Rolle der eigenen Mutter (sorry lang worde...)

Hallo liebi Mamis
Öbbis won mich gad sehr beschäftigt isch de Bsuech vo mim Mami won ez über s Wucheend da gsi isch. Sie het 4 nächt bi eus übernachtet, will sie wiiter weg wohnt.
Es isch no nie würklich eifach gsi mit ihre. Sägemers mal churz gseit so: wenn bi mir und mim Maa alles guet isch, denn isch au mit ihre alles guet. Sobald mir (min Maa und ich) aber uf Unterstützig aagwiese wäred oder froh um e helfendi hand wäred, denn isch ihre Bsuech ei katastrophe und sie bringt alles durenand.
Sie het vo sich uus aabote verbii cho, will ja bald euses dritte Baby uf d Welt chunnt und mir (so ihri Wort) sicher froh um unterstützig wäred.
I dem moment hemmer gfunde, moll, das chönnt helfe, au falls sich de chlii uf de Weg macht.
Sie isch denn choo und het sich aber wie en Gascht benaa. Sie het nöd würkli a eusem Familielebe teil gnah. Sie het es Essproblem, weshalb sie nöd mal richtig am Z mittag oder Abigässe teil gnah het. Sie het sich wenn denn nur mit eusem grosse beschäftigt, das aber so übertriibe, dass er amigs wenn sie widr gaht völlig imene luftleere Ruum isch und nüüt meh weiss mit sich aafange, will sie ihn immer bespasst.
Gliichziitig mit ihrem essproblem het sie au immer de Drang müsse usegah go „sport“ mache und gaht drum amigs eifach ohni vorwarnig mit eusem grosse (er isch 3.5!) use go umerenne. Dasmal isches sogar ihm zvill gsi und er het ihre denn gseit er mögi nümm. Es isch ja zum eine schön, dass sie sich so mit ihm beschäftigt, aber mit eusere Tochter, bald zwei, git sie sich fascht nöd ab. Und, wenn sie eus würkli wür wele entlaschte, denn het sie doch au mal chöne fröge, wie sie eus cha helfe (zb choche, uf beid Chind luege etc).
Mir hend denn versuecht mit ihre über das rede und ihri reaktion i schwierige Situatione isch denn immer grad „Flucht“. Sie het denn gad wele ihri koffer packe und abreise. (Het sie übrigens au scho gmacht, won damals mini Tochter uf d Welt cho isch und mir ihre versuecht hend erchläre, wie sie eus am beschte chönnt unterstütze).
S Problem isch würkli, dass mer mit ihre nöd cha rede will sie alles als Kritik a sich selber uufnimmt (egal wie fiinfühlig mir das aagönd).
Mir sind langsam mit eusem Latein am End. Will ihre Bsuech bi eus immer sehr vill durenand bringt und oftmals no meh Stress bedüüted (au im nachhinein, euse Sohn isch denn widr uf Werksiistellig).
Sie wohnt leider 4std vo eus weg und drum muess sie über nacht bliibe susch lohnt sichs nöd...

Het öbber au so es Mami? Wie gönd ihr dademit um? Sorry het mal müsse use 😔

Kommentare

  • Hi Liebs

    Das dönd ganz nach mim Schwigermami.
    Si isch hie seid well helfe, lad sich aber als Gast bediene. Wenn mir zeme use wönd gat si is Bad um sich frisch zmache u ner wartet si ufem Sofa bis ich mich u di chli fertig han. 🙄Mir hend denn eifach beschlosse i Zuekunft schlaft si nüme bi üs, sondern nimmt neume es B&B (mir teile dKöste). U wenn mir en Usflug denn wönd mache, treffemer üs underwegs.
    De Gedanke dass si üs eventuell hilft hani scho lang begrabe.
    Si will di Chlini nur go umezeige, u wenn si de i ihrem Stammsupermarkt grad grennet will si müed isch, nervt si sich u ischre peinlich. Si het mi mit d Chline sogar schomau zum Lade usegschickt.
    Du gsehsch.
    Bisch nid allei.
    Grenze setze, bitzwiit akzeptiere u kei falschi Hoffnige me mache.
  • Liebi @MamaWurmDanke für dini Wort! Es duet unglaublich guet z lese, dass mer nöd ellei sind mit so Gschichte. Ich find das sooo truurig 😢
  • Ja das isch scho truurig. Aber ich denke dass het au mitem Alter u mit d Generation zdue.
    Ich versuech ame eifach zluege dass die Täg eifach schön für di Chlini sind. So dass si sich a schöni Sache mitem Omi cha erinnere.
    U süsch hoffi eifach dass ich spöter nid au so wirde. Ich möcht als Grosi miner Tochter e Stützi si 🙏
  • Hallo MamaBird

    Leider hani nur es riiiese wysses Fäud bi dim 1. Biitrag und nach MamaWurms Iihtrag nimmts mi no viu meh wunger wasd hesch gschriebe... Ha ou chli spezieli mamis. Chaschmer evt. E privatnachricht schicke mit dim text?

    Lg
  • @MaryF ha der e pn gmacht
  • Hallo nochmals,
    Merci für die pn, konnte es so lesen! Es tut mir aufrichtig leid, dass ihr in dieser Situation seit. Da kann ich nicht direkt mitreden, da ich meine Mutter wie Schwiegermutter nie über Nacht hier habe/hätte. Sie wohnen zu nah. Meine Mutter jedoch lässt sich auch bedienen. Unglaublich, aber sie wartet bis ich gestillt habe und würde sich nicht selber einen Tee oder Kaffee machen. Ich habe ihr auch schon ein Glas Wasser gebracht und hatte meinen Sohn an der Brust zur gleichen Zeit. Sogar Freunde von mir bedienen sich wie zu Hause aber nicht meine Mutter. Übrigens lässt sich mit ihr auch schlecht diskutieren und sie läuft lieber davon. War schon so als ich noch ein Kind war...
    Schade...
    Ich wünsche eich sehr, dass ihr eine Lösung findet für den nächsten Besuch.....

  • :/ jahh ich glaube Schwiegermamis sind sehr speziell....
    Also ich kenn genau s gegeteil....mini bald-schwiegermuetter...die isch eifach eis z viel für mi...immer wenn sie da isch tuet sie so als obs ihri chind sind und redet am liebste devo was für tolli chind das es doch sind - ABER! nöd wege de eltere, sondern wege ihre (sie isch ja so e tolls grossi und mami)...sie riiisst mer au d chind us de arme...sobald ich nöd aneluege --> cha ned mal in rueh stille...sie muess die ganz ziit nebetdra sitze und sobald s chind sich löst vode brust nimmt sie s gad sofort zu sich^^...isch mega müehsam...und wend mit ihre redisch (au wenns mega nett seisch), denn druckt sie uf d tränedrüse und chunnt demit das sie bald stirbt(wel sie jah so alt isch (55gi)) und das üsi chind üs hasse werdet wenn mer d grossmuetter ned mache lönd...
  • @Pinny oh gott das chunt mer bekannt vor also zb das mit em Stille😂 het sie eifach ihri finger zwüsches bruscht und babytaa und ihn wegzoge.. ha eppe 100 mal xseit lah en in rueh esse.. und am abig den eifach mitm maa mega lang diskutiert.. er isch zum glück mega direkt zu ihre und seits den amel, ned das ich mue afange strite mit ihre.. aber sit de chli da isch ganz ehrlich wers mer scheissegal. jetzt gahtz um min sohn und wens mer ned passt den segis ere..
  • Ui das isch ja krass! So Öppis würdi mir nie gefalle lah. Isch Ja übergriffig!
  • Mir macht das angscht😳😳 han echt geniali eltere und schwiegereltere. Ischs bi oii vo ahfang ah chli es komischs verhältnis gsi oder erscht sit kinde da sind?

    Ich glaub i wür so suuuur werde und wider heigah oder eifach skind neh und usegah. Mumer sich echt soooooo viel gfalle lah? Isch ja glich na oiie körper und oiies kind😳
  • ALOHA schrieb: »
    Mir macht das angscht😳😳 han echt geniali eltere und schwiegereltere. Ischs bi oii vo ahfang ah chli es komischs verhältnis gsi oder erscht sit kinde da sind?

    Ich glaub i wür so suuuur werde und wider heigah oder eifach skind neh und usegah. Mumer sich echt soooooo viel gfalle lah? Isch ja glich na oiie körper und oiies kind😳

    Ich han sie eigentlich gern🤭 aber sie nervt mich eifach sit de chli da isch well sie immer wot ihre grind duresetzte... er brucht das er brucht das.. und alles so komisches züg.. zb. wen ihr ihn jede tag würed bade schlaft er besser.. ihr dusched ja au täglich🤦🏼‍♀️ schön verglichsch es baby mit emene erwachsene.. Mini schwigi familie sind serbe.. und die hend hald au chli anderi mentalität und sie probieret das alte vo dune ez be mim chline zbringe... und mir löscht das ab!!! zb. das ich ihm mit 4wuche scho verwöhne und ich ez selberschuld bi das er nur ruhig isch wen ich ihn trege well ich ihm das jetzt agwöhnt han😂🤦🏼‍♀️🤦🏼‍♀️🤦🏼‍♀️ aiii es macht mi nu scho agressiv weni das schribe mue 😂😂😂 oder wen ich dene xseit ha wäsche eui händ bevor er de chli alanget.. bini jetzt hypoallergen für die😂😂
  • ALOHA schrieb: »
    Mir macht das angscht😳😳 han echt geniali eltere und schwiegereltere. Ischs bi oii vo ahfang ah chli es komischs verhältnis gsi oder erscht sit kinde da sind?

    Ich glaub i wür so suuuur werde und wider heigah oder eifach skind neh und usegah. Mumer sich echt soooooo viel gfalle lah? Isch ja glich na oiie körper und oiies kind😳

    Mir hends enard au guet...sie isch scho immer chli ufdringlich gsi...also het vorher amel scho wele mis mami ersetzte (guet ich ha e schwierigi kindheit gha...und ned viel liebi erfahre, sondern viel hass und gwalt)...trotzdem het sie nie wele akzeptiere dasi keis ersatzmami bruche...sondern dasi mini problem löse sött und s vergangene vergesse^âber seb isch amel no gange...wel s isch ja au guet gmeint gsi...

    aber siiit die chliine da sind...isch sie eifach eis z viel...gspühr richtig das sie niedisch isch dasi 2 chind ha und mini chind mich liebet (min Partner ish es einzelkind...zume 2. ischs nie cho und sie findet das sie bi ihm vieles besser het chönne mache..drum het sie unbedingt no es 2. kind wele)...sie het sogar extra es huus kauft (gad direkt nebet ihre) - was ich vehemment abglehnt ha...wel sie wet sus scho 24/7 bi üs siii und jahh immer wenn sie da isch, denn fühlet ich und min Partner eus als ob mir eifach d Leiheltere vo dene chind sind, wel sie selber kei kind meh usträge cha^^
  • @ALOHA muesch kei angst ha.. i fend wechtig isch das me vo afang ah seit was DIR UND DIM CHIND passt und was net..
    Es isch leider so, sobald du chind hesch mische sich aui dri..

    Mini schwigi het nach 2 täg welle hüete etc.. i ha ihre klar gseit dasi da net wet und bruche! Si het ou täglich welle verbi cho und mer hend ihre gseit mer wend etzt eusi zyt z3te gniesse.. es goht soooo schnell und die erste mönet bruchet babies nur dliebi vode eltere.. und i fende dkennelehr und kuschelzyt so wechtig..

    I wehr mi und säge sofort wenn mer öpis net passt.. si het mer mini chli nur 1 us de händ grisse..!!
  • Danke oii fürs feedback

    Bin ja mega gspannt😅 schwiegereltere wohnet zfuess 5min vo ois weg. Und isch s‘erschte enkelkind😵😬😬😬😬. Mini eltere sind extrem locker - isch au s‘4 enkelkind😍 bin ja gspannt.

    Aso chani mi mal uf öbis gfasst mache, wili ambulant gebäre wet. Am 1. tag scho volls programm😳
  • 💞Mommy💞 schrieb: »
    @ALOHA muesch kei angst ha.. i fend wechtig isch das me vo afang ah seit was DIR UND DIM CHIND passt und was net..
    Es isch leider so, sobald du chind hesch mische sich aui dri..

    Mini schwigi het nach 2 täg welle hüete etc.. i ha ihre klar gseit dasi da net wet und bruche! Si het ou täglich welle verbi cho und mer hend ihre gseit mer wend etzt eusi zyt z3te gniesse.. es goht soooo schnell und die erste mönet bruchet babies nur dliebi vode eltere.. und i fende dkennelehr und kuschelzyt so wechtig..

    I wehr mi und säge sofort wenn mer öpis net passt.. si het mer mini chli nur 1 us de händ grisse..!!

    😱hoff das klappet bi mir denn au, dasi mi getrau so sache z säge. Bi mine eltere ja, aber de schwiegereltere öppis z säge isch sicher schwer...de staht mer ja denn als hex da🤔hoffe min partner übernimmt das denn för mech😬

    Ich ghör ez die ganz zit scho vom schwiegervater:
    -ohh abem april beni fulltime babysitter
    -ehr chönd denn id ferie ech luege de of ehn
    - met mine chind hani so wenig zit gha, ez chani das alles nochehole

    Ich hock de ame nome so dete und frag mich, eb er meint dases sis chind wird🤪und eb er ernsthaft s gfühl het, dasi im april vom spital zrug chume und ehm s chind wett abgeh?🥵ah und er seit eze scho immer dasi für de kochherd en abdeckig muess ha...🙄😅warschiendli meint er euses chind cha scho laufe wenns uf d wält chunnt und isch 1 meter gross😂

    Aber isch schön z läse, dases au anderne so gaht😬

  • jara schrieb: »
    😱hoff das klappet bi mir denn au, dasi mi getrau so sache z säge. Bi mine eltere ja, aber de schwiegereltere öppis z säge isch sicher schwer...de staht mer ja denn als hex da🤔

    Gnau das hani mir au überleit😅 mini eltere würis soooofort sege. Aber sine? Ich ha etz scho ame sgfühl dass denket bi eh hex😂😂 wils mengisch sehr komischi überlegige machet. Min mah wird aber nix sege glaubi😬 bin gspannt😅
  • @ALOHA

    Mini ,,Schwiegereltere“ sind mich ame mehrmals ide Wuche unagmäldet dihei cho bsueche (homeoffice) ha mich ame so ufgregt, will ich ja 8 stund am worke bin, nöd am umehänge.

    Denn hani bim partner chli gmötzlet & schwupps... sie sind nümme eifach so cho well er ehne gseit het, dases ned gaht🎉👍🏻😂

    Aber eigentli würdi so sache scho gärn sälber chöne säge, vellech gaht das ja besser wenn mer mami isch😬 und susch müend eifach eusi manne dra glaube🤪
  • @jara uii😅 zviel.
    Jaa ich bin au gspannt - vilicht ischs ja ganz anders und sii sind super😍👌🏻
  • @ALOHA hoffe mer s beste👍🏻😊wenn ischs bi dir so wit? Au s erste baby?
  • @jara genau😍 zum glück chamer dhuustüüre bschlüsse😬Endi auguscht / ahfangs september erscht😍 und jep - erschte baby😍 bi oii?
  • @ALOHA mer wohne leide parterre😂somit gsänds ebi dehei bi oder ned, au weni ned würd ufmache😬

    Oh jö, de hesch jo no chli zit🥰😍 bi eus ischs au s 1. und scho i 3 wuche öppe sowit😅
  • mir händ d‘lüüti abgstellt und wänn gfragt worde isch wieso mir nöd ufgmacht händ gseit mir heged ziit als familie welle. ich ha vo minre schwimu ganz am ahfang mehrmals unakündigt bsuech becho. ha dänn mim maa gseit: hüt isch dis mami wieder cho und ich ha mi so gschämt. bi vollkotzt gsi, verstrublet und no im pischi ohni bh... dä hät min maa grad gseit: das gaht nöd ich red mit ihre. nacher hät sie sich immer ahgmulde. mittlerwiilä wohni mit minre schwimu zämä under eim dach und sie gseht mi täglich verstrublet und im pischi ohni bh😂😂
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum