SWISSMOM-PARTY 🤩

mariechäfer · 24. 05. 2019, 21:26

Etzt chas warm werde und es mönd nid nu immer die gliichige leggins herehebe😉😊

Tanja87 · 24. 05. 2019, 21:41

Hej ihr liäbä🌸🌺 en frag a alli stillende mamis.. wie und wenn hend ihr amig abpumpet fürd milch uf vorrat z ha? Ich han etzt das mal versuecht, aber has ned mal uf 50ml gschafft😱 hend ihr mier en tipp☺️

Admin · 24. 05. 2019, 21:42

Hi alle,

Für die Desktop Version des Forums haben wir ein kleines optisches Update eingespeilt. Wir hoffen es gefällt.

Die neue Ansicht für die App ist auch fertig (für iOS) und wird in den kommenden Tagen im App Store veröffentlicht. Danke für eure Geduld.

Lg, Admin

ALOHA · 24. 05. 2019, 21:44

@Admin uhhh bin ja gspannt. Danke oii fürd arbet🤗

Admin · 24. 05. 2019, 23:04

@ALOHA: Es ist vielleicht noch nicht ganz so, wie es sich manche gewünscht haben, aber ein erster Schritt. Bilder kommen auch noch. Oben Links kann man zwischen beiden Ansichten hin- und herschalten. In ein paar Tagen ist es online.

Sunshinemom · 25. 05. 2019, 06:42

Wow @Admin das gseht doch scho super us!!!

schildchrötlimel · 25. 05. 2019, 08:50

@Admin vielen Dank für euren Einsatz 👌🏻😎💐

ALOHA · 25. 05. 2019, 09:00

@Admin da bini gspannt😬👍🏻

mariechäfer · 25. 05. 2019, 09:55

So und sbaby isch etzt au versorgt,etzt döfs de glii cho…😍😊😉

Valerie · 25. 05. 2019, 10:31

chömet doch verbi😘

Tanja87 · 25. 05. 2019, 22:43

https://www.deindeal.ch/de/channel/category/199478?utm_medium=referral&utm_source=app_share&utm_campaign=Android

Falls öbber Marke Pampers verwendet😉

Mimama · 26. 05. 2019, 07:08

SS Test zu Verkaufen für 5 Fr

LoSo · 26. 05. 2019, 14:29

Tanja87 schrieb: »

ihr liäbä🌸🌺 en frag a alli stillende mamis.. wie und wenn hend ihr amig abpumpet fürd milch uf vorrat z ha? Ich han etzt das mal versuecht, aber has ned mal uf 50ml gschafft😱 hend ihr mier en tipp☺️

Ich han amigs ei siite pumped weni di ander gstillt han. Vil isch aber au nie cho🤨😏 hans den ufgä 🤪 s het mi me gstresst als öpis anders.... weni mal weg ben gits Pumi. Has aber na nie bruchd bes jez. Nimm si eifach überall hi mit, hans glück chani 100% deheime si😍

Shira · 26. 05. 2019, 15:05

Tanja87 schrieb: »

Hej ihr liäbä🌸🌺 en frag a alli stillende mamis.. wie und wenn hend ihr amig abpumpet fürd milch uf vorrat z ha? Ich han etzt das mal versuecht, aber has ned mal uf 50ml gschafft😱 hend ihr mier en tipp☺️

Ih ha immer nach em stille abpumped. Wenns no nie gmacht hesch den chond am ahfang noni vel denn d Broscht mue sech zerscht dra gwönne an en andere sugart. Zomindescht esch da bi mer so gsi. Woni am ahfang mit dr handpompi gmacht gha ha hani zerscht nüt drin gha ond om so meh is gmacht ha um so meh hani gha den hani uf die e-pumpi gwächsled gha und es esch fascht nüt cho bes es sich weder dra gwönnt het.Guets dorehebe.

Tanja87 · 26. 05. 2019, 20:49

Danke @LoSo und @Shira👍 versueche mal echli was am beste isch. Bruuche d milch ebe scho am mittwuch. Aber es setti bis denn gnueg ergäh. Ha etzt i 2 Tag 110ml chönne abpumpe😁

Tanja87 · 26. 05. 2019, 20:51

@LoSo ha ebe en OP drum muessi abpumpe. Cha sie ned guet mitnäh😉

Farfalla · 26. 05. 2019, 22:37

@Tanja87 hesch met bockshornchlee versuecht? Ech ha denn fascht nomal en milchischuss und cha de super vel abpumpe 😅

Tanja87 · 26. 05. 2019, 22:46

@Farfalla das nimi scho sid Afang a☺️👍

schaai · 27. 05. 2019, 07:19

ach scheisse...habn grad gestern über auffahrt ferien in Tübingdn gebucht aber unsre kleine hat ja noch gar keine ID 😳😳😳😳🙈

schildchrötlimel · 27. 05. 2019, 07:34

@schaai wenn mi nid aues tüscht, chasch mitm Familiebüechli übere. Abr lüt doch churz am Zoll a.

Luna85 · 27. 05. 2019, 07:37

Familiabüachli langet leider nit. Aber mer chan glaub en notfallpass macha loh, kostet glaub eifach um di 100fr.

schaai · 27. 05. 2019, 07:46

de nozfallpass wird grad usgstellt odr goht das au es pasr tag?

schildchrötlimel · 27. 05. 2019, 07:54

Letschte Dez isch mi Sohn (3j) bi de Grosseltere im Elsass gsi. Sie hei, nachdem si ihn üs widr heibracht hei, sini IDK im Elsass vergässe 😬

Da mir 2 Wuche später widr über Gränze uf Frankriich hei müesse (IDK immer noni zrügg becho) hani am Zoll aglüte u si hei mir gseit, dass mir eifach s‘Familiebüechli, Geburtsurkunde u vorauem üsi eigete ID‘s müesse debi ha. Jedoch dürfe nur d‘Eltere mitem eigete Chind „so“ reise.

Weiss haut iz nid, ob mi de Zoll fausch informiert het 🤷‍♂️

U wenni mi nid tüsche: Notfallpass gits nur am Flughafe

kläffchen · 27. 05. 2019, 08:02

@schaai wenn du jetzt gleich den Termin machst, sollte das ja noch reichen... geht ja noch 2 Wochen

schaai · 27. 05. 2019, 08:06

@kläffchenne mir bruched ihn am mi. 🙈

schaai · 27. 05. 2019, 08:06

was isch denn sfamiliebechli? daa hend mer gar nöd

schildchrötlimel · 27. 05. 2019, 08:09

S‘heisst offiziell Familienausweis:

schaai · 27. 05. 2019, 08:10

mir sind nöd verhürotet..drum glaubs..

Ohana · 27. 05. 2019, 08:12

@schaai ds hei gloub nur verhürateti... wenn dr nid verhüratet sit müesstisch äuä anderi dolumänt mitnä... lüt am bestä bim zoll ah

schaai · 27. 05. 2019, 08:12

dankä machi

kläffchen · 27. 05. 2019, 08:19

Aah, irgendwie hatte ich Pfingsten im Kopf. Janu, ich würde wohl einfach über die Grenze gehen. Und den Geburtsschein mitnehmen.

schaai · 27. 05. 2019, 08:27

jo min partner het au gmeint riskiere..

schaai · 27. 05. 2019, 09:37

SCHÜSSLERSALZ HET ÖBBER INTRESSE FAST VOLL!!

mariechäfer · 27. 05. 2019, 18:57

I frög etzt trotzdem mol au wenni gfahr laufe dasi mi mit mim erziehigsstiil
Unbeliebt mach…
Zu de situation hüd:
Die chli am 4.6 2j. hed dsache uf de chuchikombi trotz mehrfachem sege nid sii la,hanere de mehrfach gseid i memi schemmeli weg wenn sie nid höri,seinzig was cho isch isch es grinse gsi,uf das abe hani sie gfröged ebis wüki sell wegne,sie hed denn mitme grinse ja gseid.
I has de weg gna umd verrumed,was natürli zumne riese gschrei gfüehrt hed.
Etzt mini frag,sind ihr derer meinig das es chind i dem alter sehr wohl weiss was ja und nei heissd oder nid?
Dmeinige gönd da ja sehr usenand…
Es isch ebe nid serst mol das sie ja seid und wennis de wûki mach imne gschrei hnd goisse endet🙈

fuchs · 27. 05. 2019, 19:00

Also ich han be mirer nichte guet gmerkt dasi au hüt nanig gabz verstaht was ja und nei heisst🙈 und sie esch 3 1/2

vico · 27. 05. 2019, 19:04

Üsi chli isch au zwöi und ich bi mir sicher dass sie weiss was jo und nei heisst! Ich hätts und maches au so... irgendeinisch muesch "drohige" dürezie schüsch bringts ufsmol gar nüt meh 🙈

Mirj · 27. 05. 2019, 19:12

mini wird änds juni au 2, sie weiss meistens scho was ja/nei heisst. ide chuchi bini knallhärt! wer nöd folget dä flügt use. mini chind hocked viel obe uf de abdeckig, wänns turnet oder öpis nämed wos nöd döfed (vorher 2,3,6x gseit) münds abe. wänns ufem schemmeli stönd und is mässer langet oder sus öpis mached, münds au gah.. git immet wieder es gschrei, aber mir sind ja au frustriert wänn mer öpis nöd bechömed 🤗

Shira · 27. 05. 2019, 19:52

mariechäfer schrieb: »

I frög etzt trotzdem mol au wenni gfahr laufe dasi mi mit mim erziehigsstiil
Unbeliebt mach…
Zu de situation hüd:
Die chli am 4.6 2j. hed dsache uf de chuchikombi trotz mehrfachem sege nid sii la,hanere de mehrfach gseid i memi schemmeli weg wenn sie nid höri,seinzig was cho isch isch es grinse gsi,uf das abe hani sie gfröged ebis wüki sell wegne,sie hed denn mitme grinse ja gseid.
I has de weg gna umd verrumed,was natürli zumne riese gschrei gfüehrt hed.
Etzt mini frag,sind ihr derer meinig das es chind i dem alter sehr wohl weiss was ja und nei heissd oder nid?
Dmeinige gönd da ja sehr usenand…
Es isch ebe nid serst mol das sie ja seid und wennis de wûki mach imne gschrei hnd goisse endet🙈

Ih wörd säge sie weiss scho was ja und was nei heisst aber sie cha sech d Konsequenze nid vorstelle. Also ebe was es bedütet wenn s schemmeli weg isch.Ih finds wechtig eifach d „drohig“ au dore zieh wennt eini ussprechsch sos besch de gli nöm glaubwördig. Ih machs bi beidne (er 4 1/2 und sie 2) de amis so dasi mini drohig war mach sie denn eh chli sii lah ca 1min ond denn nomol tue rede ond säge das es weder bechöm aber xy ned macht sos nemis weg und denn gits es nöm. Mängisch klappeds denn und mängisch den halt nid. Chond immer au nochli uf die gsammt luune drufah.
Ebs jetzt pedagogisch wertvoll esch oder ned sei dahin gestellt aber ih bin es mami und werd nie alles perfekt machä so wie mini chind au nie alles perfekt werded machä ond das daf au so sie solangs imne rahme bliebt.

Valerie · 27. 05. 2019, 20:22

Sternenkind😔Mamis e kollegin vo minere kollegin muss morn oder übermorn ihres baby (16ssw) uf d welt bringe😢 sie wür ihre gern was schänke oder mache oder egal was händ ihr mir e idee wasi ihre chönnt säge😖

Mary Lou · 27. 05. 2019, 21:07

@mariechäferI hetts ällwä ähnlich gmacht wiä du.
Äs isch ä logischi Konsequenz wo du düräzogä hesch u nid irgend ä anderi „Straf“ wo nüt mit dr Situation z‘tüä hett. Das wär de nid so optimal gsii.

sabi81 · 28. 05. 2019, 07:01

@schaai, notpass mache si au aune grosse uswiszentre u chasch sofort mitnäh! Riskiere würdis nid, wen si di use näh steisch ah stunde am zoll u geisch im schlimmste fall ume hei! Jede mues sich chönne uswiese u ds familiebüächli längt nid! Git sicher zollbeamte wo qulant si, aber ha scho anderi stories ghört! Mir hei letschts jahr ou ä notpass müässe ga mache...

mamala · 28. 05. 2019, 12:49

Hallo fraue, ich be ide 21 ssw. Sed gester esch mer unwohl, schlächt ond müed. Ha am obig einisch müesse erbräche. Höt natürlich no e komische mage, mageschmärze ond kopfweh ond eifach schlapp. Wörded er do zom arzt oder chani das eifach uskuriere? Be unsicher wel jo jetzt de no fiirtig esch.

ALOHA · 28. 05. 2019, 12:58

@mamala ich han das au grad gha. Het am sunntigabig am 6i ahgfange bis geschter abig.
Han so durchfall gha, buchweh, bi schwach gsi und todmüed. Han de angscht gha wege de flüssigkeit wegem baby. De frauearzt het geschter am tele gmeint söll bioflorin neh. Zägg hetsich alles im mage und den darm ahpasst dur die guete bakterie.
Die nacht hani vom 22.00-10.15 duregschlafe😍Evt hilfts dir au👍🏻 bi ide 26.ssw
Gueti besserig🙏🏻

mamala · 28. 05. 2019, 13:01

Danke vell mol @ALOHA! Ich ha äbe au sgfühl es esch eifach e chäfer. Ha no prenetol vo de tochter dehei. Cha jo mol die nä.

A___A · 28. 05. 2019, 13:02

Liebi Mamis, was machet ihr gege Wasseriilagerig? Bi mer gahts eifach nid wägg! 😢

hihi · 28. 05. 2019, 13:06

@A___A hesch stützstrümpf die helfet recht gege wasserilagerige

ALOHA · 28. 05. 2019, 13:10

mamala schrieb: »

Danke vell mol @ALOHA! Ich ha äbe au sgfühl es esch eifach e chäfer. Ha no prenetol vo de tochter dehei. Cha jo mol die nä.

Jaa ischs bi mir anschiinend au gsi. Has wie ahgworfe becho😳
Sehr guet👍🏻 hoffentli gaht au schnell verbii🤗😍 und falls nach 2 täg (durerbreche) ned besser wird würi zum arzt gah, wegem flüssigkeitentzug. Im schlimmschte fall musch den halt in notfall, aber das ischs eim den wert. Chunt scho guet🙏🏻

A___A · 28. 05. 2019, 13:12

@hihi i ha Stützstrümpf aaaaber i ha so mühe mit dene.

hihi · 28. 05. 2019, 13:14

Ich au aber ich ha wider afange sie alege da ich i de 1.ss extremi wasserilagerige i de arme gha und uf de schmerz ha ich kei Lust meh 😔

Admin · 28. 05. 2019, 14:19

Hallo alle, wir haben im App Store heute eine neue Version der iOS App veröffentlicht, bei der es auch ein Preview des ersten Beitrags zu sehen gibt. Es ist nicht exakt wie bei Local Family, aber wir bauen es weiter aus (Bilder zum Beispiel) und das Design soll auch schöner werden.

Links oben, könnt ihr zwischen den Ansichten wechseln.

SWISSMOM-PARTY 🤩

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: