Masern...😡

«1

Kommentare

  • Ja hetsch geschter müsse orf1 luege. Det fragt eine impfgegner us. Die argument🤦🏼‍♀️🤦🏼‍♀️🤦🏼‍♀️ schlimm. Wiichet immer vo thema weg.
  • Das hani au no gluegt... dä arzt wo gseit het, isch halt schicksal und jede isch sies glücks/unglücks schmied🙄
  • Känne au öper wo gäge impfe isch und jedi diskusion zwäcklos. Aber die redet sech quasi au nid use sondern händ eifach eri argumänt ned z impfe. Aber de herr doc (ha bisher nor mold hälfti chönä luege) schwaffled jo voll en schissdräck. Er isch gäg alles imun aber ahstrcke loh mit vire wot er den gluchned freiwillig (wiederspruch).
    Au wenn die Bekannti chli nöcher staht unds jetzt extrem bös tönt, dänki mer emmer wedermol denne eres Chind set sich mol ahstecke ond so of messersschneide stoh (ganz klar unschön förs Chind) aber vermuetli lehredses nor eh so oder es git x usrede weroms sowiit cho esch nor nid wäg de verpasste impfing.

    Ond de sproch vowäge chinderlähmig wäge de pestiziede 🤦🏼‍♀️🤦🏼‍♀️.

    Es sell jede so handhabe wie er/ sies för rechtig haltet aber bitte ohni so scheiss usrede wo absolud absurd send.
  • Ui das isch es thema wo mi uf palme bringt🤬 ich finds eifach fahrlässig dass mer sini chind innere gfahr ussetzt obwohl mers schütze chönnt. Masere chönd immerno tödlich sie au bi eus!! Und vorallem steckets anderi ah wo sich noni impfe chönd (unter 1) und es händ so viel so massivi hirnschäde becho wills immerno so deppe git wo nur uf sich lueget🤬 und vo dene impfschäde wie autismus wos behauptet isch wüsseschaftlich nöd beleit und es git au nöd gimpfti chind wo autiste sind🤷‍♀️🤔 mengisch wünschi däne ächt dassi mal konsequentze vom nöd impfe gspüre settet, dass ufwachet
  • kenne zwei chind wo nid gimpft sind genau die häts breicht! die sind jetzt behinderet wills d eltere nid gege masere gimpft händ 😳 checks au nid😢
  • sArA91 schrieb: »
    kenne zwei chind wo nid gimpft sind genau die häts breicht! die sind jetzt behinderet wills d eltere nid gege masere gimpft händ 😳 checks au nid😢

    Das hän sie z verantworte...😞 schlimm für d kinder!Ich ha eifach müeh drmit, dass ich mis baby wo bald chunnt, nid cha schütze...oder anderi wo nid gimpft chönne wärde, däm usgliferet sind.
    Es isch jo ok, wenn me nid alles impft, aber masere müen ächt nüm si. Und es chind muess das au nid duremache....
  • sArA91 schrieb: »
    kenne zwei chind wo nid gimpft sind genau die häts breicht! die sind jetzt behinderet wills d eltere nid gege masere gimpft händ 😳 checks au nid😢

    Und händs d Eltere glehrt? Brutal das grad beidi behindered sind. Psonders au wäg de ussagene das d Masere müänd sii ond chum öperem gschadet heigi 🙄.
  • Letschti isch ja au en jugentliche ide medie cho wosich mit 16ni ned het derfe impfe lah. Will dmuetter das ned het wele. Er het müsse warte biser 18ni isch. So krass - die arme kinde😢 es sött eh impfpflicht ge. Und suscht derfets halt ned ih schuele, krippene etc👍🏻
  • tüan iar eu regelmässig nohimpfa...?
  • http://www.20min.ch/ausland/news/story/21915773 früehner oder spöter triffts die richtige🙈
  • Kailani schrieb: »
    tüan iar eu regelmässig nohimpfa...?

    Jep👍🏻👌🏻
  • Kailani schrieb: »
    tüan iar eu regelmässig nohimpfa...?

    jaa inkl. Baby🙏🏻
  • es sind zwei verschiedeni familie gsi 🙂wos troffe hät 😢 findes trurig ja ..mir impfen eifach noch impfplan .. weiss gar nid wird uf em plan die au wiederholt??
  • ALOHA schrieb: »
    Letschti isch ja au en jugentliche ide medie cho wosich mit 16ni ned het derfe impfe lah. Will dmuetter das ned het wele. Er het müsse warte biser 18ni isch. So krass - die arme kinde😢 es sött eh impfpflicht ge. Und suscht derfets halt ned ih schuele, krippene etc👍🏻

    Die woni känn wärs no so rächt wenn eres chind ned id schuel mue gah.
  • 😳 krass.. das macht eim sprachlos. Unglaublich
  • @Kailani I würd gern aber ha soooo unheimlech angst vo Sprützene... 😩😩😩
  • Wenn mer trotz Impfung, Masere bechund, verstohni den au nöd?!? 🤨
  • Denn akzeptiert de körper d impfig ned. Aber ih dr regel bechund mets den eifach abgschwächt öber da d impfig meist glich spure hinterlah het.
  • Ich musste Hepatitis A/B nachimpfen, da ich trotz 3x Impfung keine Antikörper gebildet habe. Das habe ich 15 Jahre nach der Impfung rausgefunden 😂
  • Wie isch das eigentlich er kita? Ich machemer jetzt au gad mega sorge, wel die ja gmeschti gruppene hend, was esch wenn dete sines ungimpfts kind masere bekunnt und min sohn nanig gege masere gimpft esch (er esch ja erst 6 monet alt)

    Ah bechume gad kriiiiise
  • @fuchs das isch unterschiedlich. Es git anschiinend krippene wo nur gimpfti kinde nämed.👌🏻Bi dene wo ich gschaffe han hends de impfuswies immer müsse kopiere. Ich ha bis jetzt na nie es kind gha wo ned gimpft gsi isch. Und wie ineme andere post scho gseit, hani mine eltere vode eigete gruppe au allne gseit dass zeckeimpfig bitte no mache sölled👍🏻 und zägg hend all na kopie vo dere bracht (ohni ufforderig)👌🏻 wenn öber ned gimpft gsi wär, heti als gruppeleiterin au sgspröch gsuecht und weni bide eltere ned wiitercho wer den mit de chefin😅🤷🏼‍♀️ find mit dem isch nämli ned zgspasse. Verstah dini sorg.
  • fuchs schrieb: »
    Wie isch das eigentlich er kita?

    Mir händ dimpfig vorzoge us däm grund
  • Ich segs euch, wenn mis kind masere oder co. bechunnt wege sonere doofe impfgegber familie, dene ziehbi das bis vors bundesgricht. Es esch eifach so fahrlässig. De sele sie ihri kinder diheime phalte und kontakt zu andere kinder verbiete
  • Ja de luegi das bem arzt au na a, wegen vorzieh
  • fuchs schrieb: »
    Ja de luegi das bem arzt au na a, wegen vorzieh

    Soviel ich weiss düends d impig nöd vorzieh ussert du hesch en richtige grund, wie zum bispiel dass mer kontakt mit öperem gha het wo masere usbroche sind. 🤔
  • Doch kita isch au en grund
  • Mit de MMR Impfung wird de Masern Stoff direkt verabreicht. Klar in kleiner „portion“ und will das lebendviren sind, chan also au eh frisch geimpfte ahsteckend sii. Es CHAN muss aber nöd. es sind die meiste gimpft wo krankete bechömet, wie au bim Keuchhusten etc. Eh Impfig isch nöd 100% sicher! Und geschweige nebewürkige wo derzue chömet, find ich nöd eifach „normal“.... aso bitte chli vorsichtig mit ussage we „ah wenn es ungeimpfts kind mis gimpfte kind ahsteckt“ sry die ussag! Wenn geimpft bisch den bisch ja safe so mumer ja kei angst ha 🤥 wenn mer so denkt... 😏
  • Die aussage fand ich sehr zutreffend:man soll nur die kinder impfen die man behalten will!
    Und ich schwätz nöd eifach so deher, ich schaffe im gsundhetswese und han was das abelangt leider scho einiges müesse gseh🙈😔
  • Bawa schrieb: »
    Mit de MMR Impfung wird de Masern Stoff direkt verabreicht. Klar in kleiner „portion“ und will das lebendviren sind, chan also au eh frisch geimpfte ahsteckend sii. Es CHAN muss aber nöd. es sind die meiste gimpft wo krankete bechömet, wie au bim Keuchhusten etc. Eh Impfig isch nöd 100% sicher! Und geschweige nebewürkige wo derzue chömet, find ich nöd eifach „normal“.... aso bitte chli vorsichtig mit ussage we „ah wenn es ungeimpfts kind mis gimpfte kind ahsteckt“ sry die ussag! Wenn geimpft bisch den bisch ja safe so mumer ja kei angst ha 🤥 wenn mer so denkt... 😏

    Ja mer esch wäg de Impfig ned safe aber d wahrschiendlichkeit das es ebe nid verhebt isch um einiges chliner und au vo denne gits einigi wo glich en chlini abwehrstärkig abbecho het und somit esch d chranked den nid stark und die anderne wos nid wörk ja die send den im Herdeschotz usgliffered ond chönd nur hoffe das al um sie ume gimpft sind. Mer impft ned NOR für sich und oder sis Chind sälber sondern au fördMitmänsche. Chind wo wägem schwache imunsystem nid chönd/ döfid impfe, wo no z jung send oder au för die alte lüüt. Impfe isch nid nor en sach för sich sondern öpis förd Gmeinschaft.Das findi am Impfe extrem wichtig.
  • so wiit ich mich erinnere erkranket 3-5 lüüt trotz impfig ade masere, bi ungimpfte sinds x100 ... genau so wie die „näbewürkige“ wo ja so pusht werdet vo impfgegner werdet ahgsproche. au det sind d‘lüüt wo wäg masere in spital münd und lüüt wo wäg dä mmr impfig näbewürkige händ im verhältnis x100! (biitrag vom srf) find au dä spruch vodem homöopatie kinderarzt: „masere dure mache isch wichtig für en körper“ sehr fahrlässig! luege obi de link no finde.
  • @Bawa ich darf min sohn früehstands ab 9 mönet gege masere impfe. I de kita sinds aber gmischti gruppene, dete hets also au älteri und vll ungimpfti chind, also chan solang so es ungimpfts min sohn denit astecke bes er gimpft isch.
    Wenner gimpft isch unds passiert, ja de gabi alles gmacht was ich mache chan....
  • Bin au de Shira ihrere Meinig.
  • @fuchs nach em neue Impfplan isches ab 9 Mönet
  • Na de mueni ja nur 3 mönet ergendwie überlebe. Am möntig faht igwöhnig er kita a, de fragi gad nache
  • Jo aber ebe frög dä arzt,händs mit 6 mönät gmacht ohni reaktione uf dimpfig
  • fuchs schrieb: »
    ich darf min sohn früehstands ab 9 mönet gege masere impfe. I de kita sinds aber gmischti gruppene, dete hets also au älteri und vll ungimpfti chind, also chan solang so es ungimpfts min sohn denit astecke bes er gimpft isch.
    Wenner gimpft isch unds passiert, ja de gabi alles gmacht was ich mache chan....

    das chund leider dur ds impfa... früaner hend d babys an natürlicha schutz mitübercho. durch dimpfig hens dä leider nüma
  • Also ihr hend glaub no nie es Chind gha wo ufd Impfig reagiert. 🙄 Isch imfalle ned lustig. Und nei bevor er mich agriffed: mini Chind werded gimpft. Aber weder nach em Impfplan no wird ich je alles impfe.... Min Sohn reagiert uf jedi impfig ganz extrem schlimm und ich hoff jedesmal das mer ned im Spital landed. Klar isch ned impfe au kei Lösig und klar gits Sache womer eifach mues impfe. Aber sich jedi möglich impfig inelah isch genauso doof i mine Auge. Es git echt Sache womer sich chan spare mit eme gsunde Imunsystem. Z.B. Varizelle, Grippe ect. Me sött immer au bedenke was träger und füllstoff chönd arichte.
    Ich bin selber mal nachere Grippeimpfig über 2 Wuche todchrank gsi. Ab det hani chli anders afange denke über impfige. Min Sohn reagiert genauso schlimm. Und ich hoffe bi Gott das wenigstens mini Tochter ned so schlimm reagiert wens den so wiit isch. 😪 Bin früener au total für impfige gsi. Mittlerwiile dueni abwege...
    So jetzt dörfed er mich usenand neh.
  • @Avenira
    chan dich voll versto..i bin au nöd gege impfe aber will au nöd strikt noch impfplan go und au nöd alles inelo. v.a. findi mit 8 wuche die erst impfig eifach zfrüe. und jo wenn du so erfahrig bi dim sohn machsch isch jo klar dass mer dem kritisch gegenüber stoht. isch jo super wenn mer dsache au biz hinterfrogt..👌
  • @schaai Jo für mich machts kei Sinn so früeh. Ärzt säged das sich Immunsystem ide erste 3 Mönet ufbaut. Das heisst es isch ja gar nonig mal richtig am schaffe knallt mer scho en 6-Fach impfstoff ide chlii Körper. Ade Immunsystem. Ich finde me sött wenigstens die 3 Mönet abwarte. Aber ebe jede wies für Ihn passt. Den jede muss selber mit de Konsequenze lebe wo drus resultiered. 🤷‍♀️😉
  • Jo absolut..mich nervts chli dass die meiste impfstoff so 3 fach wirkstoff dinne hend..denn muesch jo wie alli zämme ge..z.b. starrktampf findi muess mer jo erscht mache wenns afanged krable oder eifach me dene gfohre usgsetzt sind..
  • @Avenira wie reagiert din sohn den? Bisch demfall nachem impfe ame im kispi? Bi gad gwundrig😅 sehr spannends thema👍🏻
  • @Avenira ich bezieh mi nur uf d masere impfig. Ich finds nid verkehrt, skeptisch z si. Und ich impf zb au nid gege varizelle oder grippe. (Varizelle erscht im jugendalter, falls nötig).
    Ich cha aber nid verstoh, dass me alles verweigeret (mmr, polio) unter anderem uf grund vo gfälschte studie.
    Es duet mir leid, dass ihr so reagiered. Es git jo kinder bzw. Erwachseni wo us divärse gründ nid chönne gimpft wärde. Wenn zb bi dim sohn das dr fall wäri, gilts genau die mensche z schütze, wenn sich alli andere impfe.
  • Aber genau us dem grund sele doch die impfe wos guet vertrage, dene esch srisiko gringee für die wo ebe ned impfe chöne.
    Wie scho gseit, es esch ned nur fürs kind sondern au für dgmeinschaft
  • @Avenira gege welli Impfige hend ihr euch denn entschiede? Chasch mir au en PN mache, wenn möchtsch :) bin ebe au chli am abwäge, welli Impfige wörkli sinnvoll sind...
  • Aso ich ih mim alter und förd chind chond d Grippeimpfig nid in frog. Mis Mami macht se aber sie esch au bald 80gi ond het inzwösche es paar sache wo heikel send wenn sie stärcher verchältet als „normal“.
    FSME händ mehr gmacht will de Bueb vel im wald esch mer imne risikogebiet send aber d Tochter mit 2esch au noni gimpft. Do luegi denn wies bi ere werd mit zuesäzlich vel im Wald oder ned. Wobie da de Hond oft vel zäcke het vermuetli den ebe scho. Aber jo abwarte.
  • Idem post gahts ja vorallem um masere @Avenira und es red ja niemmert vonere stink normale grippe oder varizelle impfig, grippe findi au unnötig wänd nöd e immunschwächi häsch. Es gaht ja da vorallem um d masere und dete hört mis verständniss uf, wänn mer bewusst anderi dere gfahr ussetzt wo sich nöd impfe lah chönd (z jung oder wie din sohn wo wie du schriebsch so extrem druf reagiert) da aber de gross teil vo de chind nur mit(wänn überhaupt) 1-3 täg fieber oder au numme tempi druf reagiert, fehlt mir s verständnis wänn mer nöd impft🤷‍♀️
  • @corina und wer git miar d sicherheit dass miis chind nid a schlimmi reaktion macht?
  • Kailani schrieb: »
    @corina und wer git miar d sicherheit dass miis chind nid a schlimmi reaktion macht?

    Niemert aber wer git dir d Sicherheit das dies Chind ah de Masere nid stirbt?Schlussäntli es jedem sälber öberlah aber ich für min teil nime lieber en heftigi reaktion in chauf wie de tod.
  • Schlüss mich de shira ihrne wort ah
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum