Waschtrockner

IroL

Mögender miar verzella was iar drvo haltend 😊💦👚👔🧺

ALOHA

Tumbler? Ich chönt nie ohni😅Nurscho tüechli mussi tumblere. Die sind suscht wie stroh😅 oder bettsache😍

IroL

@ALOHAi meina z kombigrät wo ma wöschmaschina und tubler in einem het 😊
Übrigends gotsmer genau glich wia diar!!! Tüachli und Bettwösch muass ma doch eifach tublera ☺️👍🏻😉

ALOHA

Das gits?😨😨 krass. Ja da chani ned helfe😬🙊Ebe gell😍😍 s‘beschte

DaisySu

Mini schwester het so ein gha und sie het immer gseit i söll so eine nie chaufe seig sooo en seich🙈 es goht ewigs bis alles fertig isch. Mir händ jetzt au grad e wäschmachschiene und tumbler gholt neu und i ha im lade genau nomol nach däm gfrogt und sogar de verchäufer het gseit es seig en seich🙈😂

Snuggles

Mis mami het au so eini gha und würds au niemeh chaufe, tumblerfunktion isch ewig gange und trotzdem füecht usecho🤷🏻‍♀️

Caramel

Mies Mami het eu so eine ka, sie würdis eu niä meh kaufe. Wiä die Andere schriebit alles geit ewigs und glich nit güät.

IroL

Danka eu viel mol! Das isch doch a grossi hilf eures Feedback! Danka!

Avenira

Mir hend im Feriehuus e so eini. Für dete findis ok, will mer kei Platz hend und sie eh ned viel bruched. Für de Altag völlig ungeignet.

Milchmädchen

Miar hend au eini. Würau nümm kaufa. Wäscha kasch 7 Kilo, tumblera aber nur 4 Kilo. Denn müasstisch d Hälfti vor Nassa ussaneh. Do i aber fascht nia tumblera isch es nit so schlimm. Wenn i aber tumblera, denn in dr Nacht und nur mit dr halba Maschina, das klappt guat.

IroL

Danka 😊👍🏻 i lon das mit dera maschina 😅 kaufa a normali und mim tumbler luagi halt wia macha, befürchta aber i han kei platz...

DaisySu

Wo möchtisch das denn anestelle? Mir händs jetzt halt so gmacht das mir e schmali wäschmaschiene im bad händ und de tumbler im schlofzimmer🙈 gseht halt nid mega mässig us abr mir isch es wichtig dasi au en tumbler han willi en halt sehr viel bruch😊

IroL

I möchts gern ins Bad tua, han aber as Fenster wo “stört”. Schlofzimmer kunnt für mi glaub nit in frog! 😬