3. Schwangerschaft

minggi

Hallo zusammen. Ich bin zum dritten mal Schwanger in der 13.ssw. Übelkeit hat nachgelassen. Jedoch merke ich dass ich überhaupt keine nerven/geduld für die anderen zwei Kinder habe. Kennt das jemand? Wird das wieder besser? Habe angst das dies nun dauerzustand sein wird und ich mit 3 kids total überfordert... hat jemand erfahrung? Tipps?

Adorable

I wörd säge das esch normal. 😅
I ha das zwar eher geg Endi gah aber be mer esch d Früehschwangerschaft ohni gross Übelkeit etc gse.
Und do wachst mer inne, aso i ha ned s Gfühl du chasch jetzt scho säge das d Überfordered besch nur well jetzt e churzi Zündschnur hesch, esch halt e Umstellig, werd secher weder besser. 😊 Esch emu mini Erfahrig

Groan

Ich han null Nerve gha im letschte Drittel vo minre dritte Schwangerschaft und han au Schiss gha, dass das so bliebt! Aber so 2-3 Wuche nach de Geburt hani wieder so vill Energie und s‘fühlt sich so guet a! Han wieder Nerve und chan wieder ifühlend reagiere! (Klar mengisch hani denn glich kei Nerve, wenns grad streng isch, aber halt imne „normale“ Verhältnis woni vo mier kenne.)

1Isabel1

I denk, dass du dich im Moment so fühlsch, isch ganz normal. Schliesslich erschafft din Körper momentan es Baby und do sind au ganz viel Hormon im Spiel wo üs Fraue recht durenand machet.
Villicht hesch du Mensche i dim Umfeld wo dich chönd entlaste. Segs eh helfendi Hand bi alltägliche Arbeite oder mol uf dini zwei chind chönd luege dass du ganz in rueh mol öpis guets für dich selber chasch mache oder au eifach eh Ohr wo dir zuelost und dich mol tröstend in Arm ninnd. d‘Müetter- Väterberotig isch do i de regel au sehr neutral und unterstützt dich i dinre momentane Situation.
I hoff du findsch en Weg wo für dich stimmt. Ich wünsch dir ganz viel Chraft und Energie bim erschaffe vomne neue Lebe.