Ohrringe ab wann?

Mommyofadaughter23

Hallo zämme ab wenn hend euri Meitli die erschte Ohrringli becho?

fabe

Mini Tochter hets mit 1.5 becho und sie het so freud kah🙈

japien92

Muess jede für sich selber wüsse. Mini hets au mit 1.5 becho. Finds immer so lustig wenn sich Schwizer Mamis über eus ufem Spielplatz lustig machet😅Wills ja körperverletzig isch und sie sgfühl hend ich verstahne sie nöd. Mini het au freud gha und hüt no

Mommyofadaughter23

@fabe @japien92

Hender kei problem gha, sprich mit das immer as ohr glanget worde isch oder dra ume gmacht worde isch?

Sinds ruhig ghocket?

Alles so froge oder sölli sölli nöd🙈I ha au am Kinderarzt aglüte und noh gfroget sie hend gmeint seg no besser ez als noch 2 jöhrig..😅

fabe

Wie japien92 gseit het, das mues jede für sich entscheide🙈 Paar müettere i mim umfeld hend t‘ohrering ihrne Töchtere erst so mit 3 oder 4 jahr gmacht, sie hend verzellt das t‘chind die ganzi zit drah umegspielt hend mit de (ab und zue wie es bi chind so isch) dreckige händ🙈, das es sich oft entzündet het. Ich glaube wens älter sind nehmets es viel meh war und es fallt ihne meh uf.
Ich han minere Tochter gseit so jetzt gömmer go ohrering mache lah lueg so wie bide mami und han ihre den mini ohrering zeigt, den simmer ane gange und sie isch den uf min schoss gsesse und het en spiegel id hand becho, die ersti siite het sie guet aneghebt, und ja logisch het sie den brüellt wo sie gschosse het, bim zweite het sie den scho vorher ahfange brüele, was ja au verständlich isch, aber sie het au guet still ghebt, sie het die ganzi zit de spiegel ide hand kah und het gseh was passiert, ich glaub das het ihre ghulfe. Nachher het sie es squetschi becho und den isch alles wieder guet gsi🙈 sie het nachher keis einzigs mal brüellt und ebe au praktisch nie drah glangt so das es sich nie entzündet het. Es isch supper gloffe und bi mini zweiti tochter würis den au i dem alter wieder mache sen nöd sogar mit 1, nah früener het ich persönlich au nöd wele, so zwüsched 1 und 1.5 findis perfekt 😊Was bi eus chli t‘schwirigkeit gsi isch, isch öpper finde wo es macht😅 also apotheke macheds nöd unter 2 (also zu mindest bi eus ide umgebig nöd) , mir sind in Rhomberg, det hani extra au müese en termin mache mit de filliale leiterin will nur sie macht es bi so chlini chind, und sie het mir au gseit sie het sicher ca. All zwei wuche 1x so es chlines chind (das het mir sicherheit geh das sie güebt isch). Sie het mir gseit s‘jüngste wo sie gstoche het isch 2 mönet 🫣

Schneewittli

Ja das isch sicher sehr individuell u wahrschindlech ono kulturell prägt. I finds iz kes Muss u solang mini Tochter nid selber mit däm Thema chunt, wirdi se nid druf ufe lüpfe. Ha o e Cousine wo gar keni Ohrlöcher het u o kener möchti u das isch o okay.
U denke we sie de so alt isch, dass sies bi anderne Meitli gseht u ev o möchti, wird sie de o so alt sie, dass sie versteit, dass sie nid sött dran umenifle🙈Auso i ha iz dr Sinn nid gseh bi Bebes/Chlykind go Löcher id Ohre schiesse, aber würd iz o niemer ufem Spielplatz verurteile wo das het gmacht.

Samara88

Mini Tochter het ihri Ohreringli mit 1 becho. Sie het nödemal zuckt und wiiter ihres Guetzli gesse😂mir sinds ide Apothek go mache, die hend extra doppelohrloch schüsse gmacht. So isches innere sekunde erledigt. Sie hets vo afang ah in ruhe glah und nie dra umme gspillt.