Muss man immer ein Programm bieten?

Kommentare

• Pinny

  249

  19. 04. 2019, 08:16

  Nei ich finde nöd...ich bi au oft dihei mit ihne...sie spielet eifach mit mir und helfet mer bim huushalt...oder renned dusse umenand...guet mini sind au erst 17mönet alt...wie alt isch denn dies?
• vico

  1

  19. 04. 2019, 08:22

  Üsi chlii isch 2i worde. Ich tue sie au im hushalt ibinde und wenn mer dinne sind mit ihre spiele... Jetzt gö mer sicher no chli meh use als im winter (sie mer aber au gsi) aber sind de jetzt au viel bi üs ufem rase am balle tschutte oder jetzt bim hochbeetli oder mit strossechride mole...
• Caramel

  215

  

  19. 04. 2019, 08:30

  Finde eu äs brucht nit immer Programm, vor allem jetzt isch doch alles uberlufe. Dem müss ich nit eu nu i das getümmel, mache usflüg liäber mal wens ruhiger isch. Jetzt is doch eu schön ums Huus und Kind dörfit eu leere sich sälber beschäftige.
• Mirj

  184

  19. 04. 2019, 09:06

  mir sind viel dihei, händ en grosse garte und viel spielsache. mir gönd au viel go spaziere im wald wo grad vor de huustüür isch. ah under dä wuche gönd mir aber oft in kinderzoo nur für 1h, als abwächslig zum spaziere, händs saisonabo.
• vico

  1

  19. 04. 2019, 09:17

  Caramel 👍
• vico

  1

  19. 04. 2019, 09:19

  Mirj jo mol i tierpark gö mir sicher au. Wohne aber au ländlich und hend e Hof ir nöchi mit junge Geissli 😍... do simer scho mol beschäftigt 😂
• sArA91

  217

  19. 04. 2019, 09:29

  nei sicher nid 🙂 vorem Hus ufem spielplatz langt😄🤣
• ALOHA

  906

  19. 04. 2019, 10:04

  Das hani au ide krippe immer mine lüüt gseit. Wieso bruchts immer programm🤷🏼‍♀️ kinde chönd sich stunde im sandkaschte beschäftige oder wens regnet mit pfützene, regewürmer und schneggerenne😍 dnatur isch soöbis schöns. Ab in wald mit de kinde es füür go mache, bröötle und mit fründe spiele und schwätze😍 eh riiiese hütte baue und kinde würed am liebschte im wald schlafe😅
• Bawa

  237

  19. 04. 2019, 20:51

  Finds genau richtig nöd immer es Programm zha..es tönt vilicht blöd aber es kind muss au lerne mol sich längwiile 🤪 aso mir gönd au jede Tag verusse, am morge zerst Huushalt, da spielt er selber oder hilft mir...denn goz no verusse, eh rundi go laufe. Oder er got ufe Balkon sandkaste / riitiseili...am nomi ähnlich wo mer viel zum grosi gönd oder zu de schwöster / kollege - au das 2x ide Woche langet au... denn giz halt wüki viel ztue mit wösche putze ruume etc ... En Usflug giz den mol ame Sonntig 😎
• Nessa

  233

  20. 04. 2019, 05:32

  Bawa schrieb: »

  lerne mol sich längwiile

  
  das tönt gar ned blöd sonder isch eso.. Sie hends susch scho schwerer das xseht mer ja au wen zb. e gruppe nur am handy umedruckt anstatt sich unterhalte oder eppis unterneh! (klar ersch wens elter sind) us langwil entstaht kreativität.. ich find sie müend das unbedingt lerne🤗👍🏼
• mrspfeffer

  356

  20. 04. 2019, 06:30

  Also mir hend am weekend immer programm, aber ned will eus langwilig isch sondern will mers eifach gern hend. Aber eusi chli (4.5 j.) chansich trotzdem sehr guet allei beschäftige und dihei gsemer sie amel 3h ned will sie dusse oder im zimmer isch.
  Aber min maa schafft unter de wuche und hett am abig kei ziit mit de chind will beidi u früeh is bett gönd.
  Also mit sache unterneh meini jetz zbsp. Hüt strasbourg, gester simer uf interlake zur nonna und denn go spaziere und es glace go esse, oder mitem velo wiit fahre und grilliere etc.
• sarah84

  1

  20. 04. 2019, 06:40

  wenn kind nach de ferie in der schuel vrzelle was si gmacht händ, do stöhn mir d hoor zbärg. ei programm nachem andere, skifahre denn europapark, denn hallebad usw. vieli sache wo au sehr tür sind. do frogi mi scho... drum isch in dr schuel vieles langwilig, wo de abietisch. ebbe mir isch langwilig, muess me au lerne. i find das kei gueti entwicklig uf langi sicht.
• vico

  1

  22. 04. 2019, 07:35

  Ich bin do ganz eurer Meinig! Hand jetzt au 3 Täg Programm gha und jetzt freue mir üs eifach hüt chönne i tag inezläbe und luege was er bringt 😀
• Mary Lou

  153

  23. 04. 2019, 18:52

  Findäs ou nid nötig immer weiss der Tüüfel was z‘machä.
  Mir hei ä Gartä, zwöi Spielplätz im Dorf, dr Wald isch ir Nöchi u d‘Aarä wo mä cha Entä u Schwän beobachtä.
  Mir göh ou mal i Zoo oder i Indoor Spielpi im Winter(wobii ig diä Horror findä) aber doch nid jedes Wuchäend.
  Söll jede machä was är wott, aber eigentli bruchts gar nid soviel...
• Topolino

  0

  25. 04. 2019, 07:29

  @vico bin dinere meinig. De chind langet das jo au wenn si im garte chönd umespringe oder mol eifach de ganz nomi mit ihrne spielsache spiele. S chind brucht gar ned immer so vill idrück und programm fürd entwicklig isches super wenns vill sälständig chönd spiele. Mir gönd eifach jede tag use und ab und zue gmöched mir en usflug höt zb go zug fahre das liebets😍