Weli Windle?

Es git ja soooooo viel verschiedeni Windlene (Aldi, Lidl, Coop, Lillydooo....)

Hender am ahfang verschiedeni poschtet und teschtet oder wie hender oi füre marke entschiede?

Kommentare

  • Hey aloha
    Ganz eifach Pampers. 😁 sobaud mi bueb würd druf reagiere würdi was neus usprobiere. I würd nid z viuu verschiidnigi teste wüu wes bebe uf eini reagiert weisch nid weli dasses isch. 🙈🙉🙊
  • mir hend am
    afang milette gha, will de shnitt am beste passt het. im verlauf hemmer vershideni usprobiert wege passform, uslaufe ect. siteme jahr simmer aber bide babylove vom dm, die einzige wo verhebed und vode form her würkli passed
  • i han verschiedni usprobiert und bin etz bi Coop my Baby und wenni Unterwegs bin Pampers ☺️👍🏻
  • Ich bi ebe kein pampers-fan. Ha ide krippe gschaffe und einigi windle duregwicklet😅 ha pampers immer schlecht gfunde will kinde nach kurzer ziit so pisselet hend😷Aber finds vode verträglichkeit na schwer. Aber demfall kaufi den mal ei sorte und luege. Merci🤗
  • Ich han am afang Pampers brucht, denn hämmer mal e Phase gha wo mir Aldi, Lidl und Landiwindle probiert händ. Aldi und Lidl hani gfunde es schmöckt nach Pipiund bide Landiwindle chunt er en mega schlimme usschlag über... sind jetzt wieder bide Pampers glandet und die hebed und er vertreits guet... ich glaube ebe es git nüt wo bi allne passt oder nöd passt, mer mues chli probiere...
  • Danke viel mal allne.
    Bin ja gspannt😅 priisunterschied sind au sehr heftig.
    Wie ischs mit de lillydooo? Ha det einigi übercho😅 aber die gönd sicher is geld🙊
  • Lillydoo hani nie probiert aber ha letscht mal gseh das die im DM git... ha ebe gmeint die chön mer nur Online bstelle
  • Jaa das hani ah letschti gseh😳 allgmein krass wege de 19% womer retour bechunt. Das lohnt sich sicher alles im dm zkaufe😅 dm windle wo jayy gseit het, wer scho auna öbis 🤔
  • Ja es isch am Schluss es usprobiere... ich chaufe alli Baby/Chinder Pflegeprodukt wenn immer möglich im DM... es isch massiv günschtiger.
  • Hey Aloha👋🏻 😉 i ha ir erste zyt immer pampers gha u öpe ab grössi 3 oder vier när ufne günstigeri gwächslet!
  • Ha öbe 4 Windeltorte bercho und alles verschiedni, ha so kenne teschte. Ha jetzt My Baby Coop, Pampers het sie immer äs wunds Füdli ka, Aldi hent nit verhebt... Coop hani ke Problem ka, daher bi dene blibe.
  • Stoffwindle 😍
  • Ich hab seit 1.5 Jahren ein Lillydoo-Abo und find sie toll! Sie fassen sich nicht so ‚chemisch‘ oder plastikartig an, wie zB Pampers oder die Windeln vom Coop!
  • Ah - und ein rotes Füdli oder ein nasses Bett haben wir damit so gut wie nie 👌
  • @Claramia danke diir. Wieviel gäbet ihr den im monet ca us, weni frage derf?
  • Mir hei ou pampers premium und di z fride dermit👍
  • I choufe immer wes grad aktion isch mal pampers mal die vor migros. Ha aber o scho ir landi kouft. Da mi sohn alli guet vertreit. Spielts nit so e rolle
  • @ Aloha: ich bestell aktuell etwa alle 6-8 Wochen und zahle inklusive 4 Packen Feuchttücher 67 CHF.
    Für uns stimmt das - so muss ich beim Einkaufen nicht noch an Windeln denken. Das Abo kann man jederzeit auch pausieren bzw. stoppen oder den Liefertermin verschieben!
  • mir zahled mit de babylove vom dm ca 40€ im monet für 1 Chind
  • also ohni füechttüechli, die hani vom migro d windelihlage
  • bi mim sohn hämer pampers gha, er hät die vertreit und alles supi. mini tochter vertreit aber pampers nöd soo guet (isch ständig rot und offe) drum hämer uf lilydoo gwächslet. mir händ dänn sogar für beid chind die glich windelgrössi chöne bruuche👍🏻👍🏻 find das abo toll musch nüm luege bim poschte ob gnueg windlä häsch. zudem sinds wückli toll zum ahlange& ahluege, huutfründlich, stinked viiiiel weniger wänns voll sind und d‘passform isch super. d‘füechtüechli vo lilydoo sind au guet - det bruchi 99% wasser und als günstigi top alternative chani die vom lidl empfehle (sensitiv)
  • Wie d claramia. Mir sind totali lillydoofans. Zersch bini skeptisch gsi wegem abo, aber mitlerwile froh. Muen nüm dra denke. 😁
  • Mir hei o pampers, eifach d premium protection, die stinke nid nach pipi, d baby dry si schlimm. Mini vertreit nume die.
  • Was isch den de unterschied vo allll dene pampers? Check das gar ned. Ha immer denkt eini isch für de tag, die ander fürd nacht... etc😅Sinds inedure anders? Ide krippe hend die immer all glich usgseh irgendwie
  • Mier hend coop my baby und sie verhebed suuuper! Obwohl mier e extremi langschlöferin hend (bald 5 monet, schlaft 12-14h am stuck) hends erst eimal durelah wo sie würklich fest durchfall gha het. 🤪
  • @ALOHA premium protection sind ganz weich, händ en strich wo gsehsch wie fest sie usglastet sind. händ die die erste monet brucht, sind aber ca 2.- tüürer als baby dry.
    baby dry händ mir nacher tag&nacht brucht. händ eigetli guet verhebet aber wie gseit ich find sie stinket rächt wäns voll sind. activ fit oder wie dä rescht heisst känni nöd. pants hämer ab grössi 4 kauft will mir das eifacher gange isch zum ahlegge wänns dumm due händ bim wicklä😉
  • Lillydoo😍😍😍😊 kes rots föddeli u vorallem chöme d windle zu dir😊
  • Mir hend au klassisch mit dä Pampers ahgfange, denn hemer es Ziitli Lillydoo gha und hend denn uf dWindeli vom Müller gwächslet. Es chunnt au immer ufs Baby ah.. mini Mittler z.B het nur Pampers vertreit.. mim Bueb chani zimli alli Windle ahlegge. Det luegi eifach dass schön weich und ahgnehm sind und natürlich über d‘Nacht verhebet. Und zum Schluss luegi au, tönt ez viellicht blöd, ufs Sujet😂🙈 🤷🏻‍♀️ chauf nie Windle wo mir optisch nöd gfalled🙈 ich wär mängisch gärn Windelidesignerin... 😂😂
  • Ah und no zu dä Pampers, am Afang hemer die gha mitem
    Streifli wo blau wird wenns en Bisi gmacht hend. Die han ich super gfunde!
  • @Mirj und wenn sie bide pants heii es grosses gschäft gmacht? Isch z abezieh nid e riiiese souuerei? Oder schnidsch d siitene mit dr scheri nähr uf? Sicher e dummi frag 🙊🙉🙈
  • @MaryF bide Pants chasch uf de Site ganz guet ufrisse... bruchsch kei Schere
  • Oke :) merci. Mine het no z 3 aber guet zwüsse :)
  • @MaryF ich has au eifach ufgrisse. min maa hät imfall s‘gliche gfragt woni mit dene hei cho bi s‘ersti mal😉 kei dummi frag!
  • @ALOHA ich finde die beste die vom Müller Drogerie Beauty Baby preis leistung top 😀👍🏻Lsind au hoch gschnitte 👍🏻
  • Dankeeee viel mal🤗🤗🤗
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum