Verhütung während Stillzeit

Kosmea

Hallo ihr Liebe

Eusi Chlii isch jetzt 5 Mönet alt und ich hirne no ade wiitere Verhüetig ume. Vo Kondom bini nid eso Fründ, vorher hani moll e Kupferspirale gha, aber die wetti nüm wäg de starke Mens. Vor Hormon hani irgendwie au biz Respekt. Im Moment hani no kein Zyklus. Mini Gyni het mir denn die eint Hormonspirale empfohle, glaub Jaydess, will die schwach dosiert isch und doch die eigne Hormon nid eso stark unterdrückt. Was sind euri Erfahrige demit? Mir möchted jetzt sicher es Johr warte mit em Üebe für es Gschwüsterli 😅…

Danke für euri Inputs!
🌸

minggi

Hallo, mier verhüetet mit Kondom. Finds au nid grad mega toll, aber ich han kei hormon meh welle und den blibt üs fast nüd meh anders übrig....

Kosmea

Ebe das sind au Mini Gedanke gsi 🤨 hesch du moll d Pille gnoh? Bi mir ischs ebe scho ewig här…

Eline22

Ich wür nie meh hormone neh. Lueg dich mal s diaphragma a. Ich beobachte eifavh min Zyklus und verhüetet nur zu de fruchtbare täg.

Kosmea

Denn bruchsch s Diaphragma plus Kondom ade fruchtbare Täg? 🧐 ich ha vor de Geburt au s Daysy benützt, momentan aber no kein Zyklus, drum isch das nonig ussagekräftig…

Eline22

Nei. Ha gmeint das wäri e Alternative s diaphragma

Eline22

Zum diaphragma brucht keis Kondom dezue.

aenn

ich han d jaydess spirale gha und bi mega happy gsi. 🙌🏻

mir wennd aber bis zum zweite au nüme mit hormon verhüete und nutzed kondom oder denn de ovulationscomputer vo clearblue. de isch super🙂

Yuna

Ich han früener d pille gha, sogar 2 verschideni, ha si beidi gar nöd guet vertreit. Denn bini ufe nuvaring umgstige was au scheisse gsie isch ha denn eifach permanent unterlibsschmerze wie bi de mens gha. Denn hani d schnauze voll gha und kondom gnoh aber bini ebe au nöd so en fründ.
Kupferspirale isch denn für mi die lösig gsie ohni hormon und ohni problem und i wird noch de stillzit sobald de zyklus wider ahfoht die au wider neh.

Laura2424

Mir hend sicherheitshalber mit Kondom verhüetet (au während dä ned fruchtbare Täg...)

NoraAngel

Es ist vollkommen verständlich, dass du dir Gedanken über die passende Verhütung machst, vor allem wenn es um Hormone und mögliche Nebenwirkungen geht. Die Hormonspirale Jaydess ist tatsächlich eine niedrig dosierte Option, die den natürlichen Zyklus oft weniger beeinflusst und sich für viele Frauen als sanftere Methode erweist. Viele Frauen empfinden diese Form der Verhütung nach einer Geburt als vorteilhaft, aber es ist natürlich individuell, wie der Körper darauf reagiert. Falls du mehr Informationen über Verhütungsmethoden nach der Geburt suchst, schau mal hier rein: https://wellness.doktorabc.com/de/fur-sie/nach-der-geburt-ins-liebesleben-ihr-sicherer-weg-zur-verhuetung. Letztlich ist es wichtig, dass du dich wohlfühlst und deinem Körper die Zeit gibst, die er braucht.