SWISSMOM-PARTY 🤩

malguggn · 20. 06. 2019, 19:12

dass s chind nid ir mitti söttsch ha, hends üs im spital ou gseit und d hebamme hets bestätigt, aber muess jede sälber wüsse 🤷

kismet · 20. 06. 2019, 19:24

Fraue ich han mega viel buebekleider vo 50-80. han es winter und es summerbaby alsp alles dabei. Meldet üch doch wenn ihr interessi hend. Gibs günstig witer

Joeli · 20. 06. 2019, 19:28

malguggn schrieb: »

dass s chind nid ir mitti söttsch ha, hends üs im spital ou gseit und d hebamme hets bestätigt, aber muess jede sälber wüsse 🤷

Hends eus au gseit.

corina · 20. 06. 2019, 19:47

@schaaigenau mit somene gitter und dänn hani no s stillchüssi locker drum gleit, ich hätt nöd welle dass er ide mitti liegt, erstens weg de überhitzigsgfahr(chan au en ifluss uf de chindstot ha) und au dass niemmert vo eus druf lieht und nachher wo er grösser gsie isch, hani au d sietewand vom bettli weggnoh und has a euses bett gstellt

Caramel · 20. 06. 2019, 21:50

LoSo schrieb: »

dörfi frag inwiefern das es öpis brachd het, also für was hend ers bruchd? Mer hend au e schine gha und chan mers gad ned vorstelle für was den s chüssi? 🤔

@LoSo Durch das sie immer nur het kenne uf dum Rigge liegge isch dä Hinderkopf flach worde. Hent den so Kissi ka und durch das isch dä Hinderkopf wider klie runder worde. Bi üs het das sehr viel bracht. zKissi het für dä Hinderkopf ebis bracht.

schaai · 20. 06. 2019, 23:02

zum Thema Schlofe zwüsched beide Eltereteil:

Snuggles · 20. 06. 2019, 23:29

Mini schlaft au entweder ide mitti oder mit mir alei im bett ha mer ehrlichgseit bis jetzt kei gedanke drüber gmacht und weder hebamme no mübe het öpis gseit dezue.da gönd sicher d meinige wie bi vielem usenand und mini nimt sich uf jedefall de platz wosi brucht🤣

schaai · 20. 06. 2019, 23:29

@Jessi❤;️A-S❤️ genau du seisch es..

malguggn · 20. 06. 2019, 23:44

luschtigs buech... wenn klar chasch säge, dass kind erstickt isch, ischs kei sids

würd da ehner uf richtigi fachlüüt vertraue. aber wie gseit, jede wien är will.

Nessa · 21. 06. 2019, 04:24

@schaai ich hett min sohn au nie id mitti gleit wo er so chli xsi isch. mir isches aber drum gange das min maa sehr tüüf schlaft und ich ehner bedenke gha het das er uf ihn liht oder iklemmt.. @malguggn xsehns ez ned gnau aber denke es isch‘s babyjahre vom largo. das buech isch au unter fachlüüt sehr beliebt

schaai · 21. 06. 2019, 05:15

@malguggn das buech isch sehr beliebt und wird sehr empfohle 😊
@Nessa genau isch vum largo 😉

malguggn · 21. 06. 2019, 05:45

u.a. d swiss paediatrics empfehle äs eigets bett oder äs bett grad näbem elteräbett (aso bistellbett).
zum buech: grunddefinition vom sids isch nume eifach mal, dass mer d ursach nid kennt. s ersticke würdisch bir obduktion erkenne. drum macht dä abschnitt nid würklich sinn.
wie ou immer, muess jede für sich sälber verantworte... ich bin raus us däre diskussion.

mrspfeffer · 21. 06. 2019, 06:48

Also mini beide Chind hend bis zum 8te Monet vo Geburt ah zwüsche eus gschlafe und beidi sind gottseidank na unter eus und gsund. Aber eus ischs allne so am wohlste gsi. Mer schlaft automatisch anderst, ruhiger, ufmerksamer (mir zmindest) und sie isch au ned eimal zuedeckt gsi oder so. Ich würs immer wieder so mache☺️

mrspfeffer · 21. 06. 2019, 06:50

Und wenn di Grossi zNacht übere cho isch, hemer s Stillchüssi um sie tah. Ide erste 2 Wuche au no und denn hemers wegtah.

lyamatra · 21. 06. 2019, 07:07

@ Tanja-Shane

Baby born gits ä linie, findsch uf viel sache davo, det chasch di sicher uspowere, wirsch immer was finde wo mer nöd het😂

MaMo · 21. 06. 2019, 07:07

@rosa. das hani mau uf FB gseh, kennes aber säuber nid.

kläffchen · 21. 06. 2019, 08:03

Und ich bin wahrscheinlich dann hier die Rabenmutter. Unser Sohn hat 2 Nächte (im Stillkissen drapiert) bei uns im Bett geschlafen und danach immer in seinem eigenen Zimmer. Unsere Tochter auch von Anfang an im eigenen Zimmer

Tara · 21. 06. 2019, 08:26

Hey kläffchen, willkommen im club😜 üsa erschti buab hät vo afang a im eigats zimmer gschlofa, dr zweiti dr erschti monet au, de ischr erkältet cho und sit dua bi üs. Aber miar züglend na bald wieder.

schaai · 21. 06. 2019, 08:30

@kläffchen findi super 😂 ich han sie NIE wele zu üs is bett ne..aber sie schloft eifach besser.möcht sie ez denn aber au bald usquartiere

kläffchen · 21. 06. 2019, 08:31

Mich macht es einfach so unglaublich nervös ein Kind gleich neben mir zu haben.

LoSo · 21. 06. 2019, 08:44

Caramel schrieb: »

Durch das sie immer nur het kenne uf dum Rigge liegge isch dä Hinderkopf flach worde. Hent den so Kissi ka und durch das isch dä Hinderkopf wider klie runder worde. Bi üs het das sehr viel bracht. zKissi het für dä Hinderkopf ebis bracht.

@Caramel Ah okei. Eusi het ebe ab de Schine nur na uf em Buch chöne liige, will ja d Füessli susch immer ide Luft xi sind. So het si, wäg de schine, en wunderbari Chopfform 🤣🤣

Tanja-Shane · 21. 06. 2019, 09:55

@lyamatra danka dir für dini antwort. Den luagi doch mol dia linie a! 🤗

Shira · 21. 06. 2019, 10:08

Also mini grosse Chinder esch damals nie in senn cho die is bett zneh. Am ahfang händs jewils im eigete bettli bi eus im zimmer gschlofe gha willi angst gha ha ih ghör se ned ih dr nacht. Die händ also nüt anders kennt.

Bim nachzögler hanen no im spital bi mer im Bett gha ond de heime denne au. Aber ah de bettkannte willi angst gha ha das de maa ned merkt das er ufen druf lieht. Bir letschte nochzögleri hani das au gmacht aber sie het gli zeigt das sie so ned ruhig het chönä schlafe und esch denn gli ih eres Bett eifach i eusem zimmer. Jedoch esch sie mit zwei immerno ih eusem zimmer und de grösser esch met drei i sis zimmer. Das jewils will vorher d zimmer eifach no anderswiitig brucht worde send/ werded.

Glück · 21. 06. 2019, 10:42

@kläffchenwillkommen im Club unsere hat von der 1. Nacht zu Hause in ihrem Zimmer geschlafen

Minifee · 21. 06. 2019, 12:17

Euse schloft a sit de 1. Nacht i sim. Bettli i sim Zimmer isch 7mt.und schloft sit em 4. /5. mt dure 😬🙏

springflower · 21. 06. 2019, 12:44

@schildchrötlimel: ig hät dr es occasion baby dorm kissen. was sicher ou super isch isch osteopathie. hät dr e gueti adresse. u sitelagere isch ou guet....

Tara · 21. 06. 2019, 13:09

Yumbox oder Schmatzfatz Junior?

kläffchen · 21. 06. 2019, 15:04

Familienbett Ja/Nein ist ja wirklich eine sehr individuelle Entscheidung, es gibt da kein richtig oder falsch. Zuerst dachte ich, dass wir unseren Sohn im Bett haben, dann hat es für mich gar nicht gestimmt. Unser Sohn hat ja ein grosses Bett und ist bis jetzt noch nie zu uns ins Bett rübergekommen, bin gespannt wie es bei unserer Tochter ist, wenn sie ihr grosses Bett bekommt.

Shira · 21. 06. 2019, 16:57

@schildchrötlimel ih hät eifach so eis zom wiiters geh. Esch fasch nie brucht wordä.

A___A · 21. 06. 2019, 20:36

Mamis hend eui Babys am Afang au soviel brüelet? I gibe mim Baby BEBA Pre, chas ächt sii dass ers nid vertreit? Er brüelet unglaublech viel und lang🥵

Shira · 21. 06. 2019, 21:46

A___A schrieb: »

Mamis hend eui Babys am Afang au soviel brüelet? I gibe mim Baby BEBA Pre, chas ächt sii dass ers nid vertreit? Er brüelet unglaublech viel und lang🥵

Chan ix grönd ha werom er brüäled. Brüäled er den nach em trinke? Oder spöter oder sogar durchgehend bis zum nögschte schoppe?Wie alt escher?
Hesch scho probiert de schoppe mit fäncheltee ahzrüäre? Vellecht het er verdauigsproblem und wäge dem buchweh. De fänchel tueds ih de regel chli lindere. Eifach ganz schnäll ca 1-2sek im schoppewasser dönkle, damits bizeli farb bechond da langed scho ond den s pulver dri.
Guets dorehebe.

kläffchen · 21. 06. 2019, 22:18

Wir warten noch auf auf unsere Koffer. Die ganze Reise war echt zum verzweifeln

linaaa · 21. 06. 2019, 23:12

kläffchen schrieb: »

Wir warten noch auf auf unsere Koffer. Die ganze Reise war echt zum verzweifeln

Oh je wieso den? Hat es euch in Albanien nicht gefallen?

regi · 22. 06. 2019, 07:17

@Tara
för mi klar schmatzfatz junior do s‘inlay ond de silikondeckel chasch useneh ond so alles suber chasch potze.

kläffchen · 22. 06. 2019, 07:18

Nein, die Heimreise. Irgendwie haben die uns am Check-in nur 2 statt 4 Tickets gegeben und konnten das Problem nach 1h nicht lösen! Erst als mein Mann dann der Airline angerufen hat, ging es dann. Ohne dieses Telefonat wären wir wohl gar nicht abgeflogen. Wir mussten dann innerhalb 30min durch Passkontrolle, etc. und die Kids waren natürlich auch nervös und haben sich wie wilde Tiere aufgeführt

schaai · 22. 06. 2019, 08:20

findet ihr den preis f. ein occasions handy samsung galaxy s8 für 280 okay oder zu teuer?

LoSo · 22. 06. 2019, 10:04

schaai schrieb: »

findet ihr den preis f. ein occasions handy samsung galaxy s8 für 280 okay oder zu teuer?

wie vil GB? Ich pers. wür mis alte bruchte Natel nie für sovil verchaufe. Aber ech ben i so Sache eher en gutmensch 🙈
Drum wür ichs au ned chaufe occasion für de Priis 🤭

schaai · 22. 06. 2019, 10:59

@LoSo 64 gb..guete zuestand..jo has ez nöd gno..git soo viel agebot uf tutti..

Rizzitella · 22. 06. 2019, 18:15

@schaai meh weder 200.- wördi ned zahle. Bi tutti muessch eh chli ufpasse fendi

schildchrötlimel · 22. 06. 2019, 18:23

Sooo in love 🍓🍓🍓🥰

kläffchen · 22. 06. 2019, 19:36

Sieht toll aus, der Kuchen!

Mary Lou · 22. 06. 2019, 20:28

Uh dä gseht fein us!
I stellä de morn( we igs nid vergissä) äs Bild vom Geburichuechä für mini Tochter inä...

kläffchen · 22. 06. 2019, 20:29

Ich habe einen Kuchen für die Geburtstagsfeier von morgen gekauft 😂

Mary Lou · 22. 06. 2019, 22:10

@kläffchen ist doch egal, hauptsache der Kuchen schmeckt.
Ich backe noch gerne und nicht allzu aufwändige Dekorationen mache ich auch. Aber bei Fondant bin ich raus😉

kläffchen · 22. 06. 2019, 22:13

@Mary Lou da wir erst gerade aus den Ferien zurückgekommen sind, hatte ich einfach keine Zeit dazu. Wie alt wird denn deine Tochter?

Mary Lou · 23. 06. 2019, 07:36

@kläffchen meine Tochter ist am Donnerstag 4 geworden.
Heute machen wir noch ein kleines Fest.

wtpooh · 23. 06. 2019, 08:21

@schildchrötlimel: der Kuchen sieht wirklich toll aus. Was hast du für einen Boden? Biskuit? Würde auch gerne so etwas für unseren ersten 1. Geburtstag backen.

kläffchen · 23. 06. 2019, 08:31

@Mary Lou meine Tochter wird morgen 2 😀

schildchrötlimel · 23. 06. 2019, 08:41

@wtpooh ja u zu mire Schand (i stah dezue) isch es e kaufte Bisquit-Bode 😂. När hani Vanillecrème gmacht u früschi Äberri 😅

chlini-90 · 23. 06. 2019, 09:10

Wir gehen Ende August das erste mal in den Urlaub und sind noch auf der suche nach Flügeli oder sonst Schwimmhilfe für unsere kleine sie wied dann 14 Monate alt sein.
was ist etwas gutes zum baden.
danke für die Hilfe

SWISSMOM-PARTY 🤩

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: