Aktives kleinkind

sxaina

Hallo zäme

Ich han da e Thema woni mega starki müeh han zum wüsse wie am beste demit umgah und obs anderi mamis het wo au sehr stark aktivi chind hend.
Min sohn wird im juli 3 und het energy vo zwei/drü chind und anderi chind bi eus ih de siedling hend amel mega müeh demit wil er lut und aktiv isch. Mehrheitlich meitlis wo au nöd mit ihm wend spiele wil er sache kaputt macht etc. oder er chind au ihschüchtere tuet 🙈
Han den müeh mit doofe kommentär vo anderne mamis

Grüessli

Mamelo

was för kommentär sends de wo der so müeh mache?
I goh jetzt mol devoh us du hesch au müeh met de art vo dim chend das es di trifft.

sxaina

Laufe verbi und den chunt de kommentar vo: uii das chönti nöd, da wür mich ja kaputt mache sones aktives chind.
Also he er isch 2 1/2 für mich ischs normal gsi so wie er isch aber es brucht sehr sehr viel energy plus hemmer no e 8mt baby no dehai ☺️😅

Eline22

Ich bechum au oft z ghöre über min 3 Jährige Bueb ; de het den viel Energie… Das gaht aber bi mir bim eine Ohr inne und bim andere wieder use. Mängisch isches scho asträngend. Vorallem wenn er immer abhaut ufe Spielplatz oder au unterwägs. Und überall muen ufestige und bi de grosse debi sie. Bi mir isches zweite glaub ich bin darum chli locketer. Ich lah ihn eifach, er muen au sini erfahrige mache und die andere chind müend sich au wehre lerne 🫢

sxaina

@Eline22 Ja das denk ich au, das sie sich wehre müend wens ihne nöd passt. Ja bi mir ischs min erste Sohn da ich ja alles so heilig 😅

Mamelo

sxaina schrieb: »

Laufe verbi und den chunt de kommentar vo: uii das chönti nöd, da wür mich ja kaputt mache sones aktives chind.
Also he er isch 2 1/2 für mich ischs normal gsi so wie er isch aber es brucht sehr sehr viel energy plus hemmer no e 8mt baby no dehai ☺️😅

Naja wenn mer verbie lauft ond so en kommentar vhont glsubi ehner die person het es eignigs.

I fendes super hend mini chend energie ond möge, i fendes da normal. Send chend