Schlafphasen 16 Monate alt

snowangel

Sooo...
Min bald 16 mönet alts baby schlaft sit er 13 mönet isch sehr sehr schlecht.
Ich weiss die schlafphasene vo de kinder chönt sich immer ändere aber das macht mich langsam wahnsinnig.
Mir hend super tages ablaufe sit e und je... und abigritual isch immerno glich wie immer.
Er isch eig sit geburt ah en mega guete schläfer gsi. Aber ich weiss echt nüme witer...
Zerscht hani denkt es isch wegem zahne aber de zah isch sit 3 wuche duss und er schlaft immerno schlecht, ha denkt er schubt aber ich glaub kein schub gaht 3 mönet lang... oder irr ich mich?
Er trinkt sit 22 okt kei milch meh aber de schlechte Schlaf het er sit endi August.
Ha denkt isch de schlafregression aber wenni das mit arzt bespreche und mit anderi mamis vergliche, ischea kei regression. Da er ohni problem ihschlaft egal wo.
De znacht isch nüt schweres.
Han ihn veesuecht bädele vorem schlafe. Het au nöd klappt. Ha versuecht mit ihm is bettli liege... au nöd... im bistellbett au nöd. Er schlaft nur no 1 mal am tag für max. 45 minute ( er het selber nur no 1 mal welle schlafe) er isch nös übermüedet wenn er is bett gaht au nöd hungrig... ha denkt er het schmerze.. ha ihn massiert... zäpfli geh au nöd...
Han ihn glich versuecht e milch abüte, au nöd...
Han versuecht viel am tag unterneh zum ihn k.o mache 🤣 au nöd... wenig unterneh weg de Reizüberflutung, au nöd...
Han versuecht ihn anderscht alege vlt het er chalt/warm au nöd. Han über nacht schreck glässe und das passt au nöd.
Er schlaft immer am 20 ih und wacht am 21:00 wieder uf und ab daa gaht party los. 21:20 wieder wach. 21:50 wieder wach. 22:15 wiedee wach 22:30 wach. Das gaht eso bis 1:00 amorge.. Denn weckk ich ihn ganz uf und wechlse windle und schwätze mit ihm zum de fluech mal stoppe. Schlaft am 2:00 wiedee ih will er sehr sehr müed isch. Denn gahts wieder los. 2:20 wach 3:40 wach. 4:15 wach. All halb stund wach. Am 8 wacht de grosse brüeder uf und er de chline schlaft denn bis am 9 wie en engel. Und ich bin völlig kaputt und überreizt de ganz f**** tag.
Ab und zue hets mal e nacht geh woner duregschlafe het aber min körper isch soo gwohnt a sini Schlafphase dassi all halbstund wach im bett liege.
Es het au seehr seehr viel nächt geh woner vo 2- 5:00 morge wach gsi isch oder vo 4 bis 7 und am 8 wieder wach.

Jetzt . Bitte chan mer öpert sege wie lang die phase no gaht. Ich platze bald.

De arzt het mir en schlaf Protokoll geh zum usfühle und ratet mal. Genau denn get er einigermase okay gschlafe. Also isch das für de fuxs gsi.

Ich getrau mich gar nüme auge zuemache willi weiss dass de chline muchacho mir glinterror macht 😭🤣

Ich versueche alles locker ne und bi überrascht dassi am tag dure die kraft han zum de hushalt schmeisse und mite kids sache unterneh aber ebe.. genug ist genug.

KeBe

ich wür mal d hämoglobinwert teste lah, schlechte schlaf isch nämli es symptom vo isemangel!
und sust, wie viel schlaft denn din chline tagsüber? übermüedig füehrt au ziemli oft zu schlechtem schlaf. luegt er fernseh? blauliecht und schnelli bilder chönd au de schlaf störe. hät er chalt oder warm? häsch mal versuecht ihn bitz früehner is bett bringe?
ich hoff din chline schlaft bald wieder besser, es isch für eus eltere wükli sehr schlimm wenn sich das über längeri ziit hizieht😓

Groan

Vlt au spöter is Bett, vlt het er zvill Bettziit am Tag und er brücht weniger Schlaf?
Ich fühle mit dier! Eusi Chli chunt au sit 3 Wuche all 1.5-2h und ich finds uuuuh streng…