21 Monate spricht nicht?

BAS

Kind 21 Monate sprich fast gar nichts (jedoch auch schon paar Wörter gesagt bis jetzt, auto, bruder, essen, tiergeräusche, tiernamen etc) jetzt fast nichts mehr?? Ähnliche Erfahrungen?

AnDu88

Mi sohn het au sehr spot afo rede. Ersch nachem 2. Geburtstag. Eifach einzelni Wörter keini Sätz oder so. I ha gmeint mit 2 jährig sötte si e Wortschatz vo öbbe 50 Wörter ha und under das falle au grüsch. Mine het das aber äuä nid ganz gschafft. Jetz ischer 8i und i hört fasch nümme uf rede 😂

Tochter ischs komplette gägeteil gsi, si het mit 1,5 jöhrig scho 2wort sätz bildet. 🤷🏼‍♀️

EllyVitalityjoy

Mini isch 25 Mönet und fangt etzt ah mit mit rede. aber sehr langsam und au nöd korrekti wörter. ich verstahns, susch niemert.

Schneewittli

Mini Tochter het mit 21 Mönet o nid viu meh gseit als du beschriebe hesch. Ersch iz im Jahr vo 2 bis 3 jährig het sie riese Fortschritt gmacht u dr Wortschatz bau jede Tag erwiteret. Denke d Kinderärztin würd früechstens bir 3 Jahreskontrolle beurteile öb me mues unterstütze oder nid, d Chind hei da haut eifach sehr es unterschiedlechs Tempo.

SHAYENNE

Bi eus isch das ähnlich wie bi de AnDu88. Meitli het guet gschwätzt und de Bueb het nöd mal 30 Wörtli here bracht mit 21 Mönet. Defür isch er motorische sehr wiit im gägesatz zur Tochter i dem alter. D Kind chönd nöd alles glichziitig lerne. Ich würi ihm jetzt eifach nochli ziit geh. Es chunt den scho. Und vo eim Tag uf de anderi 😉

AnDu88

Bi üs au, fiinmotorisch ischer sehr wit gsi, het scho schwirigi puzzle gmacht, lego zämegsetzt, gschnitte. Woner de id spielgruppe isch, hets de plötzlich agfange.

Die chlini het zwar gschwätzt wienes Buech aber drfür alles wosi id finger becho het zerstört 😂😂 null geduld

Sonnenblümchen

Mini händ beidi früeh gschwätzt, det chani nöd mitrede, aber was ich bi beidne gha han isch dassd churz bevor sie ‚de Durchbruch‘ gha händ mitem rede praktisch gar nüt meh gseit gha händ. Wie en Rückschritt bevors dänn richtig losgange isch

Mamelo

Also met 20 mönet esch do au no gaaaaarnüt ome. S gschwüsterti het i dem alte guet om die 30 wörter korrekt usgsproche gha.

So onderschidlich sends doch