SWISSMOM-PARTY 🤩

wtpooh · 4. 04. 2019, 12:21

Bärlauch Spätzle: muss mal testen ob das unser kleiner auch isst. Bei grün ist er immer sehr heikel 😂

wtpooh · 4. 04. 2019, 12:23

Anderes Thema: benötigt jemand zufälligerweise aptamil pre Pulver? Haben noch zwei volle (versiegelte) Packungen mit Ablaufdatum September 2019. Dachte an CHF 10 pro Packung.

kläffchen · 4. 04. 2019, 12:27

@ALOHA ah, ich habe noch gar nie versucht einfach durchlaufen zu lassen. Dann schalte ich auch mal ein bisschen runter, hatte es so auf Stufe 8 von 9. nimmst du die Spätzli nicht raus, wenn sie oben schwimmen?

@wtpooh ich erzähle, dass das Turtles Spätzli sind. Mein Sohn liebt sie und isst kein Gemüse freiwillig

mamiluusbueb · 4. 04. 2019, 13:11

@wtpooh ich habe dir eine pn gesendet.

ALOHA · 4. 04. 2019, 14:11

@kläffchen nee ich nims ned use. Lah die ganz ladig drin bis letschte dure isch. Den nimi de spätzler weg und güsse ab👌🏻

Nissie · 4. 04. 2019, 15:00

👋🏼 Hello zämme, ha mich do jetzt au mol ahgmolde. LocalFamily/SM isch recht langwillig worde... Warum muss mer do in eigentlich sowit abescrolle 🙈 mingia 🙊😅

schildchrötlimel · 4. 04. 2019, 15:35

Wie würdet ir reagiere?:

Ha nächscht Wuche plante KS. Mini Muetter am Telefon: sie chiemi de ersch 4 Tag später is Spitau; sie mögi nachem schaffe nid no 1h autofahre... u i heigi ja sicher gnueg Bsuech

schildchrötlimel · 4. 04. 2019, 15:36

Ah u de het sie no gmeint: „bim 2te Chind muess me ja nid aues lah gheie u sofort is Spitau cho“

nanu14 · 4. 04. 2019, 15:42

schildchrötlimel schrieb: »

Ah u de het sie no gmeint: „bim 2te Chind muess me ja nid aues lah gheie u sofort is Spitau cho“

Ich wär no so froh würd das bi eus öber sege🙊🙊🙊

mrspfeffer · 4. 04. 2019, 16:01

@schildchrötlimel oh wow nei das gaht gar ned. Wäri mega enttüscht, es isch ned irgendöper sondern d Muetter.

Sunshinemom · 4. 04. 2019, 16:44

@schildchrötlimel ig hätt das sogar bim erschte Chind ok gfunde, si het ja när no aui Zyt vor Wäut zum ds Baby z gseh.

jara · 4. 04. 2019, 17:30

@schildchrötlimel ich wär glaub mega enttüscht, aber ha au es mega verhältnis zu mim mami. Falls das bi dir au so isch, würdis ihre direkt säge. Sie meints jo sicher ned bös und cha sich vellech schlächt i dini situation versetze😰

Gra💙 · 4. 04. 2019, 17:31

schildchrötlimel schrieb: »

Telefon

I gloube sie chunnt sicher scho vorhär, wüu sie wett das Schätzi gseh🥰Isch sicher nid bös gmeint-ig würds aber aaspräche wenns di mag😊

Gra💙 · 4. 04. 2019, 17:32

schildchrötlimel schrieb: »

Ha nächscht Wuche plante KS. Mini Muetter am Telefon: sie chiemi de ersch 4 Tag später is Spitau; sie mögi nachem schaffe nid no 1h autofahre... u i heigi ja sicher gnueg Bsuech

Sorry isch zu däm gmeint gsi

•Elefäntli• · 4. 04. 2019, 22:01

@schildchrötlimel Ich het am liebste gar kei Bsuech wele im Spitol und het das ganz easy ahglueget. 😅

fuchs · 5. 04. 2019, 06:02

Ich au. Ich han nur de nötigsti bsuech empfange 🙈 am beste wäri gsi nur min maa. So hätti chlne schlafe wenn sbebe gschlafe het und ned müesse wach bliibe wege bsuech 😂

schildchrötlimel · 5. 04. 2019, 08:23

Danke für eui Feedbacks. I wirde au nid gärn vo Bsuech überrennt, abr di eiget Muetter isch glich irgendwie öpis anders.... mais bon, ihres 37jähriges „Desinteresse“ a mir zieht sich witer 🤷‍♀️

Banana · 5. 04. 2019, 11:39

Hallo Ladys
Wie habt ihr eure Eigentums Wohnung/Haus finanziert?

schildchrötlimel · 5. 04. 2019, 11:40

Muesch ja 20% Eigekapital mitbringe. Mir hei denn 10% Cash u 10% us de PK gnoh

Chil · 5. 04. 2019, 11:43

@schildchrötlimel uu das tuet mir uuu leid für dich! Finde ihri ussag so au mega verletzend und grad wänns um d geburt gaht findi isch s eiget mami doch meha wichtig. Verstah dich voll wär au uu trurig. Fühl di umarmt und alles gueti für dini Geburt 😘

ALOHA · 5. 04. 2019, 11:51

@Banana mir hend eifach 20% eigekapital vo oisem geld gna und de rescht hypothek.

Avenira · 5. 04. 2019, 12:21

@Banana Mir hend 1/3 Eigekapital PK und 2/3 Hypothek. Hend aber au en grössere Bau finanziert und deswege chli meh Eigekapital brucht.

schildchrötlimel · 5. 04. 2019, 12:41

Merci @Chil 😘

kläffchen · 5. 04. 2019, 12:52

@banana: wir würden wohl etwa 25-30% Cash zahlen, falls wir ein Objekt finden.

Amortisiert denn der Rest von euch? Wenn wir eine Wohnung finden würden, hätten wir eigentlich genug flüssige Mittel um 33% zu zahlen. Macht das dann Sinn?

susu · 5. 04. 2019, 14:01

@kläffchen macht sinn meh z zahle wenn e tüfere hypo-zins wotsch zahle, vorallem be 33% deckig machts de vöu us. Amortisiere wördi indiräkt, heisst die 3säule bir bank mache, somit muesh ke 3ti hypo mache😉

kläffchen · 5. 04. 2019, 14:42

@susu beim Gespräch mit der Bank konnten sie die 2. Hypothek eigentlich zum gleichen Zinssatz anbieten wie die 1.

susu · 5. 04. 2019, 15:07

@kläffchen das hoffe ich doch.

Elie · 5. 04. 2019, 17:51

@Banana mir hei o chli meh als 20% Eigekapital inegä u de d Hypothekt. Üsi Pensionskassene hei mir nid wöue alänge (u het zum Glück glängt). Und de tüe mir indirekt amortisiere über üsi 3a-Versicherig.

Mangoo · 5. 04. 2019, 19:31

‼️NACHMIETER GESUCHT‼️

Ab Mai wäre in Bassersdorf eine schöne 4.5Zi Wohnung im obersten Stock zu haben..!

Bei Interesse schicke ich gerne Fotos

schildchrötlimel · 5. 04. 2019, 19:55

😳 auso i mag jedem Riichtum gönne; i ha äuä öpis fausch gmacht im Läbe 🙈 - wenn me e durchschnittliche Immo-Priis vo 1 Mio nimmt, u de chasch 30% Cash inebuttere, de bisch ja Dagobert 😳😕😂 (oder nid???)

ALOHA · 5. 04. 2019, 19:59

@schildchrötlimel 😂 bi ois isch das immer sziel gsi und für das gspart. Hend sogar es jahr spöter na de konpletti underi stock chöne umboue für knapp 95000.-
Aber ebe mir hend ned 30% sondern 20%

fuchs · 5. 04. 2019, 20:05

Mer müend ws dütsche damit mer eus eigetum leiste chöne. Weiss au ned wieni knapp 200000.- söll zämme becho

•Elefäntli• · 5. 04. 2019, 20:14

@schildchrötlimel i denk glich wie du 😂😂😂

sabi81 · 5. 04. 2019, 20:16

@schildchrötlimel 😂😂😂 💸💵💰 ja das liebe geld! Aber es choufe ou nid aui liegeschafte für 1 kiste.. git ou günstigers😅

schildchrötlimel · 5. 04. 2019, 20:24

@sabi81 ja aber bi EFH liit de Medianwert (ir CH) scho um di 1 mio 🙈😬🤪 - muess äuä widr chli Lotto spile 😂

Chil · 5. 04. 2019, 20:59

Hallo ihr lieben könnt ihr mir helfen... mit wieviel muss ich rechnen für Haare schneiden und balayage???? 😱🤪😅

mrspfeffer · 5. 04. 2019, 21:11

@Chil chunt druf ah wo du hi gasch. Ich zahle für Balayage inkl. Schniide (Spitze) & Style ca. 300-350.-

Chil · 5. 04. 2019, 21:13

@mrspfeffer danke dir! Wo gasch hi wet in züri zum Ghel... dä isch rächt tür 😅🤪

Joelle · 5. 04. 2019, 21:14

@Chil ich ha ca 240 zahlt gha

mrspfeffer · 5. 04. 2019, 21:16

@Chil ok ja mine isch ide gliche Priisklass. Ich ga zu Shy & Flo😄

Chil · 5. 04. 2019, 21:17

@Joelle 🤗 danke wi bisch du gsi wet nöd es vermögä usgeh... aber ha au kei ahnig mit wieviel ich muss rächne 🤦🏻‍♀️

Joelle · 5. 04. 2019, 21:21

@Chil Bim marco sartori kloten (bei mejra)

vorher und nacher

Chil · 5. 04. 2019, 21:26

@Joelle danke vilmal lueg mir das mal a... 🤣ich han fascht schwarzi haar, aber villicht chönds das ja au! 🤗😘🙋🏻‍♀️

Joelle · 5. 04. 2019, 21:32

@Chil ja wend insta hesch musch mal go luege het sehr vil vorher nacher bilder:) und all fotis sind ohni filter;)

mrspfeffer · 5. 04. 2019, 21:35

@Chil ich ha vo dunkelbruun uf hell gmacht und ha sie aschig welle, aber i einere sitzig (4h) hemers ned gschafft. Luegsch eifach das sie dich guet beratet und hoffentlich realistisch sind was möglich isch. Will ned jedes Haar nimmt dFarb glich guet uf. Mir hend 4 tönige nach de mechès na müesse druf tue bi mir das es ned orange gsi isch.

kläffchen · 5. 04. 2019, 22:50

Cool, ich gehe morgen zum Coiffeur und weiss noch nicht was machen. Meistens hat meine Coiffeuse eine Idee und ich folge dieser dann 😂

@schildchrötlimel wir haben beide gute Einkommen und bereits einen Teil der Erbschaft bekommen.

Chil · 5. 04. 2019, 23:14

@mrspfeffer ui du machsch mir muet, überlegs mir villicht doch nomal 😱 genau das orange isch mini angscht 😓

Elie · 6. 04. 2019, 02:09

@schildchrötlimel mir hei e eigetumswohnig mit terrasse u garte (gartegschoss). ds isch natürlech prislech e ungerschied zumne huus. und mir hei 4.5 zimmer u nid 6 zimmer wie anderi;) usserdem halt eifach guet gspart (bevor d chind cho si - mit 2 teilzytpensen cha mä nümm so spare wie vorher). mir hei ke geld vo de eltere becho - süsch hätts de villech o fürnes huus glängt (was mir aber beid nid hei wöue us verschiedene gründ)....
ah ja: u mir wohne nid in züri sondern bärn - da si d immobiliepriise o no chli agmässener

mrspfeffer · 6. 04. 2019, 06:42

@Chil ja sie hett mich u guet berate und hett mer vo afang ah gseit das es ned i einere sitzig gaht das es aschig wird. 😊

Tara · 6. 04. 2019, 06:50

Hey liabi mamis.....händ iar wo niar heim sind geld fürd krankaschweschtara geh? Wenn ja wiäviel?

SWISSMOM-PARTY 🤩

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: