Zahnen, extreme Schmerzen

CDanielle

Hallo Zäme, euse chli 15 Mönet bechunnt glaub im Moment die erste Backenzäh, er het mit 9 Mönet bereits 8 Zäh gha und er isch immer recht unruhig gsi etc aber jetzt im Moment isch es mega schlimm, aso i ha würk s Gfühl er het so starki Schmerze, er het au würk s zahfleisch so gschwulle und das scho sit wuchene aber usecho duet nüt isch das no normal? Zuesätzlich heter au immer wieder fieber nie höch oder efach für 2-3 täg und vor allem ide nacht… i ha efach langsam s gfühl das chönd doch ned immer nume zäh si. Mir hend au scho alles probiert, Osa Gel, Viburcol Gel/ Tröpfli sogar Dafalgan Sirup wenner fieber gha het. Gnützt het nüt würkli, KiA simmer au scho paar mal gsi und die seit eifach immer isch normal. Was sind eui erfahrige so mit zahne? I ghör amig eltere wo ned mal gmerkt hend das zäh cho sind 🙄

Mamelo

Jo d backezähn send halt grad recht gross, da duet bestemmt sehr weh. Wett also ned i müsst nomol zahne 🥴
Wenn sogar s zahnfleisch det ufgschwolle esch schiints doch eidütig för en zahn z spreche, i wörd schmerzmittel geh.

Mer hend betreffend zähn en rechte spotsünder deför duet er nüt degliche. I denke do esch jedes chend chli andersch.

AnDu88

I gsehs wied Mamelo, wenn si so schmerze hei darfsch guer Schmerzmittel gä. Mir wüsse selber au wies duet wenn me Zahnweh het 🙈 hoffe üche Bueb hets bald gschafft ❤️

AmBir

Mir hend 4 Backezäh ih 3 wuche becho.. Bi eus het „homedi-kind zahnungsöl“ ghulfe. Immer weni gmerkt han, sie kämpft mit de zäh, han ich s‘öl uftreit (grad au guet im Zug, oder im Kaffi etc.) wemer mal kei schmerzmittle möcht geh

Niggeli

Bi eusere grosse isch das au so schlimm gsi. Sie het mega glitte. Wo sie d Baggezäh becho het hani es paar Wuche am Abig immer wieder Algifor geh. S het mega gnützt, das het mer au bestätigt das sie würklich Schmerze het. Algifor het einiges besser gwürkt wie Dafalgan.
Ich bin suscht gar nöd de Typ wo immer grad es Scgmerzmittel git. Aber wells so ghulfe het und sie so glitte het hanis trotzdem gmacht. Bin soooooo froh gsi wo all Zäh da gsi sind🙏🏻

CDanielle

Danke für all eui nachrichte, ja er isch mega en arme, etz isch endli eine dusse und etz gahts glaub gad uf de andere site wieter. 🥲 mit hend würk alles probiert. Mit schnerzmittel isch besser aber au das hilft ned mega. 😭