April 2019 Babys 🌸

schaai · 24. 02. 2019, 12:57

Salüü zämä

Han denkt ich start Mol e Gruppe für all Mamis wo im April 19 Nochwuchs erwartet. Wer cool wenm chli en Ustusch statt fundet. Min ET sett am 17.April si. Es Maitli und serste Kind. Wie wiit sind ihr?

schildchrötlimel · 25. 02. 2019, 19:05

🙋‍♀️ Adriana
Plante KS am 11.04.19 😎

schildchrötlimel · 25. 02. 2019, 19:05

🙋‍♀️ Adriana
Plante KS am 11.04.19 😎

schaai · 25. 02. 2019, 19:34

ah hoii genau 😁

__Yamila__ · 25. 02. 2019, 20:35

hallo mitenand
min ET söt am 15.4. sie. euses erste wunder🥰

schaai · 25. 02. 2019, 20:36

@_Yamila_ oh cool das isch min geburtstag..ich hoffe das sie bi üs es bizli frürner chunt..😍

Tara · 25. 02. 2019, 20:50

Hey🤗🤗 hans au gschafft🤗Planta ks am 05.04.
üsa 2.ti schatz😍

schaai · 25. 02. 2019, 21:14

derfi mol chli e persönlichi frog stelle..wieso gits do so viel wo en plante KS mached? aso isch das en wunsch ks oder us medizinische gründ?

schildchrötlimel · 25. 02. 2019, 21:31

Bi mir isch es us medizinische Gründ

Sabrina86 · 25. 02. 2019, 22:08

Hoiii... ET am 26.4... wird euses zweite wunder... morn weder US, bin gspannt wie sie lied....☺️

schaai · 25. 02. 2019, 22:31

@Sabrina86 oh cool viel spass musch denn verzelle

schildchrötlimel · 26. 02. 2019, 21:17

Wo si de aui April-Muttis 🧐

schaai · 26. 02. 2019, 21:36

jo das frogi mi au..die sind alli no bi local family..aber ich trau mi nüt me zum sege

Bylla · 27. 02. 2019, 09:45

Hoi hoi, bin au da... 😉😉😉

Bylla · 27. 02. 2019, 09:47

Ah und bi üs isches s‘dritte Chind, hend zwei Buebe, jetzt gits es Meitli. Errechnete Termin 15.4. wird e spontan geburt

schildchrötlimel · 27. 02. 2019, 10:31

🙋‍♀️ Bylla

Lally · 27. 02. 2019, 11:26

Hoi zäme, ich han au en plante KS am 9.4.

SteffiR · 27. 02. 2019, 14:09

Hoi liebi Mamis
Euse errechnet Termin isch dr 4.4,bi froh gohts nüm so lang. Ha ä 2 und ä 14 jährigä dähäi(dr 14 jährig isch mim Mah sinä😉)

schaai · 28. 02. 2019, 09:33

Hender au immer wieder so Müeh mit Schnufe? man..mengisch brüchti es Surstoffzelt..

Principessa · 28. 02. 2019, 09:50

Ich wär eigentli au im April aber es wird warschindli im März gholt..
Ha 3 kids 4,7,14
Wooooow ja das mitem Schnuffe de horror wie e alti Frau😂

schaai · 28. 02. 2019, 10:00

@Principessa oh wieso wirds gholt? Aso per KS? Ah denn weisch jo wie de Has lauft

schildchrötlimel · 28. 02. 2019, 12:39

Bi mir isch es nid z‘schnuffe sondern de Rügge 😭. Bsunders hüt hani z‘Gfühl, s‘sticht öper mitm Mässer ine 😬.

Tara · 28. 02. 2019, 13:26

I han au müäh mit schnuufa🙈🙈😫😫

SteffiR · 28. 02. 2019, 13:28

I merk vorallem bim Laufä mit Hind und Chinderwagä das i kei Schnuf ha und muess immer zerst no Bärg uf😬

schaai · 28. 02. 2019, 22:27

Hend ihr scho Senkwehe?

schildchrötlimel · 1. 03. 2019, 09:10

Adriana schrieb: »

Hend ihr scho Senkwehe

Isch zwar mini 2ti SS abr bi immer no chli ratlos was Wehe betrifft 🙈. Üebigswehe, Vorwehe, Senkwehe, Wilde Wehe, Geburtswehe (seh vor lauter Bäume den Wald nicht mehr 😅). E härte Buuch hani sit de 20 SSW; si äuä Üebigswehe 🤷‍♀️

Sabrina86 · 1. 03. 2019, 12:55

ich han i letste ziiit mehrmols gäg de obe sehr fest en druck noch abe und en steiherte buch... nime no bryophyllum, aso han allg. viel en herte buch....🤷🏻‍♀️

Gänseblümchen · 1. 03. 2019, 12:56

So froue mi ks termin isch gsetzt 1.4.2019 😱😱😱😱er isch scho 46 cm und 2,5 kilo
Wie ischs bi euch?

schaai · 1. 03. 2019, 14:32

I bin grad hüt morge bim schaffe (schaff im spitol) noch rücksproch mit minre gyni es ctg und ultraschall go mache..will ich au wie du @Sabrina86 die letschte täg u viel kontraktione ha de buch wird huere oft steihert..han au das bryophyllum übercho..

schaai · 1. 03. 2019, 14:33

@Gänseblümchen ui cools datum chame sich guet merke..
mini isch ez bi 2.1 kg

schaai · 1. 03. 2019, 14:34

wieso musch KS mache?

Gänseblümchen · 1. 03. 2019, 15:06

Wöui bim erschte e ks ka ha nach em ne geburtstop u iz woti nüme riskiere u mini fa o nid. Drum ks

schaai · 1. 03. 2019, 15:36

ah ok..aber gell prinzipiell wenn mer 1x ks ka het derft mer spontan wieder gebäre?

schildchrötlimel · 1. 03. 2019, 16:12

@Adriana was isch de de Sinn vo dem Bryophyllum?

schaai · 1. 03. 2019, 16:17

@schildchrötlimel es wird igsetzt bi vorzitige wehe..zum kontraktione chli beruhige

schildchrötlimel · 1. 03. 2019, 16:19

Ok 👍🏻. U wie hesch gmerkt, dass vorzitigi Wehe hesch?

schaai · 1. 03. 2019, 16:20

aso votzitigi wehe..nei muess so sege sie sind jo nöd regelmässig aber ich han eifach dit es paar täg sehr viel vu dene wilde wehe (kontraktione) und zviel ide stund sett me jo nöd ha..

Gänseblümchen · 1. 03. 2019, 19:43

@Adriana ja das isch so das mes bim 2 kind normal cha probiere. Aber i ha bim erschte nach 28 std e geburtsstop ka u es het e not ks gä u da mis becki gimlech eng isch wirds wieder e ks gä wöui nüd wot riskiere.

schaai · 1. 03. 2019, 19:56

ouuu waau!!! 28h!!! halleluja 🙄🙄🙄🤢

Gänseblümchen · 1. 03. 2019, 20:24

Isch es dini erschti ssw?

schaai · 1. 03. 2019, 20:29

jo ersti ss

Gänseblümchen · 1. 03. 2019, 20:38

Wen hesch termin?

schildchrötlimel · 1. 03. 2019, 20:43

@Gänseblümchen tönt bi mir ähnlich 😬. Ha nach 36h Wehe ine Not-KS müesse. U iz wott Gyne ebefaus nüt riskiere u ha mi plant KS am 11.04. (2 Tag nach mim Geburi 🙈)

Gänseblümchen · 1. 03. 2019, 20:55

@schildchrötlimel
Wie fiu täg vorhär hesch du dr ks?
Bi mir sis 11 täg🙈🙈🙈

schildchrötlimel · 1. 03. 2019, 20:59

Genau au 11 Tag 🙈😬😂

Gänseblümchen · 1. 03. 2019, 21:01

Ah okey, u was isch we sech üser babys glich ufe normale weg wei mache?

schildchrötlimel · 1. 03. 2019, 21:03

Auso faus i nid grad e Sturzgeburt ha, wirds glich uf e KS uselaufe. Meine oft verstriche no es paar Stunde nachdäm d‘Wehe isetze.

Gänseblümchen · 1. 03. 2019, 21:06

Ah okey ha mi das drum hüt gfragt. Da mi baby boy uf 2,5 kilo u 46 cm gschetzt wird. Und er meint er müesi vorhär cho🙈😂😂😂

schaai · 1. 03. 2019, 21:34

@Gänseblümchen am 17.4. und 2 Täg vorher hani Geburi @schildchrötlimel 😉

schildchrötlimel · 1. 03. 2019, 21:45

@Adriana Hoffe s‘chunnt nid ufsmau a mim Geburi 😂🙈😬

schaai · 1. 03. 2019, 22:18

I will ebe au nöd dass a mim geburi chunt 😋

April 2019 Babys 🌸

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: