Vorbereitung auf eine Schwangerschaft nächstes Jahr

Jenny_m

Hoi zeme
Ich möcht negst Jahr im Herbst ume schwanger werde. Das mer das nöd genau plane chan isch mer bewusst😊 trotzdem wärs schön weni negst Jahr gege Endi Jahr würd schwanger werde.
Jetzte isch mini Frag, wie ich min Körper chan druf vorbereite. Au wasi susch no chenti scho vorbereite ussert min Körper.

Egal weli Tipps wür mi druf freue😊🥰
Gruss, Jenny

minggi

Hallo Jenny, zersr mal gratuliere zu iicherm entschluss. Ich nime ah es isch s erste? Aso bim erste hani alles mögliche versuecht, aber meh wills eifach nid klappet het. Den bide nächste beide Ss hani eifach ca 3 mt davor folsüri und omega 3 gnu. Meh nid. Wünsch dr es guets glinge den wenns sowit isch

Crystal

I würd o folsüri oder grad äs Multivitamin speziell fürd SS und Omega 3 Fettsüri, di Maa übrigens o, isch o guet fürd Spermie☺️ süsch chasch eigäntlech nüt vorbereite, hesch ja de när nün Mönet Zit🥰 probier di aber nid unger Druck ds setzä, de klappets viu fach äbä grad nid

Ginkgo

E wundervolli KiWu Reis :-) Ich würd sicher ahfange dr Zyklus z tracke (git gueti apps), Sport mache (bisch nochherd froh drum) und luege dass kei Nährstoffmangel bestoht ggf. Bluetbild mache.

Jenny_m

Ich danke eu allne vielmal für die zahlrieche Tipps und Empfehlige.

I freu mi sehr uf die Zit, weiss aber au das weni mi zfest unter druck setze das es den nöd chönti klappe.
Ich chans chum abwarte endlich schwanger gsi, weli so unbedingt es Kind möcht.
Probiere gern euri Tipps us 😊

Je genau, da es s’erste wird sie, willi mi halt gern guet vorbereite. Han aber bis jetzt nöd gwüsst wie, wel bi mim Frauearzt bechumi kei Tipps. Ded heisst eifach immer, ja lüted Sie den ah wens so wit isch….hahah

Eline22

Was ich dir würi empfele isch jetzt scho Büecher zläse über d Geburt, Stille, Hypnoseund Erziehig. Alles was du drüber weisch macht dich sichere und selbstbewusster. Mami werde ich e rise veränderig und wenn du weisch was uf dich zue chunt wirds um vieles eifacher. Das isch öpis woni bereue, dasis nöd gmacht han so richtigs Wüsse (nöd nur eifach das vo mer ghört oder us Film kennt oder denkt ja das chunt den scho alles uf mich zue)