Meine Tochter nimmt den Schoppen nicht.

Nicole_Narin

Habt ihr irgendwelche Tipps?
Meine Tochter ist 3 1/2 Monate alt. Da ich bald arbeiten gehe, möchten wir das sie in meiner Abwesenheit den Schoppen nimmt. Jedoch bis jetzt erfolglos. Sobald die Milch im Mund ist, spuckt sie die wieder raus. Egal mit Schoppen oder mit dem Löffel, ob kalt oder wärmer, frisch oder erwärmt…

aenn

bi eus genau glich gsi. 🙈bi den woner 6mönet alt gsi isch, zwei täg go schaffe und er het i dere zit eifach vom morge bis abig kein shoppe gno. het den aber scho brei gässe. ez ischer 1 und nimmt immerno keine😂

Nicole_Narin

Hoii, mercii für dini antwort. Isch er denn ih derer zit zfriede gsi? Oder vergässe sie das widr, dass sie hunger hei?

aenn

ja er isch zfriede gsi. 🙏🏼

Crystal

Hesch de abpumpät oder mit PuMi probiert? Mängisch geits de wes muess u si merkt das du würklech nid da bisch…u wenn nid wartete si haut uf di🥰

Nicole_Narin

Ig ha abpumt.
Jaa das chönti mir au vorstelle, das es de eifach geit… aber bi de haut chli nervös und ha nid so es guets gfüehl weni nid weiss wies wird 🙈

Natii

Genau s gliche Problem hend mir au kah (teilwis immerno) und mir total de Chopf zerbroche 🙈 Mir hend au alli Variante dureprobiert.. uf jedefall was bi eus gar nöd gaht isch wen ich de Schoppe gibe..da fühlt er sich sust mega verarscht 😄
Min einzige Tipp isch üebe, üebe, üebe..
Gester hets jetzt s erste mal chli besser klapped (40ml). Mir hend e Philipps Avant Schoppe gno, min Maa het ihm de Schoppe geh uf eusem Lieblingsplatz und ich bin use go spaziere i dere ziit..
Das isch bis jetzt eusi erfahrig aber mir blibed dra 🙏🏻
Darum lis ich da au gern mit zum vo anderne erfahrige z lese
Ufjedefall dir viel Glück 🙌🏼

Nicole_Narin

Mercii für dini Antwort. De üebe mir doch wiiter 😅 mir hei üs ebe au für eh philipps avant entschiide, zum fix ihre zgää ☺️