Erfahrungen mit Stoffwindeln - welche Marke?

sxaina

Hallo zäme
Mir hend da mal welle fröge, wer erfahrig mit stoffwindle het ob ihr eus e bestimmti marke etc chönd empfehle?!
Mir hend immer so problem mit wundem Po und wend aber au umweltbewusster werde und fanget bi eusem 16mt mit stoffwindle ah.
Wäret froh um tips drum herum ☺️

melanieF

Mir hei t marke doodush. Hei t windle one size. Würd aber für es neugebornigs au die ersti grössi wähle.
Süsch isch t windle mega lang z gross.

Ha ou vo derä markä ilage für über t nacht wo mega guet suget u für ä tag hani ocasion e schwetti normali nuschi kouft.

Für üs passt das so mega guet.
Zudäm düe mer ou no gad abhäbä. Aber das mues när jede säuber wüssä.

Wasi der sicher mues sägä isch das de sehr ufmerksam muesch si, da t stoffwindle ni die sugchraft hei wie ei wäg windle.
Aso wenn nur au paar stung duesch wächsle chas glich problem mit de hut gä.
Das mues der eifach bewust si.

Mir si mega happy u machet es so mega gärn, ou de umwäut z lieb.


Viu spass

Groan

Mer hend Stoffwindle vo Windelmanufaktur, sind au sehr happy! Wür unbedingt Occasion chaufe, sparsch grad namal. Genau muesch öfters wächsle als mit Eiwegwindle. D‘Ilage chasch vo verschiedene Marke chaufe, chunt ned soo drufa, chli ufd Grössi luege.
Mer hend d‘Wöschsäck vo Foxybaby, de findi super zum Wäsche, muesch d‘Innewindle nüm alange.
Grundsätzlich muesch der überlegge, was füres System, dass du möchtisch (3er/2er oder 1er). So erübriged sich au mengi Markene.

sxaina

Danke viel mal, aber wie meinsch System? Bin da vollkomme neu, hend bis jetzt immer pampers gha darum bini da ganz ganz neu 😅 @Groan

Groan

Hey sxaina
Ich bin au kei Expertin, aber ich has öppe so verstande:
Aso s‘1er System heisst du hesch e kompletti Windle (wie Wegwerfwindle) und die duesch denn nachem wickle ganz id Wösch. Die bestaht ned us Einzelteili sondern isch eifach e ganzi Windle. Vorteil: eifach z‘handhabe, Nachtteil: vill Wösch und glaub eher tür, wild natürli vill Windle bruchsch.
Denne s‘2er System isch das du e Windle hesch und dete denne Ilage chasch dritue. Nachem Wickle chömed nur d‘Ilage id Wösch. D‘Windle selber chammer denn grad wieder mit Ilage fülle, usser sie isch überloffe. Denne wäschisch natürli beides. Da muesch chli weniger oft Wäsche, zb d‘Windle werded weniger oft gwäsche als d‘Ilage und nutzed sich so weniger ab.
S‘3er System het en Ussewindle, en Innewindle und d‘Ilage. Meistens muesch nur d‘Ilage wechsle, mengisch na d‘Innewindle und am seltenste d‘Ussewindle. Somit duesch au die jeweilige Materialie nur denn wäsche wenns nötig isch und sgit weniger Wösch. Isch aber komplizierter zum handhabe, wil d‘Einzelteili muesch zämebringe (nach de Wösch und bim Wickle.)

Heter das chli ghulfe? ☺️

sxaina

@GroanHey groan
Ooh ja, sehr danke viel viel mal 🙏🙏Ich hoffe ich schaffs demit richtig z’starte mitem ganze neue züg 😅

Groan

@sxaina Susch schriebsch wieder bi Frage 😊