Sommer Baby 2024 🦋

Dinky

Wer vo öich het au dörfe positiv teste und fröit sech öber en Ustusch ede Schwangerschaft för sis Sommer Bébé? 🥰

sissylein23

Huhu
Hier Es+ 8 und schon positiv getestet. An den Brüsten zeichnen sich schon Adern durch und bei dir schon Anzeichen sichtbar?
LG

Lejuno

Hallo. Jetzt 7. Woche und hoffe das alles gut geht. Gratuliere Euch

Dinky

Gratuliere öich beidne!! 🥳 Bi zemlech müed und merke momentan v.a. Brustspanne und Blähige. Min ET esch de 19.8, hoffe so fest, dass dasmol alles guet goht 🙏 Wie gohts öich? Wenn hend ehr ET und de ersti Gyn Termin?

Lejuno

I bi au all müed. Gyn termin hani scho ka, nögscht wuche de nöchscht. I ha leider 2 Fehlgeburte hinder mir und drum mehreri kontrolle bis die 12. Wuche gschafft isch. Wenn häsch du din Termin?

Bibi_

Hoi Mitenand
Ich han überraschenderwiis dörfe am 10.12. Positiv teste, es isch e absoluti überraschig und völlig unerwarted gsi. Freued üs drum umso meh. Ich han am fritig de erst Termin bi de Gyn. Bin mega gspanne.

Nici_89

Hoi zäme

Ich han im März ebefalls e Missed Abort gha und bi jetzt i de 8. Woche. De erst Ultraschall hani am 18.12.23 gha und bis jetzt gseht alles guet us. ET wär de 3. August, wenn das mol alles guet goht. De nächsti Termin hani erscht am 7. Februar...dunkt mi mega lang bis det he...

Ich merke mega d'Müedigkeit, Verdauigsproblem und sit paar Täg esches mer übel....

Lejuno

Gratuliere hoffe für üs alli, das alles guet goht.

Dinky

@Lejuno Ich ha de Termin am 29.12. Be recht nervös ob dasmol alles guet chunt und ha zemmli Bammel. Ha 1x Frühabort und 1x en biochemischi SS gha und mer send ede Kiwu. Hend ehr den em FA gseit er möchtet hüfegeri Kontrolle mache?

Lejuno

@Dinky I bi au ziemli nervös. Nei ha nüt gseit,macht sie automatisch. Da ich bi beidne mol kei bluetige oder süs azaiche ka ha, wird eifach kontrolliert ob s herz no schloht. Es isch beides mol e uschabig worde.
Hoff aber es kunnt alles guat. Nögscht termin hani am 27.12.
I druck dir dume das alles guet kunnt

Dinky

@Lejuno Wie esch din FA Termin gange? Hoffe, dass sech alles ornigsgmäss entwicklet het be dim Chline 🙏

Lejuno

@Dinky leider hets kein Herzschlag meh und sich au nüme wieter entwicklet. I meld mi also leider wieder us de summergruppe ab
I wünsch dir viel Glück und das alles so klappt wie ihr eu das wünsched. Alles Guati

Dinky

Meine Güte, das tuet mer so unglaublich leid för öich 😢 Das esch so trurig ou wenn mer das chline Mönschli no gar ned lang kennt. Ich wönsche öich ganz vel Chraft för di schweri Zit und dass der bald weder de Muet, d Zueversicht und de Gloube fendet förnes Regebogechindli wo be öich cha bliibe 🌈🙏 Alles, alles Liebi!! 🫂

Lejuno

@Dinky danke dir. Wünsch dir au alles Guati und druck dir duume, dass ihr ihm summer eues kline wunder im arm hend. Alles liebi

Bibi_

Ich möcht mich da au na verabschiede, be mir isches leider wohl es windei gsi, mer het im ultraschall nur e leeri fruchrhöhli gseh und jetzt hani e fehlgeburt.
Ich wünsch euch allne alles gueti und viel glück fürs neue Jahr.

Dinky

Liebi Bibi, au der alles, alles Gueti. I wönsche der vel Chraft das z verarbeite und hoffentlech darfsch em 2024 gli weder en positive Test ede Händ halte 🙏

Dinky

@Nici_89 @sissylein23 Wie gohts öich mettlerwile??
I ha gester bi 6+4 de 1. US gha, bes jetzt gseht alles guet us und s Herzli schloht. Be so froh, ou weni weiss, dass di heikli Phase noned dore esch. So wit semmer bide anderne mou ned cho bzw. dases sech bes jetzt guet entwicklet 🙏

Nici_89

@Dinky freut mi sehr, dass bis jetzt alles guet esch bi dir..Mir gohts sowit guet...dmüedigkeit hani immerno, dÜbelkeit esch chli besser worde...warte jetzt ufe neue Termin für de 2. Ultraschall, sie händ au igseh, dass de 7. Feb. Vill zspoht esch...mol abwarte...bi nervös & ungeduldig zwüsse, öb immerno alles OK esch....bi jetzt ide 10. Woche...

landmäädchen

Hallo mitenand

Bin sho es wili e stilli mitleserin..
Es duet mir sehr leid für die wo ihres Baby verlohre händ 😢

Mir händ im Herbst e Fählgeburt gha & drum han ii de 1. Termin bide FA wölle abwarte..
Han die wuche entlich de termin gha & s'herzli dörfe gseh shloh 🥰
Termin ish mitte August..

Wie gohts eu so?

Übelkeit hät chli nohloh, han abr immr nochli en flaue mage..

vanessaseiler

ich bin au debi chume mis baby afangs/ mitte august über🤍

Wicky

Huhu zusammen...ich schleich mich mal kurz zu euch rein. Bei uns ist der Kinderwunsch abgeschlossen, daher hätte ich noch ganz viele Sachen wie Newborn,-BabyKleider für Jungs oder Unisexfarben Grösse 50-86 günstig zu verkaufen. (CHF 1.- bis 3.- /pro Stück)
Maxi Cosi Autositz, Babytrage Bondolino, Spielzeug, Stillkissen sind auch noch zu haben.
Wäre schön, wenn jemand ander noch Freude daran haben kann oder froh wäre um gut erhaltene preiswerte Occasionsartikel.
Bei Interesse einfach melden und PN schreiben.

landmäädchen

@vanessaseiler shön 🥰 ish es dis 1. baby?