Einleitung

Hisha

Hallo zusammen
Bei unserem heutige Termin bei der Ärztin wurde die Einleitung der Geburt thematisiert, falls bis 41+3 noch nichts passiert ist. Wir sind nun bei 40+3 und hoffen natürlich, dass das Kleine sich noch selbst auf den Weg macht.

Hat jemand Erfahrung mit der Einleitung?
Es bestünde ja auch noch die Möglichkeit eines Kaiserschnitts.. Bin gerade etwas zwiegespalten.

Kosmea

Huhu
Ja, wir haben bei 41+3 mit der Einleitung mit Angusta (Tabletten) begonnen und bei 41+5 war unser Baby dann endlich da. Was möchtest du konkret wissen? :-)
Lg

Crystal

I ha bir erschtä Geburt o müesse ileitä, darfsch mi gärn frage wet öpis wetsch wüsse

landmäädchen

Mir händ ebefalls bi ET +9 ahgfange mit ihleite.. +12 ish üsi tochter den cho 😊

Hisha

Dank für euri Antworta.
Han kli ghört/glesa, dasses fürs Kind viel stressiger isch und d Suurstoffversorgig knapp werda kann. Und au, dass es viel schmerzhafter isch, wia wenn d Weha ohni Ileitig isetzen. Wia sind euri Erfahriga do dura? Isch alles guat ganga oder häts Komplikationa geh?

Hisha

Ah genau und hend iar vum afangs Ileitig direkt im Spitol blibs müassa oder hendr nomol haikönna?

enelaa94

Also muess ehrlich säge.. Es isch für mich und für mini chli sehr stressig gsi.. Es sind halt nunmal nöd natürlichi Wehe also s Baby isch nöd parat so wie au ich bin nöd parat gsi bzw min Körper. mir hend leider kei schöni Geburt gha.. Ich han au mega starchi Geburtsverletzige gha ( am schluss zangegeburt gsi) und für mini chli isch dgeburt au nöd spurlos verbigange. Han lang gha zum alles verarbeite. Aber mini Schwöster het au e Ileitig gha und bi ihre isch alles super gange und au bim Baby. Ich glaube eifach es isch bi jedere Frau anderst. Ich persönlich het mir lieber alles erspart und direkt en Kaiserschnitt gmacht.

Schneewittli

Nei also wenn ds ileite mau losgeit de blibsch eich im spital. Also isch ömu mini erfahrig gsi. Mir hei bi et+10 igleitet, also mäntigabe. Ha denn bis donstigmorge wehe gha o wehestürm, aber leider ds wenig produktiv, so dasses donstigmorge de het gheisse, geburtsstillstand u de isches de doch zum kaiserschnitt cho.
We du dir e vaginali geburt wünschisch, würdis scho versueche, bi viune schlö ja di medis guet a u d geburt startet gli mau.
U wes haut de glich zum kaiserschnitt sött cho, heschs wenigstens versuecht.🙂

landmäädchen

Also mini shwöster hät 2x mitemne Cocktail möse ihleite & bi ihre häts grad ahgshlage & sie hät au 2 gueti geburte gha..

Bi mir, hani +9 en Cocktail übercho zum heinäh & den am nomi dehaime möse trinke (mishig weis ii nüme genau.. glaubs orangesaft, champagner & rizinusöl). Leider häts bi mir nöd ahgshlage & ha den +10 is spitol möse go ihleite. Han dete so shöttli übercho, all 2h max. 12 stk. Händ au no mit buuchmassage, ihlauf etc. probiert chli ahrege.. am mittag +11 händ den nach 10 shöttli wehe ahgfange.. irgendwen am spötere nomi ish fruchblose platzt & öbe umdi 9i hämer is gebärzimmer chöne goh.. es ish leider sehr langsam gange mitem muettermund öffne, wil ii mi recht verkrampft han, wil wehe sehr heftig gsi sind.. han den e PDA übercho (was ii ursprünglich nöd heti wölle) abr es ish so en sege gsii, händ sogar öbe 1h ide nacht gshlofe (partner & ii 😉) den bin ii öbe am 7i (+12) 10cm offe gsii, den händs PDA chli abe shruubet & es wili spöter ish üsi tochter uf welt cho 🥰 geburtsverletzig hani kei gha, de tochter händs es bitzli möse helfe mit shnuufe, wil sie bitzli z'lang stecke bliebe ish. Abr nach 1 2 min hät sie grad widr chöne zu üs cho & sie ish es gsunds meitli 😊 klar, heti mir e geburt gwünsht, wo sie vo selbr heti chöne bestimme wen sie chunt, abr so ish es au okey gsi 😊

Hoffe fest, das es bi dir no vo selbr los goht 🥰 & wie sho erwähnt, jede körper/frau ish anderst 😉

Sonnenblümchen

Ich han bi beidne müesse iileite. Bim erste ‚richtig‘ im Spital mit Tablette (weiss nüm wies heisset) han das aber als sehr sanft empfunde, wie nur es aschubse, wo ich dänn wehe becho han hani kei Tablette meh becho und de Körper häts selber gmacht.
Bim zweite hani is Spital chöne go Wehecocktail hole, dihai trinke, warte und paar stund spöter bini mit wehe is Spital 😊

AmBir

Han im Umfeld leider nur schlechti Erfahrige vom Ihleite, drum han ich ab de ssw 37 täglich en Wehetee trunke. Dadurch dass er natürlich isch, löst er nur bei einer geburtsbereiten Gebärmutter Wehe us.
1 Liter ufkoche und dänn 5-10 zieh lah: 1 Zimtstange, 10 Gewürznelken, 1 Stück frischen Ingwer und 1 Esslöffel Eisenkraut
Wenns nöd hilft, schadets nöd und viel trinke sött mer sowieso

Kosmea

Mer cha sicher nid pauschal säge, dass Ileite schlächt isch. Bie eus hez au imene Kaiserschnitt gändet. Ha aber die ganz Ileitig rächt entspannt gfunde, mich händ äfach die Tablette jedes Moll ziemli Überwindig kostet, will dur die d Wehe halt stärker worde sind 🫣. Mängisch brucht de Körper jo nur en chliine Astupser, so dass er sälber afoht Wehe Z produziere und mängisch hez au en Grund, wieso d Geburt nid sälber startet, bspw will s Chindli nid richtig im Becki liit und denn giz doch en Kaiserschnitt. Aber das cha jo au passiere ohni Ileitig 😊…und me cha sich jo au während de Ileitig zumene Kaiserschnitt entscheide, wenns eim doch nid passt. Wünsch dir uf all Fäll e Geburt wo du guet begleitet wirsch, das findi fast s wichtigste! 🍀

Eline22

Was isch den de grund zum ileite? Du darfsch immer entscheide öb du das möchtisch oder ned. Es isch kein muss.

Hisha

@Eline22 Weil wir nun beteits bei ET+5.. Ei geleitet wird, wenn das Kleine bis ET+10 nicht selbst gekommen ist..

Vielen Dank für die zahlreichen und teils sehr ausführlichen Antworten. Ich denke, ich werde nach den Gespräch im Spital auf mein Bauchgefühl hören und dann entscheiden.
Natürlich hoffe ich weiterhin, dass mir das Kleine die Entscheidung abnimmt und doch noch kommt

AnDu88

Mir hei am morge früeh bi ET+10 afo ileite, aber nid wie normal, da ig scho e KS hinger mir gha ha. Ersch nachem ca. 3. Zäpfli hani langsam afo wehe becho, de hani no e ilauf becho und denne hets de heftiger agfange mit de Wehe. Ha nach eim ganze Tag Wehe aber immerno e unriife nid tastbare MuMu gha leider. Mi Maa und ig hei de bi ET+12 entschiede, nach arote vor Oberärztin, e KS zmache und es het für üs so gstumme und es isch e wunderschöni Geburt gsi.

Pheobee

I haa zwei Mol vor ET mösse ileite wege SS Diabetes. I haa jetzt d‘Wehe nöd schmerzhafter gfunde als wenn d‘Geburt spontan dehei afangt. Es isch bi mir aber so gsii, dass i bi de igleitete Geburte gad scho fast vo Afang ah Wehe haa mösse veratme. Bi de nöd igleitete Geburt hani en ganze Tag lang so chli Mensschmerze kaa wo immer stärcher worde sind.
Bis uf de Afang sind alli 3 Geburte wunderschön gsii und ich wörs wieder so mache

LillyFee

Also iner 1. SS hani nit miesse ihleite. d geburt isch 30h gange. bi nudelfertig gsi und ha sicher 2 wuche brucht bisi wieder fit bi gsi

jetzt bir 2. ss (vor 2 wuche) ihgleitet. sisch fast z schnäll gange und ja sisch stressig gsi aber innert wehebeginn bis geburt 3h gange.
ja sisch stressig gsi aber 30h geburt han ich schlimmer gfunde.
bi bim 2. au nur 1 nacht im spital blibe nacher heim. bi vil fiter gsi 🤷🏼‍♀️und ha au panischi angst kah vorem ihleite, wrdis aber wieder mache 🤷🏼‍♀️

Gröipschi

di erschti geburt isch spontan gsi u di zwöiti igleitet. würd di zwöiti geburt jederzit dr erschte vorzieh (1. geburt ca. 17h, am schluss vakkum plus öper wo mer ufe buch drückt, 2. geburt 22:00 zäpfli bercho, 03:00 wehe start, 70min spöter ds ching gebore)

lin19

I ha mega positivi erfahrig mitm ileite gmacht. Ha scho 2 täg noch ET mösse ileite, weil mini FA s gfühl gha hät, dass s fruchtwasser knapp isch. I bi denn in spitol und sie hend mer denn d fruchtblose göffnet, ha denn nomol hai könna go znacht esse und 4 stund spöter hani scho zimli krassi wehe ka, 3 stund spöter e pda überko und nomol 3 stund spöter isch üsi tocher ufd welt ko und i ha kai verletzige gha. Für mi e traumgeburt gsi🥰

Eline22

@Hisha Das elei wäri ja no kein grund zum ileite 🙈 alles plus und minus 14 täg vom et isch alles i de norm. Alles gueti für Geburt.

a_94

I ha bi mim chliene nur uf natürlichi weg dörfe ileite
Well mini erst ish kaisershnitt gsi und de abstand ish no zchlie gsi für medizinishi ileitig

Da heisst du fangsh ah mit wehetee, scharfes esse, warmi bäder, viel treppe stiege, buchmassage, akupuntur etc😂
Und denn hends mir noch allem no fruchtblose platze lo welo immer no nöd het wele 😂
Abr falls en ganze tag ume probiersh ish es wicjtig das am obig die entspannsh und in ruhe gohsh go shlofe
Denn cha dis bebi da au in ruhe verarbeite und afange shaffe
Mengmol ishs ene alles eifach zstressig🤷‍♀️

21Steffi24

Hallo
Unser Ärztin empfahl uns bei unserer 1. Tochter frühzeitig (2 Tag vor ET) an Einleitung zu denken, da das Gewicht der Kleine als zu gering eingeschätzt wurde. Man nahm an, dass jeder weitere Tag über den ET hinaus ok sondern ein Risiko wäre. Da ich tunlichst eine medikamentöse Einleitung verhindern wollte, taten wir sonst alles, was geburtsauslösend wirken kann. Tee, Treppe/Hügel hinablaufen, Akkupunktur und Eipollösung. Obs diese Mischung war oder ob es einfach Zeit wurde, who knows! Keine 24h später war unsere Kleine da, sehr schnell und ohne Komplikationen.

Alexandra2610

Hallo!
Bei mir sollte 40+0 eingeleitet werden, da ich wegen meines Alters eine Risikoschwangere war. Ich habe mich aber dagegen entschieden, da es sich für mich zu diesem Zeitpunkt nicht richtig angefühlt hat. Nach sechs weiteren Tagen hatte sich immer noch nichts getan und mir wurde vorgschlagen einen Einlauf zu machen, da ich immer noch nicht einleiten wollte. Das war für mich erst einmal befremdlich - iihhh ein Einlauf... Aber ich habe es dann über mich ergehen lassen (war überhaupt nicht schlimm und innert 2 Minuten vorbei..). Tja und 6 Stunden später haben bei mir die Wehen angefangen. Klar hätte es auch sein können, dass die Wehen so oder so gekommen wären, aber durch das Abführen wird die Muskulatur und der Darm angeregt. Oh und wenn es dann los geht, musst du dir auch keine Gedanken über Stuhlgang beim Pressen machen

Hisha

Die Kleine hat am 31.01 das Licht der Welt erblickt und ist putzmunter☺️ Dauerte etwas länger, ist aber alles gut gegangen und glücklicherweise ohne Einleitung ☺️Danke für eure Beiträge☺️

Mamelo

I ha ned müsse ileite aber ha be de erschte geburt no vor ET vo de hebamme deheime en eipollösig becho und be keini 12h spöter mami gsi.

Wenns us gsundheitleche orobkem ned grad oberdeinglech esch met de ileitig gets jo no paar natürlecheri sache.

Crystal

Gratuliere dir ganz härzläch zur Geburt vo dire Tochter💕 i wünsche öich gueti Erholig u ganz viu wunderschöni Momäntä💗