu mi denn wenn er schritt für schritt neues lernt ♥️

Ricarda

Mein Sohn hat es auch gehasst. Ich kann nur bestätigen dass alles zu seiner Zeit kommt Als Tipp kann ich dir geben, dass du ihn einfach öfter dafür nur ganz kurz auf den Bauch legen könntest. So haben wir es dann bei uns gehandhabt. Zudem ist es auch tagesabhängig, mal gib es Tage da konnten wir ihn 7, 8 mal kurz auf den Bauch legen und mal gab es Tage da war nach einem Mal die Stimmung so mies dass es für den ganzen Tag gelaufen war.

LillyFee

Mine chli isch isch jetzt bald 12 monat und cha sich immer nu nit vom buch uf de rugg dröhjie na und 😂 au er wirds irgendwenn lerne. er robbt aber vo laufe au wiit entfernt er chillt halt sis läbe völlig ok und probiere ihn au nit z fest derzue zwinge
s git lüt in minem alter di rede 5 sprache ich nit🤷🏼‍♀️ na und ☺️

snowangel

Finds gras irgendwie frech dass därztin seit er seg hindedri, komischi ussag..

Jedes chind het sis eigene tempo bi de entwicklig. Mach dir und am chline kein druck das chunt alles mit de zit und du machsch das sicher guet!

Juno

Stimm eu voll zue, ja ned stresse lah, s Gras wachst ned schneller wemme dra zieht..
Mine hets ufm Buch ligge entdeckt wonen is babynästli ufm Buch so anegleit han, dasser über de Rand gxeh het. So hämmer ihn sanft "ume gfahre/gschobe" im zimmer samt em nästli und er hets mega gfunde, Villicht finds din schatz ja au lustiger wenn was lauft?

Behappy22

lass di ned verunsichere mi chlini sohn hets ah gar ned gärn gha regelrecht ghasst heters ofem buch e dem alter,erst so met 7mönet heters afange cool fende,mer händs nor so 1‘mol wöchentlech probiert e den alter welmer ehn ned händ wele zwenge dezue,und es klappt alles wis set

aenn

@lalamama

Hey ich fühle so mit dir. Euse bueb isch 4 mönet und hets au gaarnöd gern wemmer en uf de buch legged.
Wasmer ez neu mached isch, dass mer en am morge bim ihcreme, uf de buch drülled und em de rugge massiered👍🏼 das findeter eich no cool und luegt den au mega ume.
De tagdure findet ers aber glich noni lässig und päged zimli schnell ume 😂

enelaa94

Mini chli hets au überhaupt nöd gern gha. Bis zum 5.te Monat het sies ghasst. han so extra küssi und ring kauft🥰aber es het nöd gross öppis bracht. Ich glaube eifach si lah. sie machets denn scho wenns wennd. Bim 1 te chind macht mer sich mega gedanke bim
nöchste würi alles glasener neh.

enelaa94

de isch es gsi. Probiere chasch es ja mal