Masern...😡

Kailani · 4. 05. 2019, 19:51

jo es git au bim impfa reaktiona wo richtig richtig schlimm sind aso dass würckli impfschäda drvo trägend...i finds echt a schwirigi entscheidig willi im vornherein weder weiss wia ds chind uf dimpfig reagiart oder au wias uf dmasara reagiart. aso d masara sind quasi ds todesurteil verstohni das richtig...? und so sprüch vowega ma söll nu dia chind impfa woma bhalta well findi sehr grenzwärtig. willi denka alli eltara wend für ihri chind ds besta.

Nessa · 4. 05. 2019, 19:57

Shira schrieb: »

Es sell jede so handhabe wie er/ sies för rechtig haltet

JEIN... sie sind extrem egoistisch und gföhred eifach anderi mitmensche wo sich NED/NANIG schütze chönd.. und das macht mi ehrlich xseit hessig

MiaWia12345 · 4. 05. 2019, 20:25

Nessa schrieb: »

sie sind extrem egoistisch und gföhred eifach anderi mitmensche wo sich NED/NANIG schütze chönd

Das find ich genau au, nür für sich luege isch bi däm thema ganz falsch und sehr egoistisch🤮

corina · 4. 05. 2019, 20:59

@Kailani ja masere chönd es todesurteil sie, wänns blöd lauft stirbts tra, mer müess es halt sälber wüsse weles risiko mer für sies chind lieber wott igah aber wie scho gschriebe gahts bi dem ganze au um eusi gmeinschaft wo mir alli läbet

Shira · 4. 05. 2019, 21:04

Ja klar ist nid super wenns es nid machid wills vellecht nor ego dänked. Aber vellecht händ es paari vo dene jo eifach panik eres Chind z verlüre dord impfig wills ebe denne panikmacher meh glaubid als de studie ond de bewiis vo de mehrheit vo Mänsche om sie ome. Aber mer impfer chönd do eifach absolut nüt usrichte. Sie händ eri ahsechte ud findet das 150% richtig so und nor sie machids rechtig. Komischerwies falled eher impfer uf die drufih anstatt umgekehrt und wohe das füäre cha het d Dütschland letschtjohr erläbt und mir „zum Glück „ nor imneChline Chreis in Bern au müässe metbecho. Aber hets was gändered? Nei und werom nid? Will die d Mehrheit Glöck gha het und somit sends bestärcht worde mit irne ahsichte. Also was willsch do no machä ossert uf en Insle för ned Impfer verbanne?
Also sell schlussäntli jede für sich sälber entscheide. Es wäri toll wenn mer d ahsteckig chönti zruggverfolge ond die wos wiiter geh händ ond nid händ welle impfe zor rächeschaft zieh leider esch da aber nid mögli will mer d masere scho vor usbruch wiiters git 😒.
Es esch eifach es uu schwerigs Thema.
Jedes wo gimpft esch oder impfe tued brucht keis schlächts gwösse ha.

fuchs · 6. 05. 2019, 16:23

Alli duregimpft zum glück

Bawa · 6. 05. 2019, 21:40

https://www.zentrum-der-gesundheit.de/impfung-gegen-masern-ia.html

Sandra💕 · 6. 05. 2019, 23:07

Wenn ich die site so alueg, naja... isch klar, dass es impfgegner sind und nüd neutrals.🤷🏻‍♀️ aber jo, ich ghör definitiv zum andere lager...
Sie hän sicher au gueti tipps, wills nid ganz schlächt mache.
chunnt mir grad „erhöhtes bewusstsein“ in sinn...

Kailani · 7. 05. 2019, 11:55

aso wasi hald au nid ganz verstohn... es goht do allna um gsellschaft. aber es git jo no weiss nid wöviel andari sacha wo gsellschaft chönd gfärda...an dr grippa zb. sterbend au lüüt....

Shira · 7. 05. 2019, 13:52

Kailani schrieb: »

aso wasi hald au nid ganz verstohn... es goht do allna um gsellschaft. aber es git jo no weiss nid wöviel andari sacha wo gsellschaft chönd gfärda...an dr grippa zb. sterbend au lüüt....

Das isch so aber was wotsch dr mit usdrocke? Will d Mänsche au annere Grippe chönd sterbä mue mer sich nid impfe loh?
——————Finde de Artikel, naja
De mueni mi frage werom das allgemein d mänscheit immer älter wird wennd d Schuelmedizin so scheisse esch. Denn all die Mänsche oder en grosseteil vo denne wärid nöm am läbe wenns nid schuelmedizinischi hilf in ahsproch gnoh hätte wie zb mis Mami. Ohni die wär sie scho öber zwei johr nöm unter eus au min papi hättemer scho vel früäner verlore gha wenns kei schuelmedizin git.

Kailani · 7. 05. 2019, 14:08

Shira schrieb: »

Das isch so aber was wotsch dr mit usdrocke? Will d Mänsche au annere Grippe chönd sterbä mue mer sich nid impfe

mit dem willi sega denn müasst ma sich au gega d grippa impfa loh....

twilly · 7. 05. 2019, 14:25

Hmm, isch das ned en ziemliche Unterschied bi de Grippeimpfig? Die wird jo uf eim Virus hergstellt und Grippevire chönd aber relativ rasch mutiere bzw. en andere als agnoh cha sich i de nöchschte Grippesaison usbreite🤔 Denn nützt die Impfig nüt.

Falls öpper besser drus chund, lass ich mich gern belehre.

Jeaninne · 7. 05. 2019, 14:49

@twilly hesch recht. Dr grippeimofstoff fyr negste winter wird basierend ufem Virus wo diesjoor gherrscht het entwicklet. D grippeimpfig macht denn sinn wenn me sich jedes joor impfe duet, denn deckt me nämli fast alli verschiidene Virestämm ab. Wenn mes nume ei joor macht denn nützt sie nyd viel.

twilly · 7. 05. 2019, 15:38

@Jeaninne Danke fürs Präzisiere, grad no öpis glehrt👍🏻

sabi81 · 7. 05. 2019, 19:06

Es git 23 verschiedeni masere stämm, ihr mmr impfig isch ä abgschwechte stamm vom genotyp a din! Wen auso ä masere infekt ume isch mitem genotyp b,c,d oder sonstiges... de hilft aues impfe nüt.. leider wüsse das di meiste lüt nid🤷‍♀️

fuchs · 8. 05. 2019, 05:21

Us ergendem grund send siw fast usgeotet worde, bes die ganzi kack impfgegnee scheisse agfange het. Sie hend sie bes 2015 welle usgrottet ha

Milchmädchen · 8. 05. 2019, 05:48

I han grad am 8:00 dia 2. Mmr Impfig vor Kliina. 🍀

Shira · 8. 05. 2019, 06:44

fuchs schrieb: »

Us ergendem grund send siw fast usgeotet worde, bes die ganzi kack impfgegnee scheisse agfange het. Sie hend sie bes 2015 welle usgrottet ha

Ich bin für d Impfig aber die gägner hets scho immer geh. Mängisch eifach chli lüter und den weder liesliger.Aber usrotte werd mers nie chönä denn die ärmere Länder werded die au immer weder ha und so werds weder zu eus transportiert. Genau so wie d Pest. Die esch au nie usgrottet und gits immerno.

Shira · 8. 05. 2019, 06:44

Milchmädchen schrieb: »

I han grad am 8:00 dia 2. Mmr Impfig vor Kliina. 🍀

Alles gueti eu zweine

Sandra💕 · 8. 05. 2019, 08:02

Gegner hets immer gä und wirds. Zum glück gits nid allzu vill. Aber wär weiss, wies sichs entwickled.
Geschter isch im Club uf srf diskutiert worde. Wär replay funktion het, chas jo nocheluege. Dr Daniel Koch (BAG) hets guet erklärt und au Versümnis in dr Vergangeheit igstande.

Sandra💕 · 8. 05. 2019, 08:07

D sändig isch nid die beschti gsi. D moderatorin isch nid neutral gsi und das findi nid guet. Egal für was sie privat istoht. Und denn isch no e impfgägner döt gsi. Mini hoor stöhn jetzt no z bärg... (rötele isch für schwangeri gar nid gföhrlich... 🤦🏻‍♀️🤮)

schaai · 8. 05. 2019, 09:53

muni au no luege demfall..

corina · 8. 05. 2019, 11:40

Im puls isch am mentig au was cho, falls öppert interessiert und nei ich han mini meinig nöd vom tv😉

Mirj · 8. 05. 2019, 15:45

ha hüt das bild im fb gseh. finde das sehr iidrücklich

ich dänke das ufem bild sind pocke

sabi81 · 8. 05. 2019, 21:13

Ja papier isch geduldig🙃 da cha no lang irgendöber irgendöbis drüber oder drunger schribe.. uf sötigi bilder gibi genau gar nüt da me vo de medie egal öb impfbefürworter oder gegner manipuliert wird ih die richtig wo mes grad gärn hät.. cha itz nume us eigener erfahrig bire andere impfig säge vo wege impfig oder nid; bim keuchhueste het ar kollegin ihri gimpfti tochter dr keuchhueste stercher gha aus di ungimpfti🤷‍♀️

Sandra💕 · 8. 05. 2019, 21:38

Finds bild schlimm... cha me das lösche? Mir wird grad anders...🤢Do gibi dir rächt, sabi81. Medie düen halt sehr beiflusse. Trotzdäm wirdi nid verstoh, wieso me nid gege mmr impft.
Küchhueschte isch e anderi gschicht. Dr impfschutz isch nid gwährleischtet, me chas trotzdäm kriege. Drum verstandi, wenn öbber seit, das impfi nid. Ich has trotzdäm gmacht, wil ich besser mit däm läbe cha, wenn öbbis wäri.

Bawa · 8. 05. 2019, 21:48

Aso bitte völlig denebet das Bild!!!

Shira · 8. 05. 2019, 21:51

@sabi81: jedi impfig esch kei garantie das mer devor 100% gschötz esch. Es chond immerno uf de körper vom jewilige betroffne drufah. Jedoch esch d Wahrscheinlichkeit eher gring das es vergäbens gsi esch. Jedoch es do schwerig zsäge ebd d stärchi vo dr impfig chond oder ebs au ohni so starch usgfalle wäri.
Hoffe em Chind gohts trotzdem weder guet.

fuchs · 9. 05. 2019, 05:39

Selbst wenn masern oder pocke ohni schlimmere verlauf send. So chöne sie aber au schlimmi narbene hinterlah und schind esch dene au für immer zeichnet .... ich finde dimpfige hend eigentlich nur en klare vorteil.
Aber ebe de impfgegner dene erne chind sowas passiert sege eifach gar nix dezue (me well de fähler ja ned igestah)
Naja die diskussion chame 100 jahr füere es get glaub nur die einti oder anderi meinig 🤷‍♀️Ben froh esch er kita impfpflicht, höttine suscht wohl weder usegna 🙈

Lilly · 9. 05. 2019, 06:19

Wenn babys us rein egoistische Gründ uf e natürlichi Geburt sowie Muettermilch müand verzichte finda ich persönlich ebafalls verwerflich und dena sini eltere sägend au nünt derzue, wil mr fehler nid gern igesoht geschweige denn nöd emol wöt gseh;-)

Falls dass Bild doba wöt d‘impfkritiker vom Gegeteil überzüge... hahaha fehlanzeige, dass isch nume lachhaft und rein hetzerisch...

Und vo wega D‘impfige händ rein nu vorteil... händ ihr dänn di Bpackzettel scho mol gstudiert? Mittlerwilla leit bald jede Erwachseni Wert druf, dass i sim Deo kei Aluminium dina isch aber amene Baby ohni usbildeti Bluet Hirnschranke lönd ihr Aluminium ine ohni das Z‘hinderfröge.... Ich bi nöd generell geg Impfe aber nöd bi so klina gschöpf!
Wenn alli Erwachsene gimpft wäred, wür für bb‘s au kei gfohr bestoh... immerhin sind mr die wo umereisend und die vire verteilet...

Lilly · 9. 05. 2019, 06:39

Und Aluminium isch nu ein vo vielne Inhaltsstoff vo frogwürdig sind. Vo dä mrc-5 zelle zb. wo nochwislich uf abtriebne menschliche Fötene züchtet worde sind, wömer jo gar nöd rede...

Shira · 9. 05. 2019, 06:41

Wenn du umereisisch sprich id Ferie gasch lasch dini Chind also de heim damit sie, wills ungimpft sind, keini bakterie und virene chönd hei neh.

Bawa · 9. 05. 2019, 07:14

Lilly 👍🏻

corina · 9. 05. 2019, 08:16

Liebe Impfgegner: bitte lasst dann eure Kinder auch kein Salat und Gemüse und auch Fisch etc essen, dort befindet sich auch Alu🤷‍♀️ Ernährt sie mit Luft und Liebe da seit ihr am sichersten. Und wenn dann eure Kinder Masern haben rennt dann nicht zum Kinderarzt oder in den Notfall. Versorgt sie dann auch zu Hause. Im falle einer Hospitalisation wäre es dann angebracht die Kosten selber zu tragen auch die einer Intensivstation die es evtl. braucht, ihr wolltet ja die günstige Impfung nicht. Sollten eure Jungs unfruchtbar werden/sein denkt mal über das 2M in MmR nach, das wäre bei Krankheitsausbruch eurer verdienst👍 und bitte kauft keine Pampers denn die unterstützt man ja bekanntlich mit Umpfdosen in 3weltländern, am besten spendet eure Impfdosen gleich, denn andere wären dankbar. Und Lilly ich hoffe du benutzt nur cremes und putzmittel und medikamente von dene du genau weisst dass nie irgendetwas an einem anderen tier/menschen oder teil des Menscheb gezüchtet oder Versucht wurde

fuchs · 9. 05. 2019, 08:50

De ganzi fortschritt er medizin isch nun mol an tests an tier und mensche zverdanke. Ohni all das würde mer an sehr viel sache sterbe. Ich bin der meinig das meh das halt für wichtigi sache en kauf nä muess.
Be oflegepeodukt und halt eifach sache wi ned wichtug fpr gsundheit sind, legi au wert druf das kei tierversuech gnacht werde.
Gege de versuech an abtribene fötus besch drgege, aber die 1000 müss znd rattene wo lebend als testtier gna werde be dene hesch keis problem?

corina · 9. 05. 2019, 09:05

Und noch was: würden die Impgegner nicht in der komfortablen Schweiz wohnen , sondern in einem Land in dem nicht die KK alles übernimmt (ok fast alles) und ihr im Notfall nicht auf alle Medikamente und 1A Medizinische hilfe vertrauen könnt, glaubt mir ihr würdet auf das bisschen Alu etc 💩 und wärt froh wenn es diesen Impfstoff geben würde

Shira · 9. 05. 2019, 09:56

Ganz ehrlich dank dr Medizin, au wenn sie ned schafstofffrei esch ond risike ond näbewörkige het, werdemer höt so alt. Ond jo bi de Fuchs erer Meinig ohni Tier ond Mänscheversüäch gahts leider nid.
D Mänsche stärbet eher ah de Umwältverschmotzig als an ergend ennere spohtfolge vonere Impfig.
Ich ha vermuetli mis halbi läbe gläbt bi doregimpft ond ha bisher no keine nohfolgeschäde. Damals hets garantiert meh alu im impfstoff gha wie höt. Mis Mami esch so vel ich weiss au doregimpft eri gsundheitsproblem basiere aber nid ufd d impfig sondern ufd Umwältverschutzig.
Egal was d impfgägner säged bi eus i de grossfamilie het no nie eis met impfig problem gha.

Ond jo ih hoffe fescht das d Impfgägner eri chind bi jedem schnupfe sofort de heime isoliert lönd will jede schnupfe chan es vorzeiche sie förd Masere. Danke das er dert au so konsequänt sind.

Caramel · 9. 05. 2019, 10:28

@corina 💪👏👍

sabi81 · 9. 05. 2019, 10:46

Corina, betreffend alu, unter dem muskel kann der körper mit dem alu leider nicht wirklich umgehen, da es dort nichts zu suchen hat, hingegen im magendarm trakt, kann er besser damit umgehen und es wird wieder ausgeschieden! Unter dem muskel wird es nicht ausgschieden sondern es setzt sich überall ab... bezüglich einer masern erkrankung würde ich eh, ob jetzt mit oder ohne impfung nicht zu einem arzt oder notaufnahme rennen sondern nur in telefonischem kontakt stehen, will ja nicht noch weitere mitmenschen damit anstecken! Das sagt mir aber schon mein normaler menschenverstand! Ich renne aber auch nicht gleich zum arzt wen mein kind mal 40grad fieber hat🤷‍♀️! @fuchs, es geit dr lilly äuä meh drum, dass si ihrem kind nid abtriebni fötene ma ih körper sprütze.. und dass me sich bewusst wird, was aues näbscht em effektive virus no aues für zuesatzstoffe dri gmischt werde damits überhoupt zure reaktion im körper cha cho! Es geit hie weder um öb me für oder gege tierversueche etc. isch🤷‍♀️ u gloub ds schlimmste isch, dass d ärzt u d pharma nähr nid chöi drzue stah wens zure impfreaktion chunnt us aus impfschade ahgluegt wird, das me aus spinner ahgluegt wird, wen me es völligs usglichnigs, normal entwicklets chind het u nach dr mmr impfig es komplet anders chind het🤷‍♀️! D pharma het ou nid umbedient ds interesse ah überus gsunde lüt, wü chranki lüt eifach nunmal ihres chärngschäft isch u diä dementsprechend interessanter si aus di gsunde! U hie geits nid um medis wo me viellich wegere masere inferkion brucht sondern um die wo me langzytmässig mues näh... scho mau vo dere sittä ahgluegt? Werum gits geng meh chind mit asthma, adhs, allergie,lernschwächi etc? Ig bi nid per se gäge impfige, bi aber gäge das frühche impfe u vorallem gäge jede seich ga ds impfe! Ah u mi maa het mumps gha trotz impfig u mir hei zwöi putzmunteri kids! Es git eifach ke garant u ou das es milder würd verloufe isch nid erwiese.... es chunnt uf di richtegi behandlig ah wo jedi chrankheit mit sich bringt! Bi masere z.b ds fieber nid senke, dunkle ruum, ruhe, höchdosierts vitamin a u c verabreiche... das nume am rande... u werum ds afrika nach wie vor so viu chind ah masere stärbe, het vorallem mit dr fähl u ungerernährig ztüä! Da bi de masere ds vitamin a u c ä sehr ä grossi rolle spiele...

fuchs · 9. 05. 2019, 11:05

Tja sproblem esch aber das masere asteckend send bevor sie usbreche. Somit steckt den das arme kind alli andere ah wo nid gimpft werde chöne.
So und jettt send mer weder bem afang vor diskussion

doni · 9. 05. 2019, 16:51

Hallo zäme
Ech weiss leider au ned wasi vo dem thema sell halte..aber ech fends zimlich naiv wenn mer impfgegner als dumm herestellt - hani frühner selber au.. mis chind esch au gimpft.... ud erst nachdem ech gimpft ha han ech mech eigentlich met dem thema usenandgsetzt....und das ned grundlos. ech be momentan so wiet das ech weder deför no degege be....krankheite machet mer angst wem scho ned ? Mer wot ja s chind met allem schütze was mer cha....aber nachdem ech glese ha was i dene inhaltsstoff drin esch ud was hät chöne passiere..... ich finds au zimlich eifach gmacht wenn mer seit impfgegner send dumm.... du ghörsch vo diversne fäll das s chind met schwere nebewirkige zkämpfe hend nach de impfige....und jaa ech ha angst und respekt vor beidem mittlerwile....ned zimpfe und au zimpfe !

doni · 9. 05. 2019, 16:53

usem internet.

corina · 9. 05. 2019, 19:02

Ich känn mich us miten Körperabbau und es wird au Alu über Lebere/Niere verschaffet aber wie scho gseit, Kopfsalat etc hät au mega viel Alu dinne🤷‍♀️ und weg de Menschlichezelle, ich wär froh wänn eis vo mine⭐️li wenigstens öppert anderem was guets häts chönne tue wänns nöd uf dere wält hät dörfe sie. Und e Organspänd isch ja au meistens vo tote🤔 und ich stell d impfgegner nöd als dummi mensche ane aber ich find dänn sell mer konsequent sie und alles was dezue ghört au berücksichtige und nöd nur schreie: es hät alu dinne und und und.... so ich wird mich jetzt vo dere Duskussion distanziere, da ich lieber mini Energie i mis Chind stecke als ......

Bawa · 9. 05. 2019, 20:31

Jedes Mami/Papi will nur beste für sis Kind. Es isch für jede einzeln da inne siiin Weg..Es git Mensche die hinterfroget,dur eigeti negativi Erfahrungen nach impfige (wos leider geh het) und es git mensche wos eifach machet wills mer macht...(und kei negativi erfahrungen gmacht hend) aber beidi siite sind gueti für jede Einzelne Familien.
Vilicht wers ez ziit zum au da bi dem Thema e Punkt zestze..... ✌🏼

Ohana · 10. 05. 2019, 05:47

I dänkes o mä würd d diskussion besser mau beändä @Bawa ! I hasä interessiert verfougt aber mi bewusst nid beteiligt. Da d meinigä uf beidnä sitä extrem si, u eh niämer vo sim standpunkt wott abwiichä.

sArA91 · 15. 05. 2019, 13:36

Corina schrieb: »

Liebe Impfgegner: bitte lasst dann eure Kinder auch kein Salat und Gemüse und auch Fisch etc essen, dort befindet sich auch Alu🤷‍♀️ Ernährt sie mit Luft und Liebe da seit ihr am sichersten. Und wenn dann eure Kinder Masern haben rennt dann nicht zum Kinderarzt oder in den Notfall. Versorgt sie dann auch zu Hause. Im falle einer Hospitalisation wäre es dann angebracht die Kosten selber zu tragen auch die einer Intensivstation die es evtl. braucht, ihr wolltet ja die günstige Impfung nicht. Sollten eure Jungs unfruchtbar werden/sein denkt mal über das 2M in MmR nach, das wäre bei Krankheitsausbruch eurer verdienst👍 und bitte kauft keine Pampers denn die unterstützt man ja bekanntlich mit Umpfdosen in 3weltländern, am besten spendet eure Impfdosen gleich, denn andere wären dankbar. Und Lilly ich hoffe du benutzt nur cremes und putzmittel und medikamente von dene du genau weisst dass nie irgendetwas an einem anderen tier/menschen oder teil des Menscheb gezüchtet oder Versucht wurde

ich gsehs glich🙂👍🏻 chönd froh sii das d Medizin bi üs so wit isch

Nessa · 15. 05. 2019, 14:46

Lilly schrieb: »

Wenn babys us rein egoistische Gründ uf e natürlichi Geburt sowie Muettermilch müand verzichte finda ich persönlich ebafalls verwerflich und dena sini eltere sägend au nünt derzue, wil mr fehler nid gern igesoht geschweige denn nöd emol wöt gseh;-)

mit dem schadisch du aber keinere fremde person.. ich bring kei schwangeri und ihres ungeborene baby i gfahr wen ich mis chind ned stille wür oder en KS wünschti

Masern...😡

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: