Problem...

ZoiAnastasia28

Hallo liebe Mamas

Han es problem...mini chlini ish jetzt 4wuche und 2 täg alt...sie ish euses erstes chind. I han immer s gfühl sie liebt mi ned. Sie ish immer unruhig bi mier, brüellt nur, cha sie kuum beruhige, sie trinkt fast nüt wenni ihre flasche gibe, obwohl sie hungrig ish...Sie tuet doch alles perfekt bim papi und all anderi...Bi sicher ned ihfersüchtig uf mim mann aber sicher uf all anderi...

Weiss ned ob es eppis usmacht, dassi nüme so often stille....

luechtstift

Dis chind liebt dech sicher genau so wie du sie liebsch 🥰 und das mit dem stille isxh es schwachsin, i han mis chind au wenig gstillt und er het so freud ah mir, alles das brucht sini ziit, mach dech damit ned fertig, ich glaub ah euch, und au mis chind chani mängisch chum beruhige und den chund öber andersch und bringt ihn zu lache, das isch völlig okey

Mamelo

Niemer esch dim chend so wechtig wie du ond de papi.

Lass di vom stille ned kaputt mache, stille esch super wenns klappet ond au för de stemmt. Sobald da us welle grönd au emmer nöme de fall esch lass es oder machs so wies för de stemmt.

Wechtig esch das du för dis chend do besch au wens mol ned so lauft wie mer sech da vorstellt oder vo anderne ghört. Da esch alles wo zählt.
Passt s gwicht? Wenn jo de lass di ned beirre, nüt esch stärcher als euchi bindig.

Fühl di drückt du tolls Mami

LillyFee

Ah z Stille het nüt mit dem z tue, würdi säge (Achtung Stillapostle, säge ganz sicher äpis anders😵‍💫😅)

han min Sohn 7 monät gstillt und er isch ab ca 4 monat es absoluts Papa chind gsi.
Er het nie gflähnet wenn ich bi gange aber bim Papa immer🫣.
Ich han mich richtig ufgopferet und alles mögliche probiert dases uf mich bezieht s het nix gänderet. sit 2-3 monat (13 monat alt jetzt) ischer vermehrt uf mich bezoge.

Ich verstah di, es zerisst z mamahärz aber s önderet sich alles. und s muess nit immer negativ sii han den mier ihgredet das min sohn bi mier z vertraue het dasi immer zrug chume und darum nit flähnt und bim papa nit (bullshit aber mich hets beruehigt😂😂😂😂)