Youtube /Baby/Kleinkinder

enelaa94

Hallo zemme
Bin gspannt wies bi eu usgseht und sind ehrlich😅Mini chli chan sich sehr sehr schlecht selber beschäftige. Vorallem wenn ich koche denn dreiht sie komplett dure will sie nöd mini ganz ufmerksamkeit bechunt. Spielkuchi hani ihre kauft, Lerntum demit sie cha zueluege aber bringt alles nüt. Han Sit einere Wuche agfange mis handy zgeh und sie luegt youtubekids videos. So d'Sach isch mis schlechte gwüsse plagt mich, will ich das eich nie han welle ja klar sind ca 10 min aber isch mega viel für es Kind wo 17 monet isch. Wie handhabt ihr das? Wie beschäftiget ihr eui Kind wenn ihr kochet?

AnDu88

I dem alter hani si mitem wasser lo spiele wenni kochet ha. Bürsteli und schwamm mit bitz spüelmittel… eso hetter de s brünneöi putzt. Oder de hani paar plastik schüssle füre gno und a bode gleit mit kochlöffle daser het chönne demit spiele. Oder de hani e paar rohi teigware i eini vode schüssle do miteme Kelle zum rüehre.

sxaina

Bim koche luegt mir mine „19mt“ gern zue, oder het au gern en kochlöffel und e schüssle. De staubzuger oder swiffer gibi ihm au als ablenkig da mir no kein lernturm hend. Wenns aber gar nöd gaht luegt er au 7-10 min sone religiösi cartoon serie woni ihn laufe lahn. (Fühl mich aber au mega schlecht debi, darum chunts au sehr selte vor) Ab und zue wet er nur das ich nebet dra hocke zum spiele, machi den au oder rede mit ihm. Derf aber nur 1x ih de wuche mitem papi e kinder serie luege wen ich am schaffe bin. Sust wird er beschäftigt so guets gaht. Mit usegah, im treppehus umelaufe 😅

AmBir

Mini isch 18 mönet und mir gebet ihre au na kein ‚bildschirm‘. Mach s‘gliche wie d‘Andu88 und was au immer gaht sind haferflocke mit wasser und lebensmittelfarb mische und dänn matscht sie demit.
Und klar amigs hilft nüt, dänn lahn ich sie jammere und tuen sie uf de rugge binde.

Mamelo

Be au thema AnDu88
Wenns ned goht ab ufe tower ond de gets au en pfanne, rührlöffel röstabfäll paar trochni teigware ond de lohni si au bem choche hälfe. Ab 1.5 hani gar en welleschniider geh zom üebe schniide, de chamer nochli nasche

Groan

Ich choche ehrlich gseit wenn möglich so simpel und schnell wies gaht. Susch neb dene Tips wo scho cho sind, setzi sie au eifach is Sitzli und gib ihre chli tröchneti Öpfel oder es Rüäbli id Hand, a dem het sie denn mega lang und isch chli beschäftigt. Und sie gseht, wasi mache.