SWISSMOM-PARTY #2 - 🤩

Minifee · 29. 10. 2019, 19:08

Han a alptreum gha letscht nacht mit genau dere Spinne 😭 aber glaub das passiert nüme 😬

tamtam86 · 29. 10. 2019, 19:52

Oh jesses das duet mir leid,chunnt nüme vor.🤗

Minifee · 29. 10. 2019, 19:54

Macht nix chönd ihr jo nid wüsse😊 wieviel hesch de nart vo dene 8 Beiner? Finds uu intressanti tier aber nid i minre Sichtwiiti🙈😁

tamtam86 · 29. 10. 2019, 22:14

Es si im momänt öpe 30 stück.😬🙈

Susha · 30. 10. 2019, 06:17

@tamtam86 wür mir zwar keini zuetue aber isch e mega schöni spinne! 😉

Minifee · 30. 10. 2019, 06:23

30???? Nei oder?? Züchtisch du die?? 😱😱 I müesst glaub mol verbi cho eventuel hani de noher weniger Panik🤷‍♀️😬

Tanja87 · 30. 10. 2019, 06:40

Ich han letsti d Garage ufgrumet... Und ich han ja glücklicherwiis überhaupt kei Angst vo Spinne😰😱
Und was chund mer go Grüezi säge... 😨😨 So en fetti, schwarzi, riiiiiiese Grossi Spinne🕸️
Horror gsii😰😱😵
Ich bin den so wie inere Schockstarri und chani mi ned mal me bewege😭 und es früürt mi am ganze körper😢 kennid ihr spiinephobiker das au?

Marlies · 30. 10. 2019, 07:00

I han Panischiangst vor Spinne (gha) sogar vor ganz Chline. Han Afangs das Johr ä Angstseminar gmacht. Und sit do isch es scho viel besser. D'Spinne werdet nie mini Fründe, aber i han nüme so ä Panik vor ene. Han do sogar ä Vogelspinne chöne hebe

Moonpie87 · 30. 10. 2019, 07:24

Ich ha das mit Wespi...im Summer renn ich immer dävo, chöme sie Dusse a Tisch woni issä, gangi inä. Sie verderbe mir dä ganz Summer 😭😭😭

schildchrötlimel · 30. 10. 2019, 07:41

Mi lache d‘Lüüt us: de Chäuer vou Schlangene u Echse, abr Angscht vor Spinne 🤪

tamtam86 · 30. 10. 2019, 08:03

Nenei züchte duenise nid,das isch meh wie es sammle.☺️ dir wärdets nid gloube,aber die ganz normale wo dusse oder im hus si grise mi ou.😂😂

Minifee · 30. 10. 2019, 08:59

Also schla ge u echse mache mer a nix us ha selber lang gha schlange u bartagame😍 aber spinne naai duu😬 wie haltet me de so spinne? Jede einzel? Wa isch wenn eini abgot? Brrrr das wer horror vorstellig😂

tamtam86 · 30. 10. 2019, 11:24

Die si aui einzel i terrarium,haut ade läbesbedingige apasst.naja wen eini abgeit...de mueschse wider ifah.🤷‍♀️☺️

Minifee · 30. 10. 2019, 11:36

🙈🙈🙈 De hesch es im cheler oder i de wohnig? Wie lang lebt so eini? Gits de do a babys?

tamtam86 · 30. 10. 2019, 12:25

Ha e seperate ruhm im hus,das äbe der psuech nid grad aues muess a luege wen äbe öper nid eso fröid het dranne.die chöi scho eso 10- 15 jährig wärde wen glück hesch und wen so eini babys überchunnt chöi das uf einisch bis zu 100 stück si.

kläffchen · 30. 10. 2019, 12:39

Ich war in Kambodscha mal in einem Spinnendorf, aber ich habe mich geweigert aus dem Auto auszusteigen 😂 währenddessen hat unser Fahrer sich eine Tarantel genehmigt und Schlangeneier gekauft

Minifee · 30. 10. 2019, 12:43

Boh krass🙈😂 100 stuck aiaiai chasch nid es eiges thema uftue mit Vogelspinne😬?

tamtam86 · 30. 10. 2019, 13:01

Wäri äch de nid alleini dert inne?🤣🤣

Minifee · 30. 10. 2019, 13:08

Nei i chume dert ine 😁👍finds meega spannend

tamtam86 · 30. 10. 2019, 13:38

Ok,de machi doch eini uf.👍☺️

Tanja87 · 3. 11. 2019, 13:55

Mamis... ⭐🎁🎄
Bin uf de Suechi nach tolle, Idee für Gotti / Götti / Grossi / Opi... Wiehnachtsgschänkli. Möcht sie selber mache und wer toll wens e Bezug uf D Chind hed. Hed öbber en gueti Idee? Kalender, Bilder, Fotibuech sind kei Optione da das scho verschränkt worde isch😊😉
Merci viel mal für euchi Idee👍😘

mischmiisch · 3. 11. 2019, 14:24

@Tanja87 mer send au na uf de suechi 😁
Wie alt sind den dini Chind?
Da d'Larina erscht grad Jährig worde esch, werde mer wahrschinlich öpis chaufe, z.B. es wiises Tassli und vo ehre en Handabdruck druf mache.. aber ben gspannt, was anderi na vör Idee hend. 😊
Min Chliner Brüeder het emmer alli Gschenkli selber gmacht, wie z.B. Seifene selber gmacht und gformt, en Vase oder so Gläsli für Teeliechter selber ahgmolet..

Moonpie87 · 3. 11. 2019, 15:13

@Tanja87 hm Küehlschrankmagnetli selber gstallte, selbergmachti Brotufstrich mit bemahlte Gläsli (git feini Rezept für Nuss/Schoggiufstrich) Kerzli amahle, Wiehnachtsschmuck bastel mit Salzteig....

Tanja87 · 3. 11. 2019, 17:44

@mischmiisch de Gross isch 9ni und die Chliini isch 8.5 Monet😉
Mier hend ebe als Chind au immer öbbis selber gmacht, aber das isch alles nümm Ziitgmäss🤣
(side tüecher färbe, Krawatte bemalte, Kleiderbügel amale)

Moonpie87 · 3. 11. 2019, 18:23

@Tanja87 Handyhüllene verziere 😊 grad no so in Sinn cho. Handabdrück vo dä Chli oder au Fuess und de Gross cha jo scho guet selber 👌

Shira · 3. 11. 2019, 19:26

@Tanja87, bachmischig im Glas. S Glas bemohle met de chli ond em grosse ond de gross cha de hälfe d bachmischig ihzfölle. Oder au zb met risotto mischig ihfölle. Uf pinterest fendsch ahleitige.

Tanja87 · 3. 11. 2019, 19:37

@Shira das isch e gueti Idee👍 Merci viel mal 😍😘

mischmiisch · 3. 11. 2019, 20:40

Mer hend üs für so Abtröchnigstüechli entschiede, mit de Handabdrücke vo de Chlii 🖐️

•Elefäntli• · 3. 11. 2019, 20:59

Mir händ vodä Ikea die runde Korkundersetzer zunere Pinwand gstaltet 👍🏻 du chöndsch jetzt au en Fuess oder Handabdruck druf due 👍🏻

TiMay · 4. 11. 2019, 06:35

Mer möchid das johr wahrschindlich selber gmachti seife. Ond för nöchscht jahr bini au scho ideckt. De gids e chartehalter.

TiMay · 4. 11. 2019, 06:35

Das hani letschti im local ine gseh.

Shira · 4. 11. 2019, 08:27

Chartehalter esch au no cooli idee. Mue mer merke

Tanja87 · 4. 11. 2019, 09:44

Ihr sind supper Merci viel mal👍🎁🎄

sabi81 · 4. 11. 2019, 11:17

Mir hei frücht u gmüässeckli bedruckt!

schaai · 5. 11. 2019, 22:44

gits do es mami wo binere kkversicherig schaffed oder gschaffed het?

Stöpseli · 8. 11. 2019, 16:00

Hallo zäme. Het öbber vo euch erst grad d kupfer spirale la iche due, und cha mer e frag beantworte? Mi froue arzt isch drum hüt leider nid ume.

Stöpseli · 8. 11. 2019, 17:39

E frag at mamis mit meitli. Ab welem auter heit dir eune prinzässine es schnäueli oder so it haar tha?

susu · 8. 11. 2019, 19:33

@Stöpseli Minere muus ab öppe 11mönet. Si het soo längi haar. U s päumeli oder uft siite gspängelet gseht si o emmer use😂

livjona · 8. 11. 2019, 20:10

@Stöpseli, mini esch jetzt 18 mönet und hed no gar nüd im haar. ha ehre nur einisch d‘fransle gschnitte dass sie ned is gsicht chömed. sie hed dünni/fiini haare.

tamtam86 · 8. 11. 2019, 21:18

Üsi het ou meeega vil haar und darum hetsi sit si 10 mönet isch schnäueli und co. Ide haar.☺️

Mary Lou · 9. 11. 2019, 00:04

@Stöpseli Z‘erschtä mal mit 7 Mönet für a nes Hochzyt(äs passends Spengeli zum Chleidli) Nötig ischs ca. ab 11 Mönet gsii

kläffchen · 9. 11. 2019, 11:01

Meine Tochter trägt nie etwas in den Haaren, es wird sofort rausgerissen

schildchrötlimel · 9. 11. 2019, 12:06

Mini Chli het Kojak-Gen 🙈😂. Da wird no lang nüt i de Haar passiere 🤪

Summerbreeze30 · 9. 11. 2019, 12:43

@schildchrötlimel 😂😂😂 gad müesse lache, hei ou sones exemplar daheim🙈

Shira · 9. 11. 2019, 13:10

Bi eus esch aktuell de Coiffeure ahgseit und defnüt meh mit sache ih de hoor 😭😭. S erschte mol öpis dinne gha 🤔 glaube so om jöhrig ome, eri hoor wachsed nid soo schnell beziehigswiis fallts dor die eigentliche chrüseli gar ned uf.

Shira · 9. 11. 2019, 13:11

Gseht furchtbaar us au wenn mers uf de föteli ned so gseht

Shira · 10. 11. 2019, 10:20

Wer kennt en schöne Samichlaus Spruch/ Vers etc wo chorz esch onds för en Chindergärtner eifach z lehre esch?

schaai · 13. 11. 2019, 13:36

Benutzt öbber vu oi e Handmilchpumpi?

Nuxli · 13. 11. 2019, 15:22

schaai schrieb: »

gits do es mami wo binere kkversicherig schaffed oder gschaffed het?

@schaai ja ich. Schrieb mer susch e pn, villicht chani hälfe

potztuusig · 16. 11. 2019, 23:33

Saminigginäggi hinderem Ofe Stecki. Glimmer Nuss und Bire, de chumi hine (wieder) füre!

SWISSMOM-PARTY #2 - 🤩

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: