Not Kaiserschnitt

luechtstift

Salii zeme

Mini schwangerschaft isch ned grad eh normali schwangerschaft gsii 😅 i han öbe ih de 30 SSW en spass test gmacht, wel min partner und ich scho lang en test welle mache, aber mehr send beidi immer soo verpeilt und vergesseds. Ja den isch use cho dasi schwanger gsi ben, send den is spital und den isch es klar gsii mit dem ultraschall, ih dere ziit het sech den mini vergifitig entwickled, öbe 3 woche vor em ET, hends mech welle ih leite mit so tablette, ja bi de letzt tablette hani so vel bluet verlore, das sie mer eigentlich ahgrotet het en not kaiserschnitt, ja han unterschriebe und bin chei 30min spöter im saal gsii, mech hends 3x müesse steche für narkose, ich glaub ich han nie im lebe so schmerze gha, vorallem bini allei gsii… ja nachdem isch eigentlich alles guet glofe, ussert dasi mech han müesse übergeh, immerhin hends schnell reagiert, aber i hött am liebste gschlafe, bin so müed gsii vo allem. Ja nach dem kaiserschnitt hends den gseh dasi den wörklich en vergifitig gha han und han müesse en magnesium therapie ahfo, schlimmste wasi je gha han und i wönsch es cheinem. Vorallem isch min fehler gsii, kohlesüüri wasser trinke, machii nie weder meh. Ja nach öbe 2 täg hani den döffe ufe aber die zwei täg sind die schlimmste gsii. Ab denne isch es eigentlich berg ufe gahne.

Juno

Hoi!
Uiui krass, was ihr für ein Start gha händ, mega guet magsch das da verzelle!
Hoffe ihr händ eu alli guet erholt devo, wie gaht's dir und em chline jetzt?

luechtstift

Ja nach de geburt het min chline na müesse 1halb woche id neo, wel er zwenig luft becho het und i han mech chöne so zäge allei erholt, han den zerscht döffe hei und nach paar täg het er met döffe, aber eus gahts relativ guet er het sech jetzt ih de letzte 7 mönet mega guet entwicklet, nur i han wahrschinli postpartale Depressione gha und da het sich in woche usezoge aber jetzt muessi säge dasi froh bin, isch es so cho

snowangel

Wow krass. Aber häsch du nöd kindsbewegung gspürt i de 30 ssw? 😮

luechtstift

Neii und hätti de test ned gmacht wörs wahrschinli so use cho dasis erst bi de geburt gmerkt hätti 🫣

snowangel

Ahhh krass 🤎🤎 het sich voll welle verstecke haha

luechtstift

Ja voll bin erscht kugelrund worde, wo i au gwösst han dasi schwanger gsi bin 😂