Krankenkassenmodell

Sunnny88

Hallo zämä

Wenn heit dir d Krankekasse für s Baby abgschlosse?

Weli Versicherige im Detail heit dir alli abgschlosse? (Grundversicherig, Zuesatz, Unfall, Zahn, Privathaft, oder no witeri Versicherige?)

Weles Modell (z.B. Telmed, Hausarzt etc.) heit dir bir Krankekasse gwählt und sit dir z fride?

Wie gsehts mit dr Franchise us? (Me cha ja vo 0.00-600.00)

Danke für öii hilfriche Antworte :-)

Crystal

Vor dr Geburt abgschlosse, Grundvürsicherig Huusarztmodäu u ä Zahnvürsicherig wäg dr Zahnspange

Grundvürsicherig mit Franchise 0.-, di erschtä zwöi Jahr hesch rächt viu Kontroue u Ungersüech da lohnt sächs nid ä höchi Franchise ds wählä

AnDu88

D Krankekasse heimer vor de Geburt abgschlosse… bi denne ca. im 7./8. Monet gsi. Söttisch eigentlech au, will falls s Chind miteme Gebräche ufd Welt chunnt, bechunnts kei Zuesatzversicherig meh.

Mir si bide Visana, hei s Husarztmodell, Franchise 0.- mit Zuesatzversicherig. De hesch au Therapie inbegriffe. Mir si id Chranio gange mit de Tochter, das isch vode Zuesatzversicherig abdeckt worde. Zudem zahle si öbbis as Babyschwimme oder Schwimmkürs usw. Zahnzuesatz heimer de mit 3 Jährig abgschlosse. Het sich bi üs bewährt, da üse Sohn zu löchli neigt.

Mir si sehr zfriede mit dr Visana… sehr unkompliziert, hei nie Problem gha wäge sache wosi nid hätte welle übernäh. Au Rückerstattige bechunnsch innerhalb vonere Wuche. Chani nur empfähle 👍🏼