Was bruchi für oise chli Wurm umbedingt? 📝

ALOHA · 14. 04. 2019, 10:47

Neeeext🤗🤗🤗

Vilicht chönder ois ja helfe😍Was hender nach de Geburt vo oiiem chline Wunder superguet gfunde? Evt wo au dLüüt oiis schenke chönted😅 mir gönd d‘Idee us🥰

Z.b fragi mi obmer eh Babybadwanne bruchet? Oder mit ois bädele oder dusche?🤷🏼‍♀️ die brucht ja abartig platz😅Oder es babyphone? Nötig oder unnötig?
Wie machis mit de nuggis? Mal en mam kaufe und luege obers nimmt? Oder 3-4 sorte poschte🤷🏼‍♀️ sgliche mitm shoppe?
Mumer scho pulver vorher ha, falls mitem stille ned klappe wür?

Sorry für mini tuusige frage😬😬

Graaaaaziaaas😍

MiaWia12345 · 14. 04. 2019, 10:56

Also badwanne find ich super,vo stokke chasch zemeklappe aber dä newoborn isatz isch unnötig😊babyphone find ich super mit kamera,aber das eilt nöd und dä rescht au nöd😊

Pinny · 14. 04. 2019, 11:03

Also mir hend e Babywanne gha 💁‍♀️isch aber unnötig gsi...wel mini müüs die ghasst hend...sie hend meistens mit mim maa badet und ich han gwartet und sie denn in empfang gnoh zum tröchne und ihhöle...

S babyphone hemer sehr nützlich gfunde (mer benutzeds immer no)...üsi het au e kamera...und da chasch halt wend gsehsch dases nur ufgschreckt isch im schloof musik ihhstelle und denn schloofts wiiter...

Nuggis isch schwierig - ich ha soviel nuggis gschenkt becho...denn hets im babykoffer auno nuggis gha^^ und mini hend kein einzige gnoh^^

Also s pulver findi nö gäbig wend das hesch...vorallem wend en milchstau hesch 😅denn chasch immerhin s pulver geh...und machsch dir selber weniger vorwürf..das dis kind verhungeret wel du ezz milchstau hesch (da sött me sich ja entspanne 🤦‍♀️was schwierig isch wenn s kind hunger het und s chunnt nüüt)

Stillküssi findi no praktisch (wend ned scho eis hesch)...

s tuech zum Puken...und schlofsäckli (ide nacht schloofets dure und denn tuenis is schlofsäckli)

Sunneschirmli (für de kinderwage hend mer no gfehlt gha)....

sunnecreme (mer sind nocher mit ihne uf italie)...

babywippe (isch de retter gsi für üs - so hets nemli mittagsschloof gmacht)...

Brei- und Fläschewärmer (zum tüüfgfroreni Abpumpti Milch uuftaue)...

Jahh das wör glaub so alles was ich für mini zwilling unbedingt brucht ha und au recht gholfe het 😁hend enard nie gross brüllet

schaai · 14. 04. 2019, 11:05

aso sbaby isch zwor nonig do aber mir hend kei wanne zue tue resp. chönted sie uslehne im umfeld..mir tünds wenn dhebamme do isch im brünneli bädele und ohni hebamme mit üs ide badwanne..min brüeder het dwanne nur weg de hebamme sm afang ka nochr ischer mit fm klinne selber id badwanne..
und aloha ich würd nöd zviel kaufe will me ide regle sehr viel vum umfeld derf uslehne..aber ich han de nestbau trieb au stark ka v.a. bi de kleidli det will ich halt au schöni sache..und vieles womer denn gschenkt überchunt waissi ez scho dass das wieder weg chunt..wells z.b. alles pink isch usw..

kläffchen · 14. 04. 2019, 11:10

Babybadewanne fand ich sehr nützlich! Und die Kleine hat es auch geliebt. TrippTrapp mit Newbornaufsatz war auch super, so waren die Kids immer mit dabei am Tisch.

Super fand ich auch das Lagerungskissen für die Kleinen, das hat ihnen super geholfen. Pucktuch kam auch gut an (man kann auch einfach ein grosses Noschi nehmen). Ja und noch viele Noschis, da die Kleine eher ein wenig gekötzelt hat.

Ich hatte von Anfang an 2 MAM Nuggi und die auch ins Spital mitgenommen. Eine kleine Packung Milchpulver habe ich auch gleich zuhause parat gehabt.

schaai · 14. 04. 2019, 11:32

@kläffchen hesch du scho ide erste täg de nuggi ge? ha immer denkt me möss chli warte weg de stillverwirrig..dass sie sich zersch ad brust gwöhnet..

sArA91 · 14. 04. 2019, 11:36

badwanne vo stokke isch top chasch zämeklappe 👍🏻

Nuggi hani eifach die Müsterli gha vom Babykoffer...im Spital chunt meh au über 🙂
Pulver häsch im Notfall schnell kauft 🤷🏻‍♀️

Ich finde eh wippi und de new born ufsatz vom tripptrapp noh toll minj Chind händ immer bi üs welle si bim esse 🙂

kläffchen · 14. 04. 2019, 11:45

@Adriana ja, ich habe den Nuggi von Anfang an gegeben. Ich denke das macht jedes Spital ganz individuell...

sArA91 · 14. 04. 2019, 11:47

mir händs mis baby mit nuggi wieder geh 😄🤣

Juli2018 · 14. 04. 2019, 12:10

Babybadwanne händ mir jedi Wuuche 1-2mal brucht👍 Super isch die zum zämeklappe. Babyphone hät min Maa unbedingt eis welle und würds jetz au nöme hergäh🤣 isch au super wän mer dChind uswärts mal noimets is Bett dörf tue. Händ eis ohni Kamera😊 evt. chasch Nuggi au vo öpertem "uslehne" zum luege welle das bevorzugt wird. Die chan mer ja guet uskochen. Shoppen Pulver bini erst go postne wonis brucht han. Hützugtags chan mer ja fascht jede Tag go🙈 Shoppen selber hani dä Avent scho vorher postnet gha.
Wasi no äh gueti Gschänksidee finde, sind mitwachsendi Badewindle. Mir händ sonigi vo 0-4 Jahr becho, die sind super👍

ALOHA · 14. 04. 2019, 14:56

Spannend - isch doch extrem unterschiedlich wasmer brucht u was ned.
En baby stokke ufsatz hemer scho😍 das findi sehr wichtig dass sbaby bi ois am tisch sii derf.

Danke oii. Bi gspannt uf wiiteri feedbacks😍

twilly · 14. 04. 2019, 15:30

Will Gschmäcker so verschiede sind bzw ich Sache wie Kleidli und Irichtig am Liebschte sälber usliese, hani Gschänkguetschin super gfunde. Vomene schöne Kinderkleiderlade oder Kinderzuebehörlade oder au zB H&M. Grosseltere händ de TrippTrapp und Bett gsponseret.

Was au praktisch isch, es Kirschkern- oder Trubekernküsseli zB bi Buchchrämpfli.

Sehr schön und au nach fascht 3 Jahr no im Isatz sind grossi „Swaddles“/Nuschis vo Aden+Anais😍 Cha mer für alles Mögliche bruche, au zum Abtröchne nachem Bade.

Es schöns Schlofsäckli zB de Ganzjahresschlofsack PrimaKlima vo Odenwälder.

Das wärs för de Momänt☺️

Sabel89 · 14. 04. 2019, 19:09

Mir hend Babybadwanne vode Ikea diä isch mega günstig und langed hend mir etz gfunde. De Trip Trap mitem Newbornufsatz findet mir mega super. DWippe (Babybjörn) bruchi uh viel wenni gang go dusche oder in Cheller oder so ( Wöschchuchi) denn cha sie umeluege und hät de Friede.

Chrabbeldecki miteme Activitycenter liebt üsi chli au. Oder es Musigmobilet fürs Babybett.

Milchpulver und Schoppe hend mir denkt bruchemer nöd wili chli naiv gsi bi und denkt ha i still jo. Het denn nöd ganz klapped und wilmer a wiehnachte hend dörfe hei hät min Ma denn no alles irgendwie müsse uftriebe inklusiv Milchpumpi🙈 nuggi nimmt sie avent (bim schoppeset debi gsi). Trage vo Ergobaby bruched mir etz no viel. Stubewage hend mir übercho aber nu am Afang viel brucht. Puckschlofsack vo ergobaby isch au top gsi.

Avenira · 14. 04. 2019, 19:15

Aso da gönd Meinige wie bi vielne Sache usenand. 😂 Ich find Babybadewanne super. Ich gange lieber elei go Bade. Den wott ich entspanne und miis Badewasser isch zwarm fürs Baby. 🤷‍♀️😅
Ich han immer Schlafsäck vo Prima Klima brucht fürs Baby. Die findi no guet.
Pukke hend mini beide doof gfunde.
Nuggi... hmm han mal MAM und Avent (die Bärlinuggies) kauft will das so die zwei sind wo am meiste gno werded. Je nach Spital sind Nuggies ned gern gseh.

munggi87 · 14. 04. 2019, 19:31

Aso unbedingt bruch es chlises wingle , chleider, u e schlofplatz aus angere isch optional 😂😊Würd gar ned z viu poste!! Viu merksch de scho was würkli brucht u isch schnäu vorhande/bsorgt

Avenira · 14. 04. 2019, 19:34

Aja Babyphone findi super. Chunt aber denki chlii druf a wie dasmer wohnt. (Huus Wohnig Garte ect.) Gad wend mal in Garte usewodsch wens schlafed. Bettschlange, Biistellbett... aja ich han für im Notfall es fertig Milch Fläschli (aso kei Pulver) dihei. Eifach für de Notfall. Git nur 1-2 Portiene. Aber hesch den Ziit zum öpis organisiere.
Multi Mam kompresse für dini Brustwarze. 😅 Quark für Brüst... 🤗 Stillschaal hani no gern. Stillchüssi...

LoSo · 14. 04. 2019, 20:35

e geeigneti Tragi/Tragtuech 👌🏼👌🏼

MiaWia12345 · 14. 04. 2019, 20:50

Jo genau trage/tuech isch eusi rettig gsi👍

vico · 14. 04. 2019, 22:29

Babywanne vo stokke wo faltbar isch isch super! Han üsi chli fasch täglich mehrmols schnäll müesse bade, wills gagi de rugge deruf isch 🙈. De newborn isatz heimer kauft und nie brucht 👎. De newborn für ufs triptrap 👌. Ohni Pucksack wäre mer verlohre gsi, würdi aber glaub ersch boschte wenn ne würkli bruchsch. Nuggis vo mam hani au derbi gha im spital. Pulver chasch schnäll go boschte settischs bruche. Do luegsch äue eh zersch mit ere stibe wenns mid sett klappe. Lagerigs chüssi fürs baby 👍 e chiggo babysitter hei mir au no gha zum abwächsle mit em newborn 👍. Bi 4my Baby lifere sie am tag druf 😉. Han sehr viel so bstellt woni gseh ha wasi würkli no cha bruche.

vico · 14. 04. 2019, 22:30

Sorry für die schribfähler 🤦‍♀️🙈

Jenny · 15. 04. 2019, 03:17

Mir bruched vorallem: en stubewage, e babybadwanne, babyphone - vorallem für am tag, chinderwage, babytragi-eher nacher go poste, schoppepulver staht eifach dihei fürs guete gfühl, nuggi würdi mal es zweier pack mam chaufe und luege ob sies nimmt🤗, zink salbi - fürs fudi und es i creme öl ( oder was du wetsch) und windle🙂

Minifee · 15. 04. 2019, 06:05

also bi nuggi ischs halt so e sach😅🙈 durda i chli vom Fach chume chani dir vo CURAPROX de Nuggi empfehle für Gaume entwicklig und spöter au fehlstellig vo de Zähn zverhindre! Eis muesch wüsse die Nuggi sind sehr teuer aber jede rappe wert!! I han all nuggi probiert und schlussendlich bi de MUM und CURAPROX glande und wird nur no CURAPROX benütze. I han 4 Stuck und es langt forig🤭🙈ein im Auto ein im Kiwa und zwe dihai. Für id Kita hani en Mum wel wennern verlürt selavi chostet nid ali welt☺️

schaai · 15. 04. 2019, 06:24

@Minifee ui jo die sind no tüür..vu welem fach chunsch denn?

Minifee · 15. 04. 2019, 06:27

bin Zahntechnikerin ☺️😬

schaai · 15. 04. 2019, 06:29

und was isch denn de unterschied vum curaprox zum mam?

Minifee · 15. 04. 2019, 06:35

jo also MUM gits jo a verschiedni und dert empfehli a die mit de schmale Suger damit wenn zähnli de chemed a platz hend. Bi de Curas die hend e Membrane wo stillecht set sie und somit sbaby chli brustnah isch a mit em Nuggi. chani nid beurteile ha nöd stille chöne🤷🏻‍♀️ Den de Suger isch ganz schmal und nur im Gaume bitz gwölbt weg de Gaume entwicklig. Es git bi jedem Nuggi pro und Contra nur han i müesse sege mir isch es Geld wert wel das was noher chunt mit de Fehlstehlig chost einiges meh😅🙈 Und wie gseit de hesch halt 2 oder jo 4 nuggis und nid 10/20 was au immer☺️

Minifee · 15. 04. 2019, 06:36

das sind die zwe🤷🏻‍♀️

Minifee · 15. 04. 2019, 06:37

das wer no de bissring vo Cura🤭

schaai · 15. 04. 2019, 06:49

ah krass jo do gseht me scho en unterschied..jo denn losich mol uf dfachfrau..hesch scgo recht..i han bis idi 5 klass dümelet..und mini schuflä hend an spalt ka vu 0.5 mm..zahnspange ahoi..und bisserli findi scho huere wichtig..

Minifee · 15. 04. 2019, 07:26

jo schlussendli mues jede selber wüsse was sim baby guet tuet was nid☺️ de MUM wo ufem bild isch isch bereits de mit em dünne suger de ander isch jo no viel dicker

dert bi de zähnd🙂 es isch nur e empfehlig vo mir🙏🏻

Tanja87 · 15. 04. 2019, 07:49

Sonneblendi für is Auto isch au no so öbbis womer gern vergisst z poste😅🙈

schaai · 15. 04. 2019, 08:01

dankä @ Minifee

Pinny · 15. 04. 2019, 08:14

@Minifee uii da bini aber gad froh das mini kein nuggi nehmet...defür aber ihre mittel-und ringfinger...isch das schlimm für d zahhstellig?

Minifee · 15. 04. 2019, 08:43

schlimm was isch de schlimm😅🙈 mine nint au sini finger is muul aber ich unterdrücke jedi nuggele versüech vonem a de finger😬wenns de dume nemet jo das isch schlimm sobald den zähnd chemed wel de druckets es noch füre mit em
dume.

das sieht de so us im extrem fall🤷🏻‍♀️ also ich empfehls nöd de vorher en nuggi wie irgends en finger🙂

schaai · 15. 04. 2019, 08:50

das isch mini zahstellig vor de spange gsi

Minifee · 15. 04. 2019, 09:02

@ALOHA sorry do wird dis thema gad chli verunstaltet dur nuggis🤭😅🙈

ALOHA · 15. 04. 2019, 12:59

@Minifee keis problem. Finds mega spannend👌🏻 wird den demfall die nuggi wo du gseit hesch neh. Find zäh extrem wichtig👍🏻👍🏻 danke diir

ALOHA · 15. 04. 2019, 13:00

Tanja87 schrieb: »

Sonneblendi für is Auto isch au no so öbbis womer gern vergisst z poste😅🙈

Stimmmmt danke👌🏻 hani gad uf lischte na gna😅 au de spiegel isch glaub na guet👌🏻

LoSo · 15. 04. 2019, 13:32

Ich wür gar kei Nuggis nä 🤭🤷🏽‍♀️
Isch hald eifach Gfahr met de Suugverwirrig da.

s Laufgitter isch bei eusere 1. super xi. Anstatt immer am Bode 🙈

Avenira · 15. 04. 2019, 13:46

es git au vo MUM no die extra düüne Nuggies.

Minifee · 15. 04. 2019, 13:53

jo die meini au Avenira das isch Perfekt linie ☺️weg de Suugverweigerig drum Curaprox wel die bim suge nachegend wie bi de brust au weg de gummi Membrane

ALOHA · 15. 04. 2019, 14:17

LoSo schrieb: »

Ich wür gar kei Nuggis nä 🤭🤷🏽‍♀️
Isch hald eifach Gfahr met de Suugverwirrig da.

Oh doch😅 ich wär froh wens de nuggi neh wür😅😍 finds schrecklich wenn kinde de ganz ziit ade finger umenuggelet😅

ALOHA · 16. 04. 2019, 12:09

@Minifee wo kaufsch du dnuggis ame? Hesch priise chli vergliche oder bstellschs eifach irgendwo?
Danke diir

ALOHA · 16. 04. 2019, 12:13

🤨 chume ned drus. Weni bide fotis wiiterluege hb uf 4mybaby, hets zwei verschiedeni. De eint gseht ja voll strange us.

ALOHA · 16. 04. 2019, 12:14

de einti

ALOHA · 16. 04. 2019, 12:14

und de wo für mich meh sinn macht.

ALOHA · 16. 04. 2019, 12:23

da sinds bis jetzt (gad aktion) am günschtigste😬👍🏻

Minifee · 16. 04. 2019, 12:28

@ALOHA jo würs bi curaprox bstelle☺️ jo es git 3 grössene 0/1/2 und de verändret sich jewils de suger drum siend die so us😅 aber am ahfang bruchsch 0 got bis 6mt

ALOHA · 16. 04. 2019, 12:29

@Minifee ach sooo😂😂😂 ja etz ischsmer klar. Danke dir. Bstell demfall grad mal😅👍🏻

Minifee · 16. 04. 2019, 12:40

dä mit de „flügeli“ isch grössi 1 und 2 ☺️👍🏻 jetzt sinds würkli recht günstig👍🏻👍🏻 de bissring hani a vo dert isch a super

schaai · 16. 04. 2019, 14:51

cool! hani grad au bstellt 😊

Was bruchi für oise chli Wurm umbedingt? 📝

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: