Affektkrämpfe - Wie geht ihr damit um?

_Flor

Hallo liebe Eltern

Unser Sohn ist jährig und bei Schmerz sehr anfällig auf Affektkrämpfe. Zum Glück dauert die Atempause meistens "nur" zwischen 5-10sek.
Meistens schaffe ich es ruhig zu bleiben.
Teilweise ist der Anfall aber so stark und lang (10sek Krampf, 10sek Atempause, 30sek Ohnmächtig, 10sek wieder zu sich finden), dass ich immer nervöser werde.

Wie geht ihr mit so Anfällen um? Wie schafft ihr es ruhig zu bleiben?

Ich würde mich über einen Austausch mit betroffenen Eltern freuen.
Gruess
Flor

AnDu88

Mi Sohn het au sehr oft affektkrämpf gha woner chli isch gsi. Aber immer nur im Zämehang mit Frustration/Wuet. I has nid immer gschaft ganz locker z blibe, vorallem bide erste paar mol nid.. bi mega panisch gsi. Es isch aber zum Glück bi ihm no nie zur Ohnmacht cho… aber das nümme schnuufe und rot/blau alaufe, die Panik i sine Auge…isch scho heftig mit z erläbe leider. Mir hets gholfe wenni dra denkt ha, je ruhiger ig bi umso schneller isches verbii. Ig ha ihn i arm gno, gstriichlet und ruhig mit ihm gredt und gseit i bi do alles isch guet. I weiss nümme wenn er das de s letscht mol het gha aber öbbis um 2 jährig würdi säge. Es verwachset sich jo zum Glück mit de Zit.

Malak

Mi Sohn het au immer wieder Affektchrämpf- au schmerzbedingt.

Zum Glück hani bem erste mol schomol devo ghört und gwüsst wases isch.

Met zuenehmendem Alter (er isch ez 14 Mönet) werdeds weniger schlimm. Ohnmächtig wird er nur no selte. Aber de Chrampf und d Atempause het er immer na oft.

Es isch würkli s Wüsse „es isch en Affektchramöpf, es goht verbii, er wird wieder schnuufe“ wos erträglich mached. Schlimm isches trotzdem no jedes Mal. I hebe ihn denn und rede metem.

_Flor

Hm.. ja, dass es sech "verwachst" sägi mir o wines Mantra. Z wüsse, dass nid z Lebe lang so wird si, tuet guet. Aber die Atempouse mit anschliessender Ohnmacht, findi sehr schwierig.. z warte, dass er wieder schnuufet u zu sich chunnt, fühlt sech mängisch unendlech ah.. aber z finde vo Eltere wo z gliche düremache zum ustuusche isch äbe so schwierig..
Merci für euii Antworte.